વારાહી કવચમ્

વારાહી કવચમ્

શ્લોક 1

અસ્ય શ્રીવારાહીકવચસ્ય ત્રિલોચન ઋષિઃ, અનુષ્ટુપ્ છન્દઃ, શ્રીવારાહી દેવતા, ૐ બીજં, ગ્લૌં શક્તિઃ, સ્વાહેતિ કીલકં, મમ સર્વશત્રુનાશનાર્થે જપે વિનિયોગઃ ॥

ધ્યાનમ્ ।

ધ્યાત્વેન્દ્રનીલવર્ણાભાં ચન્દ્રસૂર્યાગ્નિલોચનામ્ ।

વિધિવિષ્ણુહરેન્દ્રાદિ માતૃભૈરવસેવિતામ્

શ્લોક 2

જ્વલન્મણિગણપ્રોક્તમકુટામાવિલમ્બિતામ્ ।

અસ્ત્રશસ્ત્રાણિ સર્વાણિ તત્તત્કાર્યોચિતાનિ ચ

॥ 1 ॥

શ્લોક 3

એતૈઃ સમસ્તૈર્વિવિધં બિભ્રતીં મુસલં હલમ્ ।

પાત્વા હિંસ્રાન્ હિ કવચં ભુક્તિમુક્તિફલપ્રદમ્

॥ 2 ॥

શ્લોક 4

પઠેત્ત્રિસન્ધ્યં રક્ષાર્થં ઘોરશત્રુનિવૃત્તિદમ્ ।

વાર્તાલી મે શિરઃ પાતુ ઘોરાહી ફાલમુત્તમમ્

॥ 3 ॥

શ્લોક 5

નેત્રે વરાહવદના પાતુ કર્ણૌ તથાઞ્જની ।

ઘ્રાણં મે રુન્ધિની પાતુ મુખં મે પાતુ જમ્ભિની

॥ 4 ॥

શ્લોક 6

પાતુ મે મોહિની જિહ્વાં સ્તમ્ભિની કણ્ઠમાદરાત્ ।

સ્કન્ધૌ મે પઞ્ચમી પાતુ ભુજૌ મહિષવાહના

॥ 5 ॥

શ્લોક 7

સિંહારૂઢા કરૌ પાતુ કુચૌ કૃષ્ણમૃગાઞ્ચિતા ।

નાભિં ચ શઙ્ખિની પાતુ પૃષ્ઠદેશે તુ ચક્રિણિ

॥ 6 ॥

શ્લોક 8

ખડ્ગં પાતુ ચ કટ્યાં મે મેઢ્રં પાતુ ચ ખેદિની ।

ગુદં મે ક્રોધિની પાતુ જઘનં સ્તમ્ભિની તથા

॥ 7 ॥

શ્લોક 9

ચણ્ડોચ્ચણ્ડશ્ચોરુયુગ્મં જાનુની શત્રુમર્દિની ।

જઙ્ઘાદ્વયં ભદ્રકાલી મહાકાલી ચ ગુલ્ફયોઃ

॥ 8 ॥

શ્લોક 10

પાદાદ્યઙ્ગુલિપર્યન્તં પાતુ ચોન્મત્તભૈરવી ।

સર્વાઙ્ગં મે સદા પાતુ કાલસઙ્કર્ષણી તથા

॥ 9 ॥

શ્લોક 11

યુક્તાયુક્તસ્થિતં નિત્યં સર્વપાપાત્પ્રમુચ્યતે ।

સર્વે સમર્થ્ય સંયુક્તં ભક્તરક્ષણતત્પરમ્

॥ 10 ॥

શ્લોક 12

સમસ્તદેવતા સર્વં સવ્યં વિષ્ણોઃ પુરાર્ધને ।

સર્વશત્રુવિનાશાય શૂલિના નિર્મિતં પુરા

॥ 11 ॥

શ્લોક 13

સર્વભક્તજનાશ્રિત્ય સર્વવિદ્વેષસંહતિઃ ।

વારાહી કવચં નિત્યં ત્રિસન્ધ્યં યઃ પઠેન્નરઃ

॥ 12 ॥

શ્લોક 14

તથા વિધં ભૂતગણા ન સ્પૃશન્તિ કદાચન ।

આપદઃ શત્રુચોરાદિ ગ્રહદોષાશ્ચ સમ્ભવાઃ

॥ 13 ॥

શ્લોક 15

માતા પુત્રં યથા વત્સં ધેનુઃ પક્ષ્મેવ લોચનમ્ ।

તથાઙ્ગમેવ વારાહી રક્ષા રક્ષાતિ સર્વદા

॥ 14 ॥

શ્લોક 16

ઇતિ શ્રીરુદ્રયામલતન્ત્રે શ્રી વારાહી કવચમ્ ॥