ചന്ദ്രശേഖരാഷ്ടകമ്

ചന്ദ്രശേഖരാഷ്ടകമ്

ശ്ലോക 1

ചന്ദ്രശേഖര ചന്ദ്രശേഖര ചന്ദ്രശേഖര പാഹിമാമ് ।

ചന്ദ്രശേഖര ചന്ദ്രശേഖര ചന്ദ്രശേഖര രക്ഷമാമ് ॥ (2)

രത്നസാനു ശരാസനം രജതാദ്രി ശൃങ്ഗ നികേതനം

ശിഞ്ജിനീകൃത പന്നഗേശ്വര മച്യുതാനല സായകമ് ।

ക്ഷിപ്രദഗ്ദ പുരത്രയം ത്രിദശാലയൈ-രഭിവന്ദിതം

ചന്ദ്രശേഖരമാശ്രയേ മമ കിം കരിഷ്യതി വൈ യമഃ

ശ്ലോക 2

പഞ്ചപാദപ പുഷ്പഗന്ധ പദാമ്ബുജ ദ്വയശോഭിതം

ഫാലലോചന ജാതപാവക ദഗ്ധ മന്മധ വിഗ്രഹമ് ।

ഭസ്മദിഗ്ധ കലേബരം ഭവനാശനം ഭവ മവ്യയം

ചന്ദ്രശേഖര ചന്ദ്രശേഖര ചന്ദ്രശേഖര രക്ഷമാമ്

॥ 1 ॥

ശ്ലോക 3

മത്തവാരണ മുഖ്യചര്മ കൃതോത്തരീയ മനോഹരം

പങ്കജാസന പദ്മലോചന പൂജിതാങ്ഘ്രി സരോരുഹമ് ।

ദേവ സിന്ധു തരങ്ഗ ശ്രീകര സിക്ത ശുഭ്ര ജടാധരം

ചന്ദ്രശേഖര ചന്ദ്രശേഖര ചന്ദ്രശേഖര പാഹിമാമ്

॥ 2 ॥

ശ്ലോക 4

യക്ഷ രാജസഖം ഭഗാക്ഷ ഹരം ഭുജങ്ഗ വിഭൂഷണമ്

ശൈലരാജ സുതാ പരിഷ്കൃത ചാരുവാമ കലേബരമ് ।

ക്ഷേല നീലഗലം പരശ്വധ ധാരിണം മൃഗധാരിണമ്

ചന്ദ്രശേഖര ചന്ദ്രശേഖര ചന്ദ്രശേഖര പാഹിമാമ്

॥ 3 ॥

ശ്ലോക 5

കുണ്ഡലീകൃത കുണ്ഡലീശ്വര കുണ്ഡലം വൃഷവാഹനം

നാരദാദി മുനീശ്വര സ്തുതവൈഭവം ഭുവനേശ്വരമ് ।

അന്ധകാന്തക മാശ്രിതാമര പാദപം ശമനാന്തകം

ചന്ദ്രശേഖര ചന്ദ്രശേഖര ചന്ദ്രശേഖര രക്ഷമാമ്

॥ 4 ॥

ശ്ലോക 6

ഭേഷജം ഭവരോഗിണാ മഖിലാപദാ മപഹാരിണം

ദക്ഷയജ്ഞ വിനാശനം ത്രിഗുണാത്മകം ത്രിവിലോചനമ് ।

ഭക്തി മുക്തി ഫലപ്രദം സകലാഘ സങ്ഘ നിബര്ഹണം

ചന്ദ്രശേഖര ചന്ദ്രശേഖര ചന്ദ്രശേഖര രക്ഷമാമ്

॥ 5 ॥

ശ്ലോക 7

ഭക്തവത്സല-മര്ചിതം നിധിമക്ഷയം ഹരിദമ്ബരം

സര്വഭൂത പതിം പരാത്പര-മപ്രമേയ മനുത്തമമ് ।

സോമവാരിന ഭൂഹുതാശന സോമ പാദ്യഖിലാകൃതിം

ചന്ദ്രശേഖര ചന്ദ്രശേഖര ചന്ദ്രശേഖര പാഹിമാമ്

॥ 6 ॥

ശ്ലോക 8

വിശ്വസൃഷ്ടി വിധായകം പുനരേവപാലന തത്പരം

സംഹരം തമപി പ്രപഞ്ച മശേഷലോക നിവാസിനമ് ।

ക്രീഡയന്ത മഹര്നിശം ഗണനാഥ യൂഥ സമന്വിതം

ചന്ദ്രശേഖര ചന്ദ്രശേഖര ചന്ദ്രശേഖര രക്ഷമാമ്

॥ 7 ॥

ശ്ലോക 9

മൃത്യുഭീത മൃകണ്ഡുസൂനുകൃതസ്തവം ശിവസന്നിധൌ

യത്ര കുത്ര ച യഃ പഠേന്ന ഹി തസ്യ മൃത്യുഭയം ഭവേത് ।

പൂര്ണമായുരരോഗതാമഖിലാര്ഥസമ്പദമാദരം

ചന്ദ്രശേഖര ഏവ തസ്യ ദദാതി മുക്തിമയത്നതഃ

॥ 8 ॥

ശ്ലോക 10