Upadesha Saram (Ramana Maharshi)
Upadesha Saram (Ramana Maharshi)
Upadesha Saram (Ramana Maharshi)
upadesha sAraM (ramaNa maharShi)
shloka 1
karturAj~nayA prApyate phalam |
karma kiM paraM karma tajjaDam || 1 ||
kRRitimahodadhau patanakAraNam |
phalamashAshvataM gatinirodhakam || 2 ||
IshvarArpitaM nechChayA kRRitam |
chittashodhakaM muktisAdhakam || 3 ||
kAyavA~NmanaH kAryamuttamam |
pUjanaM japashchintanaM kramAt || 4 ||
jagata IshadhI yuktasevanam |
aShTamUrtibhRRiddevapUjanam || 5 ||
uttamastavAduchchamandataH |
chittajaM japadhyAnamuttamam || 6 ||
AjyadhArayA srotasA samam |
saralachintanaM viralataH param || 7 ||
bhedabhAvanAt so.ahamityasau |
bhAvanA.abhidA pAvanI matA || 8 ||
bhAvashUnyasadbhAvasusthitiH |
bhAvanAbalAdbhaktiruttamA || 9 ||
hRRitsthale manaH svasthatA kriyA |
bhaktiyogabodhAshcha nishchitam || 10 ||
vAyurodhanAllIyate manaH |
jAlapakShivadrodhasAdhanam || 11 ||
chittavAyavashchitkriyAyutAH |
shAkhayordvayI shaktimUlakA || 12 ||
layavinAshane ubhayarodhane |
layagataM punarbhavati no mRRitam || 13 ||
prANabandhanAllInamAnasam |
ekachintanAnnAshametyadaH || 14 ||
naShTamAnasotkRRiShTayoginaH |
kRRityamasti kiM svasthitiM yataH || 15 ||
dRRishyavAritaM chittamAtmanaH |
chittvadarshanaM tattvadarshanam || 16 ||
mAnasaM tu kiM mArgaNe kRRite |
naiva mAnasaM mArga ArjavAt || 17 ||
vRRittayastvahaM vRRittimAshritAH |
vRRittayo mano viddhyahaM manaH || 18 ||
ahamayaM kuto bhavati chinvataH |
ayi patatyahaM nijavichAraNam || 19 ||
ahami nAshabhAjyahamahantayA |
sphurati hRRitsvayaM paramapUrNasat || 20 ||
idamahaM padA.abhikhyamanvaham |
ahamilInake.apyalayasattayA || 21 ||
vigrahendriyaprANadhItamaH |
nAhamekasattajjaDaM hyasat || 22 ||
sattvabhAsikA chitkvavetarA |
sattayA hi chichchittayA hyaham || 23 ||
IshajIvayorveShadhIbhidA |
satsvabhAvato vastu kevalam || 24 ||
veShahAnataH svAtmadarshanam |
IshadarshanaM svAtmarUpataH || 25 ||
AtmasaMsthitiH svAtmadarshanam |
AtmanirdvayAdAtmaniShThatA || 26 ||
jnAnavarjitA.ajnAnahInachit |
jnAnamasti kiM jnAtumantaram || 27 ||
kiM svarUpamityAtmadarshane |
avyayA.abhavA.a.apUrNachitsukham || 28 ||
bandhamuktyatItaM paraM sukham |
vindatIha jIvastu daivikaH || 29 ||
ahamapetakaM nijavibhAnakam |
mahadidantapo ramanavAgiyam || 30 ||