Upadesha Saram (Ramana Maharshi)

උපදේශ සාරං (රමණ මහර්ෂි)

ශ්ලොක 1

කර්තුරාජ්ඤයා ප්රාප්යතේ ඵලම් .

කර්ම කිං පරං කර්ම තජ්ජඩම් .. 1 ..

කෘතිමහෝදධෞ පතනකාරණම් .

ඵලමශාශ්වතං ගතිනිරෝධකම් .. 2 ..

ඊශ්වරාර්පිතං නේච්ඡයා කෘතම් .

චිත්තශෝධකං මුක්තිසාධකම් .. 3 ..

කායවාඞ්මනඃ කාර්යමුත්තමම් .

පූජනං ජපශ්චින්තනං ක්රමාත් .. 4 ..

ජගත ඊශධී යුක්තසේවනම් .

අෂ්ටමූර්තිභෘද්දේවපූජනම් .. 5 ..

උත්තමස්තවාදුච්චමන්දතඃ .

චිත්තජං ජපධ්යානමුත්තමම් .. 6 ..

ආජ්යධාරයා ස්රෝතසා සමම් .

සරලචින්තනං විරලතඃ පරම් .. 7 ..

භේදභාවනාත් සෝ(අ)හමිත්යසෞ .

භාවනා(අ)භිදා පාවනී මතා .. 8 ..

භාවශූන්යසද්භාවසුස්ථිතිඃ .

භාවනාබලාද්භක්තිරුත්තමා .. 9 ..

හෘත්ස්ථලේ මනඃ ස්වස්ථතා ක්රියා .

භක්තියෝගබෝධාශ්ච නිශ්චිතම් .. 10 ..

වායුරෝධනාල්ලීයතේ මනඃ .

ජාලපක්ෂිවද්රෝධසාධනම් .. 11 ..

චිත්තවායවශ්චිත්ක්රියායුතාඃ .

ශාඛයෝර්ද්වයී ශක්තිමූලකා .. 12 ..

ලයවිනාශනේ උභයරෝධනේ .

ලයගතං පුනර්භවති නෝ මෘතම් .. 13 ..

ප්රාණබන්ධනාල්ලීනමානසම් .

ඒකචින්තනාන්නාශමේත්යදඃ .. 14 ..

නෂ්ටමානසෝත්කෘෂ්ටයෝගිනඃ .

කෘත්යමස්ති කිං ස්වස්ථිතිං යතඃ .. 15 ..

දෘශ්යවාරිතං චිත්තමාත්මනඃ .

චිත්ත්වදර්ශනං තත්ත්වදර්ශනම් .. 16 ..

මානසං තු කිං මාර්ගණේ කෘතේ .

නෛව මානසං මාර්ග ආර්ජවාත් .. 17 ..

වෘත්තයස්ත්වහං වෘත්තිමාශ්රිතාඃ .

වෘත්තයෝ මනෝ විද්ධ්යහං මනඃ .. 18 ..

අහමයං කුතෝ භවති චින්වතඃ .

අයි පතත්යහං නිජවිචාරණම් .. 19 ..

අහමි නාශභාජ්යහමහන්තයා .

ස්ඵුරති හෘත්ස්වයං පරමපූර්ණසත් .. 20 ..

ඉදමහං පදා(අ)භිඛ්යමන්වහම් .

අහමිලීනකේ(අ)ප්යලයසත්තයා .. 21 ..

විග්රහේන්ද්රියප්රාණධීතමඃ .

නාහමේකසත්තජ්ජඩං හ්යසත් .. 22 ..

සත්ත්වභාසිකා චිත්ක්වවේතරා .

සත්තයා හි චිච්චිත්තයා හ්යහම් .. 23 ..

ඊශජීවයෝර්වේෂධීභිදා .

සත්ස්වභාවතෝ වස්තු කේවලම් .. 24 ..

වේෂහානතඃ ස්වාත්මදර්ශනම් .

ඊශදර්ශනං ස්වාත්මරූපතඃ .. 25 ..

ආත්මසංස්ථිතිඃ ස්වාත්මදර්ශනම් .

ආත්මනිර්ද්වයාදාත්මනිෂ්ඨතා .. 26 ..

ජ්ඤානවර්ජිතා(අ)ජ්ඤානහීනචිත් .

ජ්ඤානමස්ති කිං ජ්ඤාතුමන්තරම් .. 27 ..

කිං ස්වරූපමිත්යාත්මදර්ශනේ .

අව්යයා(අ)භවා(අ)(අ)පූර්ණචිත්සුඛම් .. 28 ..

බන්ධමුක්ත්යතීතං පරං සුඛම් .

වින්දතීහ ජීවස්තු දෛවිකඃ .. 29 ..

අහමපේතකං නිජවිභානකම් .

මහදිදන්තපෝ රමනවාගියම් .. 30 ..