ವಿನಾಯಕ ಅಷ್ಟೋತ್ತರ ಶತ ನಾಮ ಸ್ತೋತ್ರಮ್

ವಿನಾಯಕ ಅಷ್ಟೋತ್ತರ ಶತ ನಾಮ ಸ್ತೋತ್ರಮ್

ಶ್ಲೋಕ 1

ವಿನಾಯಕೋ ವಿಘ್ನರಾಜೋ ಗೌರೀಪುತ್ರೋ ಗಣೇಶ್ವರಃ ।

ಸ್ಕನ್ದಾಗ್ರಜೋಽವ್ಯಯಃ ಪೂತೋ ದಕ್ಷೋಽಧ್ಯಕ್ಷೋ ದ್ವಿಜಪ್ರಿಯಃ

ಶ್ಲೋಕ 2

ಅಗ್ನಿಗರ್ವಚ್ಛಿದಿನ್ದ್ರಶ್ರೀಪ್ರದೋ ವಾಣೀಪ್ರದಾಯಕಃ ।

ಸರ್ವಸಿದ್ಧಿಪ್ರದಃ ಶರ್ವತನಯಃ ಶರ್ವರೀಪ್ರಿಯಃ

॥ 1 ॥

ಶ್ಲೋಕ 3

ಸರ್ವಾತ್ಮಕಃ ಸೃಷ್ಟಿಕರ್ತಾ ದೇವಾನೀಕಾರ್ಚಿತಃ ಶಿವಃ ।

ಸಿದ್ಧಿಬುದ್ಧಿಪ್ರದಃ ಶಾನ್ತೋ ಬ್ರಹ್ಮಚಾರೀ ಗಜಾನನಃ

॥ 2 ॥

ಶ್ಲೋಕ 4

ದ್ವೈಮಾತುರೋ ಮುನಿಸ್ತುತ್ಯೋ ಭಕ್ತವಿಘ್ನವಿನಾಶನಃ ।

ಏಕದನ್ತಶ್ಚತುರ್ಬಾಹುಶ್ಚತುರಃ ಶಕ್ತಿಸಂಯುತಃ

॥ 3 ॥

ಶ್ಲೋಕ 5

ಲಮ್ಬೋದರಃ ಶೂರ್ಪಕರ್ಣೋ ಹರಿರ್ಬ್ರಹ್ಮವಿದುತ್ತಮಃ ।

ಕಾವ್ಯೋ ಗ್ರಹಪತಿಃ ಕಾಮೀ ಸೋಮಸೂರ್ಯಾಗ್ನಿಲೋಚನಃ

॥ 4 ॥

ಶ್ಲೋಕ 6

ಪಾಶಾಙ್ಕುಶಧರಶ್ಚಣ್ಡೋ ಗುಣಾತೀತೋ ನಿರಞ್ಜನಃ ।

ಅಕಲ್ಮಷಃ ಸ್ವಯಂ ಸಿದ್ಧಃ ಸಿದ್ಧಾರ್ಚಿತಪದಾಮ್ಬುಜಃ

॥ 5 ॥

ಶ್ಲೋಕ 7

ಬೀಜಾಪೂರಫಲಾಸಕ್ತೋ ವರದಃ ಶಾಶ್ವತಃ ಕೃತೀ ।

ದ್ವಿಜಪ್ರಿಯೋ ವೀತಭಯೋ ಗದೀ ಚಕ್ರೀಕ್ಷುಚಾಪಧೃತ್

॥ 6 ॥

ಶ್ಲೋಕ 8

ಶ್ರೀದೋಽಜ ಉತ್ಪಲಕರಃ ಶ್ರೀಪತಿಸ್ತುತಿಹರ್ಷಿತಃ ।

ಕುಲಾದ್ರಿಭೇತ್ತಾ ಜಟಿಲಶ್ಚನ್ದ್ರಚೂಡೋಽಮರೇಶ್ವರಃ

॥ 7 ॥

ಶ್ಲೋಕ 9

ನಾಗಯಜ್ಞೋಪವೀತೀ ಚ ಕಲಿಕಲ್ಮಷನಾಶನಃ ।

