వారాహీ కవచమ్

వారాహీ కవచమ్

శ్లోక 1

అస్య శ్రీవారాహీకవచస్య త్రిలోచన ఋషిః, అనుష్టుప్ ఛన్దః, శ్రీవారాహీ దేవతా, ఓం బీజం, గ్లౌం శక్తిః, స్వాహేతి కీలకం, మమ సర్వశత్రునాశనార్థే జపే వినియోగః ॥

ధ్యానమ్ ।

ధ్యాత్వేన్ద్రనీలవర్ణాభాం చన్ద్రసూర్యాగ్నిలోచనామ్ ।

విధివిష్ణుహరేన్ద్రాది మాతృభైరవసేవితామ్

శ్లోక 2

జ్వలన్మణిగణప్రోక్తమకుటామావిలమ్బితామ్ ।

అస్త్రశస్త్రాణి సర్వాణి తత్తత్కార్యోచితాని చ

॥ 1 ॥

శ్లోక 3

ఏతైః సమస్తైర్వివిధం బిభ్రతీం ముసలం హలమ్ ।

పాత్వా హింస్రాన్ హి కవచం భుక్తిముక్తిఫలప్రదమ్

॥ 2 ॥

శ్లోక 4

పఠేత్త్రిసన్ధ్యం రక్షార్థం ఘోరశత్రునివృత్తిదమ్ ।

వార్తాలీ మే శిరః పాతు ఘోరాహీ ఫాలముత్తమమ్

॥ 3 ॥

శ్లోక 5

నేత్రే వరాహవదనా పాతు కర్ణౌ తథాఞ్జనీ ।

ఘ్రాణం మే రున్ధినీ పాతు ముఖం మే పాతు జమ్భినీ

॥ 4 ॥

శ్లోక 6

పాతు మే మోహినీ జిహ్వాం స్తమ్భినీ కణ్ఠమాదరాత్ ।

స్కన్ధౌ మే పఞ్చమీ పాతు భుజౌ మహిషవాహనా

॥ 5 ॥

శ్లోక 7

సింహారూఢా కరౌ పాతు కుచౌ కృష్ణమృగాఞ్చితా ।

నాభిం చ శఙ్ఖినీ పాతు పృష్ఠదేశే తు చక్రిణి

॥ 6 ॥

శ్లోక 8

ఖడ్గం పాతు చ కట్యాం మే మేఢ్రం పాతు చ ఖేదినీ ।

గుదం మే క్రోధినీ పాతు జఘనం స్తమ్భినీ తథా

॥ 7 ॥

శ్లోక 9

చణ్డోచ్చణ్డశ్చోరుయుగ్మం జానునీ శత్రుమర్దినీ ।

జఙ్ఘాద్వయం భద్రకాలీ మహాకాలీ చ గుల్ఫయోః

॥ 8 ॥

శ్లోక 10

పాదాద్యఙ్గులిపర్యన్తం పాతు చోన్మత్తభైరవీ ।

సర్వాఙ్గం మే సదా పాతు కాలసఙ్కర్షణీ తథా

॥ 9 ॥

శ్లోక 11

యుక్తాయుక్తస్థితం నిత్యం సర్వపాపాత్ప్రముచ్యతే ।

సర్వే సమర్థ్య సంయుక్తం భక్తరక్షణతత్పరమ్

॥ 10 ॥

శ్లోక 12

సమస్తదేవతా సర్వం సవ్యం విష్ణోః పురార్ధనే ।

సర్వశత్రువినాశాయ శూలినా నిర్మితం పురా

॥ 11 ॥

శ్లోక 13

సర్వభక్తజనాశ్రిత్య సర్వవిద్వేషసంహతిః ।

వారాహీ కవచం నిత్యం త్రిసన్ధ్యం యః పఠేన్నరః

॥ 12 ॥

శ్లోక 14

తథా విధం భూతగణా న స్పృశన్తి కదాచన ।

ఆపదః శత్రుచోరాది గ్రహదోషాశ్చ సమ్భవాః

॥ 13 ॥

శ్లోక 15

మాతా పుత్రం యథా వత్సం ధేనుః పక్ష్మేవ లోచనమ్ ।

తథాఙ్గమేవ వారాహీ రక్షా రక్షాతి సర్వదా

॥ 14 ॥

శ్లోక 16

ఇతి శ్రీరుద్రయామలతన్త్రే శ్రీ వారాహీ కవచమ్ ॥