Suvarnamala Stuti
ಸುವರ್ಣಮಾಲಾ ಸ್ತುತಿ
Suvarnamala Stuti
ಸುವರ್ಣಮಾಲಾ ಸ್ತುತಿ
ಅಥ ಕಥಮಪಿ ಮದ್ರಾಸನಾಂ ತ್ವದ್ಗುಣಲೇಶೈರ್ವಿಶೋಧಯಾಮಿ ವಿಭೋ ।
ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್ ॥ 1 ॥
ಆಖಣ್ಡಲಮದಖಣ್ಡನಪಣ್ಡಿತ ತಣ್ಡುಪ್ರಿಯ ಚಣ್ಡೀಶ ವಿಭೋ ।
ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್ ॥ 2 ॥
ಇಭಚರ್ಮಾಮ್ಬರ ಶಮ್ಬರರಿಪುವಪುರಪಹರಣೋಜ್ಜ್ವಲನಯನ ವಿಭೋ ।
ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್ ॥ 3 ॥
ಈಶ ಗಿರೀಶ ನರೇಶ ಪರೇಶ ಮಹೇಶ ಬಿಲೇಶಯಭೂಷಣ ಭೋ ।
ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್ ॥ 4 ॥
ಉಮಯಾ ದಿವ್ಯಸುಮಙ್ಗಲವಿಗ್ರಹಯಾಲಿಙ್ಗಿತವಾಮಾಙ್ಗ ವಿಭೋ ।
ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್ ॥ 5 ॥
ಊರೀಕುರು ಮಾಮಜ್ಞಮನಾಥಂ ದೂರೀಕುರು ಮೇ ದುರಿತಂ ಭೋ ।
ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್ ॥ 6 ॥
ಋಷಿವರಮಾನಸಹಂಸ ಚರಾಚರಜನನಸ್ಥಿತಿಲಯಕಾರಣ ಭೋ ।
ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್ ॥ 7 ॥
ೠಕ್ಷಾಧೀಶಕಿರೀಟ ಮಹೋಕ್ಷಾರೂಢ ವಿಧೃತರುದ್ರಾಕ್ಷ ವಿಭೋ ।
ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್ ॥ 8 ॥
ಲುವರ್ಣದ್ವನ್ದ್ವಮವೃನ್ತಸುಕುಸುಮಮಿವಾಙ್ಘ್ರೌ ತವಾರ್ಪಯಾಮಿ ವಿಭೋ ।
ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್ ॥ 9 ॥
ಏಕಂ ಸದಿತಿ ಶ್ರುತ್ಯಾ ತ್ವಮೇವ ಸದಸೀತ್ಯುಪಾಸ್ಮಹೇ ಮೃಡ ಭೋ ।
ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್ ॥ 10 ॥
ಐಕ್ಯಂ ನಿಜಭಕ್ತೇಭ್ಯೋ ವಿತರಸಿ ವಿಶ್ವಮ್ಭರೋಽತ್ರ ಸಾಕ್ಷೀ ಭೋ ।
ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್ ॥ 11 ॥
ಓಮಿತಿ ತವ ನಿರ್ದೇಷ್ಟ್ರೀ ಮಾಯಾಸ್ಮಾಕಂ ಮೃಡೋಪಕರ್ತ್ರೀ ಭೋ ।
ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್ ॥ 12 ॥
ಔದಾಸ್ಯಂ ಸ್ಫುಟಯತಿ ವಿಷಯೇಷು ದಿಗಮ್ಬರತಾ ಚ ತವೈವ ವಿಭೋ ।
ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್ ॥ 13 ॥
ಅನ್ತಃಕರಣವಿಶುದ್ಧಿಂ ಭಕ್ತಿಂ ಚ ತ್ವಯಿ ಸತೀಂ ಪ್ರದೇಹಿ ವಿಭೋ ।
ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್ ॥ 14 ॥
ಅಸ್ತೋಪಾಧಿಸಮಸ್ತವ್ಯಸ್ತೈ ರೂಪೈರ್ಜಗನ್ಮಯೋಽಸಿ ವಿಭೋ ।
ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್ ॥ 15 ॥
ಕರುಣಾವರುಣಾಲಯ ಮಯಿ ದಾಸ ಉದಾಸಸ್ತವೋಚಿತೋ ನ ಹಿ ಭೋ ।
ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್ ॥ 16 ॥
ಖಲಸಹವಾಸಂ ವಿಘಟಯ ಘಟಯ ಸತಾಮೇವ ಸಙ್ಗಮನಿಶಂ ಭೋ ।
ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್ ॥ 17 ॥
ಗರಲಂ ಜಗದುಪಕೃತಯೇ ಗಿಲಿತಂ ಭವತಾ ಸಮೋಽಸ್ತಿ ಕೋಽತ್ರ ವಿಭೋ ।
ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್ ॥ 18 ॥
ಘನಸಾರಗೌರಗಾತ್ರ ಪ್ರಚುರಜಟಾಜೂಟಬದ್ಧಗಙ್ಗ ವಿಭೋ ।
ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್ ॥ 19 ॥
ಜ್ಞಪ್ತಿಃ ಸರ್ವಶರೀರೇಷ್ವಖಣ್ಡಿತಾ ಯಾ ವಿಭಾತಿ ಸಾ ತ್ವಂ ಭೋ ।
ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್ ॥ 20 ॥
ಚಪಲಂ ಮಮ ಹೃದಯಕಪಿಂ ವಿಷಯದ್ರುಚರಂ ದೃಢಂ ಬಧಾನ ವಿಭೋ ।
ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್ ॥ 21 ॥
ಛಾಯಾ ಸ್ಥಾಣೋರಪಿ ತವ ತಾಪಂ ನಮತಾಂ ಹರತ್ಯಹೋ ಶಿವ ಭೋ ।
ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್ ॥ 22 ॥
ಜಯ ಕೈಲಾಸನಿವಾಸ ಪ್ರಮಥಗಣಾಧೀಶ ಭೂಸುರಾರ್ಚಿತ ಭೋ ।
ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್ ॥ 23 ॥
ಝಣುತಕಝಙ್ಕಿಣುಝಣುತತ್ಕಿಟತಕ-ಶಬ್ದೈರ್ನಟಸಿ ಮಹಾನಟ ಭೋ ।
ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್ ॥ 24 ॥
ಜ್ಞಾನಂ ವಿಕ್ಷೇಪಾವೃತಿರಹಿತಂ ಕುರು ಮೇ ಗುರುಸ್ತ್ವಮೇವ ವಿಭೋ ।
ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್ ॥ 25 ॥
ಟಙ್ಕಾರಸ್ತವ ಧನುಷೋ ದಲಯತಿ ಹೃದಯಂ ದ್ವಿಷಾಮಶನಿರಿವ ಭೋ ।
ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್ ॥ 26 ॥
ಠಾಕೃತಿರಿವ ತವ ಮಾಯಾ ಬಹಿರನ್ತಃ ಶೂನ್ಯರೂಪಿಣೀ ಖಲು ಭೋ ।
ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್ ॥ 27 ॥
ಡಮ್ಬರಮಮ್ಬುರುಹಾಮಪಿ ದಲಯತ್ಯನಘಂ ತ್ವದಙ್ಘ್ರಿಯುಗಲಂ ಭೋ ।
ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್ ॥ 28 ॥
ಢಕ್ಕಾಕ್ಷಸೂತ್ರಶೂಲದ್ರುಹಿಣಕರೋಟೀಸಮುಲ್ಲಸತ್ಕರ ಭೋ ।
ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್ ॥ 29 ॥
ಣಾಕಾರಗರ್ಭಿಣೀ ಚೇಚ್ಛುಭದಾ ತೇ ಶರಗತಿರ್ನೃಣಾಮಿಹ ಭೋ ।
ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್ ॥ 30 ॥
ತವ ಮನ್ವತಿಸಞ್ಜಪತಃ ಸದ್ಯಸ್ತರತಿ ನರೋ ಹಿ ಭವಾಬ್ಧಿಂ ಭೋ ।
ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್ ॥ 31 ॥
ಥೂತ್ಕಾರಸ್ತಸ್ಯ ಮುಖೇ ಭೂಯಾತ್ತೇ ನಾಮ ನಾಸ್ತಿ ಯಸ್ಯ ವಿಭೋ ।
ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್ ॥ 32 ॥
ದಯನೀಯಶ್ಚ ದಯಾಲುಃ ಕೋಽಸ್ತಿ ಮದನ್ಯಸ್ತ್ವದನ್ಯ ಇಹ ವದ ಭೋ ।
ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್ ॥ 33 ॥
ಧರ್ಮಸ್ಥಾಪನದಕ್ಷ ತ್ರ್ಯಕ್ಷ ಗುರೋ ದಕ್ಷಯಜ್ಞಶಿಕ್ಷಕ ಭೋ ।
ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್ ॥ 34 ॥
ನನು ತಾಡಿತೋಽಸಿ ಧನುಷಾ ಲುಬ್ಧಧಿಯಾ ತ್ವಂ ಪುರಾ ನರೇಣ ವಿಭೋ ।
ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್ ॥ 35 ॥
ಪರಿಮಾತುಂ ತವ ಮೂರ್ತಿಂ ನಾಲಮಜಸ್ತತ್ಪರಾತ್ಪರೋಽಸಿ ವಿಭೋ ।
ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್ ॥ 36 ॥
ಫಲಮಿಹ ನೃತಯಾ ಜನುಷಸ್ತ್ವತ್ಪದಸೇವಾ ಸನಾತನೇಶ ವಿಭೋ ।
ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್ ॥ 37 ॥
ಬಲಮಾರೋಗ್ಯಂ ಚಾಯುಸ್ತ್ವದ್ಗುಣರುಚಿತಾಂ ಚಿರಂ ಪ್ರದೇಹಿ ವಿಭೋ ।
ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್ ॥ 38 ॥
ಭಗವನ್ಭರ್ಗ ಭಯಾಪಹ ಭೂತಪತೇ ಭೂತಿಭೂಷಿತಾಙ್ಗ ವಿಭೋ ।
ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್ ॥ 39 ॥
ಮಹಿಮಾ ತವ ನ ಹಿ ಮಾತಿ ಶ್ರುತಿಷು ಹಿಮಾನೀಧರಾತ್ಮಜಾಧವ ಭೋ ।
ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್ ॥ 40 ॥
ಯಮನಿಯಮಾದಿಭಿರಙ್ಗೈರ್ಯಮಿನೋ ಹೃದಯೇ ಭಜನ್ತಿ ಸ ತ್ವಂ ಭೋ ।
ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್ ॥ 41 ॥
ರಜ್ಜಾವಹಿರಿವ ಶುಕ್ತೌ ರಜತಮಿವ ತ್ವಯಿ ಜಗನ್ತಿ ಭಾನ್ತಿ ವಿಭೋ ।
ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್ ॥ 42 ॥
ಲಬ್ಧ್ವಾ ಭವತ್ಪ್ರಸಾದಾಚ್ಚಕ್ರಂ ವಿಧುರವತಿ ಲೋಕಮಖಿಲಂ ಭೋ ।
ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್ ॥ 43 ॥
ವಸುಧಾತದ್ಧರತಚ್ಛಯರಥಮೌರ್ವೀಶರ ಪರಾಕೃತಾಸುರ ಭೋ ।
ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್ ॥ 44 ॥
ಶರ್ವ ದೇವ ಸರ್ವೋತ್ತಮ ಸರ್ವದ ದುರ್ವೃತ್ತಗರ್ವಹರಣ ವಿಭೋ ।
ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್ ॥ 45 ॥
ಷಡ್ರಿಪುಷಡೂರ್ಮಿಷಡ್ವಿಕಾರಹರ ಸನ್ಮುಖ ಷಣ್ಮುಖಜನಕ ವಿಭೋ ।
ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್ ॥ 46 ॥
ಸತ್ಯಂ ಜ್ಞಾನಮನನ್ತಂ ಬ್ರಹ್ಮೇತ್ಯೇತಲ್ಲಕ್ಷಣಲಕ್ಷಿತ ಭೋ ।
ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್ ॥ 47 ॥
ಹಾಹಾಹೂಹೂಮುಖಸುರಗಾಯಕಗೀತಾಪದಾನಪದ್ಯ ವಿಭೋ ।
ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್ ॥ 48 ॥
ಲಾದಿರ್ನ ಹಿ ಪ್ರಯೋಗಸ್ತದನ್ತಮಿಹ ಮಙ್ಗಲಂ ಸದಾಸ್ತು ವಿಭೋ ।
ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್ ॥ 49 ॥
ಕ್ಷಣಮಿವ ದಿವಸಾನ್ನೇಷ್ಯತಿ ತ್ವತ್ಪದಸೇವಾಕ್ಷಣೋತ್ಸುಕಃ ಶಿವ ಭೋ ।
ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್ ॥ 50 ॥
ಇತಿ ಶ್ರೀಮತ್ಪರಮಹಂಸಪರಿವ್ರಾಜಕಾಚಾರ್ಯಸ್ಯ ಶ್ರೀಗೋವಿನ್ದಭಗವತ್ಪೂಜ್ಯಪಾದಶಿಷ್ಯಸ್ಯ ಶ್ರೀಮಚ್ಛಙ್ಕರಭಗವತಃ ಕೃತೌ ಸುವರ್ಣಮಾಲಾ ಸ್ತುತಿಃ ಸಮ್ಪೂರ್ಣಾ ॥
About This Stotram
Suvarnamala Stuti
Sanskrit Title: सुवर्णमाला स्तुति
IAST Transliteration:
Overview
The Suvarnamala Stuti, as indicated by its name ('Suvarna' meaning gold and 'Mala' meaning garland), is likely a hymn that bestows spiritual wealth and purity upon the devotee, akin to a garland of gold. The verses, though only partially provided, address Lord Shiva with epithets like 'Samb Sadashiva Shambho Shankar', highlighting his supreme, benevolent, and auspicious nature. The act of seeking refuge ('sharanam me tava charanayugam') at his