ಸ್ಥೂಲಕಣ್ಠಃ ಸ್ವಯಙ್ಕರ್ತಾ ಸಾಮಘೋಷಪ್ರಿಯಃ ಪರಃ

॥ 8 ॥

ಶ್ಲೋಕ 10

ಸ್ಥೂಲತುಣ್ಡೋಽಗ್ರಣೀರ್ಧೀರೋ ವಾಗೀಶಃ ಸಿದ್ಧಿದಾಯಕಃ ।

ದೂರ್ವಾಬಿಲ್ವಪ್ರಿಯಃ ಕಾನ್ತಃ ಪಾಪಹಾರೀ ಸಮಾಹಿತಃ

॥ 9 ॥

ಶ್ಲೋಕ 11

ಆಶ್ರಿತಶ್ರೀಕರಃ ಸೌಮ್ಯೋ ಭಕ್ತವಾಞ್ಛಿತದಾಯಕಃ ।

ಶಾನ್ತೋಽಚ್ಯುತಾರ್ಚ್ಯಃ ಕೈವಲ್ಯೋ ಸಚ್ಚಿದಾನನ್ದವಿಗ್ರಹಃ

॥ 10 ॥

ಶ್ಲೋಕ 12

ಜ್ಞಾನೀ ದಯಾಯುತೋ ದಾನ್ತೋ ಬ್ರಹ್ಮದ್ವೇಷವಿವರ್ಜಿತಃ ।

ಪ್ರಮತ್ತದೈತ್ಯಭಯದೋ ವ್ಯಕ್ತಮೂರ್ತಿರಮೂರ್ತಿಮಾನ್

॥ 11 ॥

ಶ್ಲೋಕ 13

ಶೈಲೇನ್ದ್ರತನುಜೋತ್ಸಙ್ಗಖೇಲನೋತ್ಸುಕಮಾನಸಃ ।

ಸ್ವಲಾವಣ್ಯಸುಧಾಸಾರಜಿತಮನ್ಮಥವಿಗ್ರಹಃ

॥ 12 ॥

ಶ್ಲೋಕ 14

ಸಮಸ್ತಜಗದಾಧಾರೋ ಮಾಯೀ ಮೂಷಕವಾಹನಃ ।

ರಮಾರ್ಚಿತೋ ವಿಧಿಶ್ಚೈವ ಶ್ರೀಕಣ್ಠೋ ವಿಬುಧೇಶ್ವರಃ

॥ 13 ॥

ಶ್ಲೋಕ 15

ಚಿನ್ತಾಮಣಿದ್ವೀಪಪತಿಃ ಪರಮಾತ್ಮಾ ಗಜಾನನಃ ।

ಹೃಷ್ಟಸ್ತುಷ್ಟಃ ಪ್ರಸನ್ನಾತ್ಮಾ ಸರ್ವಸಿದ್ಧಿಪ್ರದಾಯಕಃ

॥ 14 ॥

ಶ್ಲೋಕ 16

ಅಷ್ಟೋತ್ತರಶತೇನೈವಂ ನಾಮ್ನಾಂ ವಿಘ್ನೇಶ್ವರಂ ವಿಭುಮ್ ।

ಯಃ ಪೂಜಯೇದನೇನೈವ ಭಕ್ತ್ಯಾ ಸಿದ್ಧಿವಿನಾಯಕಮ್

॥ 15 ॥

ಶ್ಲೋಕ 17

ದೂರ್ವಾದಲೈಃ ಬಿಲ್ವಪತ್ರೈಃ ಪುಷ್ಪೈರ್ವಾ ಚನ್ದನಾಕ್ಷತೈಃ ।

ಸರ್ವಾನ್ಕಾಮಾನವಾಪ್ನೋತಿ ಸರ್ವವಿಘ್ನೈಃ ಪ್ರಮುಚ್ಯತೇ

॥ 16 ॥

ಶ್ಲೋಕ 18

ಇತಿ ಭವಿಷ್ಯೋತ್ತರಪುರಾಣೇ ವಿನಾಯಕಾಷ್ಟೋತ್ತರಶತನಾಮ ಸ್ತೋತ್ರಮ್ ।