Chandrasekhara Ashtakam
ચન્દ્રશેખરાષ્ટકમ્
Chandrasekhara Ashtakam
ચન્દ્રશેખરાષ્ટકમ્
શ્લોક 1
ચન્દ્રશેખર ચન્દ્રશેખર ચન્દ્રશેખર પાહિમામ્ ।
ચન્દ્રશેખર ચન્દ્રશેખર ચન્દ્રશેખર રક્ષમામ્ ॥ (2)
રત્નસાનુ શરાસનં રજતાદ્રિ શૃઙ્ગ નિકેતનં
શિઞ્જિનીકૃત પન્નગેશ્વર મચ્યુતાનલ સાયકમ્ ।
ક્ષિપ્રદગ્દ પુરત્રયં ત્રિદશાલયૈ-રભિવન્દિતં
ચન્દ્રશેખરમાશ્રયે મમ કિં કરિષ્યતિ વૈ યમઃ
શ્લોક 2
પઞ્ચપાદપ પુષ્પગન્ધ પદામ્બુજ દ્વયશોભિતં
ફાલલોચન જાતપાવક દગ્ધ મન્મધ વિગ્રહમ્ ।
ભસ્મદિગ્ધ કલેબરં ભવનાશનં ભવ મવ્યયં
ચન્દ્રશેખર ચન્દ્રશેખર ચન્દ્રશેખર રક્ષમામ્
॥ 1 ॥
શ્લોક 3
મત્તવારણ મુખ્યચર્મ કૃતોત્તરીય મનોહરં
પઙ્કજાસન પદ્મલોચન પૂજિતાઙ્ઘ્રિ સરોરુહમ્ ।
દેવ સિન્ધુ તરઙ્ગ શ્રીકર સિક્ત શુભ્ર જટાધરં
ચન્દ્રશેખર ચન્દ્રશેખર ચન્દ્રશેખર પાહિમામ્
॥ 2 ॥
શ્લોક 4
યક્ષ રાજસખં ભગાક્ષ હરં ભુજઙ્ગ વિભૂષણમ્
શૈલરાજ સુતા પરિષ્કૃત ચારુવામ કલેબરમ્ ।
ક્ષેલ નીલગલં પરશ્વધ ધારિણં મૃગધારિણમ્
ચન્દ્રશેખર ચન્દ્રશેખર ચન્દ્રશેખર પાહિમામ્
॥ 3 ॥
શ્લોક 5
કુણ્ડલીકૃત કુણ્ડલીશ્વર કુણ્ડલં વૃષવાહનં
નારદાદિ મુનીશ્વર સ્તુતવૈભવં ભુવનેશ્વરમ્ ।
અન્ધકાન્તક માશ્રિતામર પાદપં શમનાન્તકં
ચન્દ્રશેખર ચન્દ્રશેખર ચન્દ્રશેખર રક્ષમામ્
॥ 4 ॥
શ્લોક 6
ભેષજં ભવરોગિણા મખિલાપદા મપહારિણં
દક્ષયજ્ઞ વિનાશનં ત્રિગુણાત્મકં ત્રિવિલોચનમ્ ।
ભક્તિ મુક્તિ ફલપ્રદં સકલાઘ સઙ્ઘ નિબર્હણં
ચન્દ્રશેખર ચન્દ્રશેખર ચન્દ્રશેખર રક્ષમામ્
॥ 5 ॥
શ્લોક 7
ભક્તવત્સલ-મર્ચિતં નિધિમક્ષયં હરિદમ્બરં
સર્વભૂત પતિં પરાત્પર-મપ્રમેય મનુત્તમમ્ ।
સોમવારિન ભૂહુતાશન સોમ પાદ્યખિલાકૃતિં
ચન્દ્રશેખર ચન્દ્રશેખર ચન્દ્રશેખર પાહિમામ્
॥ 6 ॥
શ્લોક 8
વિશ્વસૃષ્ટિ વિધાયકં પુનરેવપાલન તત્પરં
સંહરં તમપિ પ્રપઞ્ચ મશેષલોક નિવાસિનમ્ ।
ક્રીડયન્ત મહર્નિશં ગણનાથ યૂથ સમન્વિતં
ચન્દ્રશેખર ચન્દ્રશેખર ચન્દ્રશેખર રક્ષમામ્
॥ 7 ॥
શ્લોક 9
મૃત્યુભીત મૃકણ્ડુસૂનુકૃતસ્તવં શિવસન્નિધૌ
યત્ર કુત્ર ચ યઃ પઠેન્ન હિ તસ્ય મૃત્યુભયં ભવેત્ ।
પૂર્ણમાયુરરોગતામખિલાર્થસમ્પદમાદરં
ચન્દ્રશેખર એવ તસ્ય દદાતિ મુક્તિમયત્નતઃ
॥ 8 ॥