చన్ద్రశేఖరాష్టకమ్

చన్ద్రశేఖరాష్టకమ్

శ్లోక 1

చన్ద్రశేఖర చన్ద్రశేఖర చన్ద్రశేఖర పాహిమామ్ ।

చన్ద్రశేఖర చన్ద్రశేఖర చన్ద్రశేఖర రక్షమామ్ ॥ (2)

రత్నసాను శరాసనం రజతాద్రి శృఙ్గ నికేతనం

శిఞ్జినీకృత పన్నగేశ్వర మచ్యుతానల సాయకమ్ ।

క్షిప్రదగ్ద పురత్రయం త్రిదశాలయై-రభివన్దితం

చన్ద్రశేఖరమాశ్రయే మమ కిం కరిష్యతి వై యమః

శ్లోక 2

పఞ్చపాదప పుష్పగన్ధ పదామ్బుజ ద్వయశోభితం

ఫాలలోచన జాతపావక దగ్ధ మన్మధ విగ్రహమ్ ।

భస్మదిగ్ధ కలేబరం భవనాశనం భవ మవ్యయం

చన్ద్రశేఖర చన్ద్రశేఖర చన్ద్రశేఖర రక్షమామ్

॥ 1 ॥

శ్లోక 3

మత్తవారణ ముఖ్యచర్మ కృతోత్తరీయ మనోహరం

పఙ్కజాసన పద్మలోచన పూజితాఙ్ఘ్రి సరోరుహమ్ ।

దేవ సిన్ధు తరఙ్గ శ్రీకర సిక్త శుభ్ర జటాధరం

చన్ద్రశేఖర చన్ద్రశేఖర చన్ద్రశేఖర పాహిమామ్

॥ 2 ॥

శ్లోక 4

యక్ష రాజసఖం భగాక్ష హరం భుజఙ్గ విభూషణమ్

శైలరాజ సుతా పరిష్కృత చారువామ కలేబరమ్ ।

క్షేల నీలగలం పరశ్వధ ధారిణం మృగధారిణమ్

చన్ద్రశేఖర చన్ద్రశేఖర చన్ద్రశేఖర పాహిమామ్

॥ 3 ॥

శ్లోక 5

కుణ్డలీకృత కుణ్డలీశ్వర కుణ్డలం వృషవాహనం

నారదాది మునీశ్వర స్తుతవైభవం భువనేశ్వరమ్ ।

అన్ధకాన్తక మాశ్రితామర పాదపం శమనాన్తకం

చన్ద్రశేఖర చన్ద్రశేఖర చన్ద్రశేఖర రక్షమామ్

॥ 4 ॥

శ్లోక 6

భేషజం భవరోగిణా మఖిలాపదా మపహారిణం

దక్షయజ్ఞ వినాశనం త్రిగుణాత్మకం త్రివిలోచనమ్ ।

భక్తి ముక్తి ఫలప్రదం సకలాఘ సఙ్ఘ నిబర్హణం

చన్ద్రశేఖర చన్ద్రశేఖర చన్ద్రశేఖర రక్షమామ్

॥ 5 ॥

శ్లోక 7

భక్తవత్సల-మర్చితం నిధిమక్షయం హరిదమ్బరం

సర్వభూత పతిం పరాత్పర-మప్రమేయ మనుత్తమమ్ ।

సోమవారిన భూహుతాశన సోమ పాద్యఖిలాకృతిం

చన్ద్రశేఖర చన్ద్రశేఖర చన్ద్రశేఖర పాహిమామ్

॥ 6 ॥

శ్లోక 8

విశ్వసృష్టి విధాయకం పునరేవపాలన తత్పరం

సంహరం తమపి ప్రపఞ్చ మశేషలోక నివాసినమ్ ।

క్రీడయన్త మహర్నిశం గణనాథ యూథ సమన్వితం

చన్ద్రశేఖర చన్ద్రశేఖర చన్ద్రశేఖర రక్షమామ్

॥ 7 ॥

శ్లోక 9

మృత్యుభీత మృకణ్డుసూనుకృతస్తవం శివసన్నిధౌ

యత్ర కుత్ర చ యః పఠేన్న హి తస్య మృత్యుభయం భవేత్ ।

పూర్ణమాయురరోగతామఖిలార్థసమ్పదమాదరం

చన్ద్రశేఖర ఏవ తస్య దదాతి ముక్తిమయత్నతః

॥ 8 ॥

శ్లోక 10