lotus feet is a central theme in devotional literature, signifying surrender and trust. Reciting this stotram is believed to purify the mind and soul, leading to spiritual progress and the grace of Lord Shiva. The recurring phrase 'Shambho Shankar sharanam me tava charanayugam' emphasizes the ultimate refuge found in Shiva's divine presence.
Details
| Attribute | Information |
|---|---|
| Deity | Lord Shiva |
| Author | Unknown |
| Type | Stotram |
| Category | Stotram |
| Number of Verses | 50 |
| Origin | The provided text snippet does not offer explicit information about the origin of the Suvarnamala Stuti within a larger scripture or text. It is presented as a standalone devotional hymn. The mention of 'Vedic Tithi' suggests it is part of a collection of Vedic and spiritual literature, but its specific source text is not identified. |
Benefits of Recitation
- Attainment of liberation (moksha)
- Removal of sins and obstacles
- Spiritual purification and enlightenment
- Protection from negative energies
- Fulfillment of desires through divine grace
Best Time to Recite
Mornings, evenings, during Shivaratri, during periods of spiritual seeking, or any time one feels the need for divine solace and strength.
Historical Context
The historical context of the Suvarnamala Stuti is not explicitly detailed in the provided information. However, the style of address and the deity invoked (Lord Shiva) are characteristic of devotional hymns composed during various periods in Hindu history, particularly those influenced by Shaivism. The composition likely belongs to the tradition of Sanskrit devotional literature, which flourished for centuries. Without further information on the author or the specific text it originates from, precise dating and authorial context remain elusive. The mention of 'Vedic Tithi' suggests a connection to Vedic traditions, implying a potentially ancient lineage or a composition that draws heavily from Vedic concepts and deities.
Related Stotrams
- Shiva Tandava Stotram
- Mahimna Stotram
- Lingashtakam
Last Updated: 2025-12-01