సూర్య మణ్డల స్తోత్రమ్

సూర్య మణ్డల స్తోత్రమ్

శ్లోక 1

నమోఽస్తు సూర్యాయ సహస్రరశ్మయే

సహస్రశాఖాన్విత సమ్భవాత్మనే ।

సహస్రయోగోద్భవ భావభాగినే

సహస్రసఙ్ఖ్యాయుధధారిణే నమః

శ్లోక 2

యన్మణ్డలం దీప్తికరం విశాలం

రత్నప్రభం తీవ్రమనాదిరూపమ్ ।

దారిద్ర్యదుఃఖక్షయకారణం చ

పునాతు మాం తత్సవితుర్వరేణ్యమ్

॥ 1 ॥

శ్లోక 3

యన్మణ్డలం దేవగణైః సుపూజితం

విప్రైః స్తుతం భావనముక్తికోవిదమ్ ।

తం దేవదేవం ప్రణమామి సూర్యం

పునాతు మాం తత్సవితుర్వరేణ్యమ్

॥ 2 ॥

శ్లోక 4

యన్మణ్డలం జ్ఞానఘనన్త్వగమ్యం

త్రైలోక్యపూజ్యం త్రిగుణాత్మరూపమ్ ।

సమస్తతేజోమయదివ్యరూపం

పునాతు మాం తత్సవితుర్వరేణ్యమ్

॥ 3 ॥

శ్లోక 5

యన్మణ్డలం గూఢమతిప్రబోధం

ధర్మస్య వృద్ధిం కురుతే జనానామ్ ।

యత్సర్వపాపక్షయకారణం చ

పునాతు మాం తత్సవితుర్వరేణ్యమ్

॥ 4 ॥

శ్లోక 6

యన్మణ్డలం వ్యాధివినాశదక్షం

యదృగ్యజుః సామసు సమ్ప్రగీతమ్ ।

ప్రకాశితం యేన చ భూర్భువః స్వః

పునాతు మాం తత్సవితుర్వరేణ్యమ్

॥ 5 ॥

శ్లోక 7

యన్మణ్డలం వేదవిదో వదన్తి

గాయన్తి యచ్చారణసిద్ధసఙ్ఘాః ।

యద్యోగినో యోగజుషాం చ సఙ్ఘాః

పునాతు మాం తత్సవితుర్వరేణ్యమ్

॥ 6 ॥

శ్లోక 8

యన్మణ్డలం సర్వజనైశ్చ పూజితం

జ్యోతిశ్చ కుర్యాదిహ మర్త్యలోకే ।

యత్కాలకాలాద్యమనాదిరూపం

పునాతు మాం తత్సవితుర్వరేణ్యమ్

॥ 7 ॥

శ్లోక 9

యన్మణ్డలం విష్ణుచతుర్ముఖాఖ్యం

యదక్షరం పాపహరం జనానామ్ ।

యత్కాలకల్పక్షయకారణం చ

పునాతు మాం తత్సవితుర్వరేణ్యమ్

॥ 8 ॥

శ్లోక 10

యన్మణ్డలం విశ్వసృజం ప్రసిద్ధం

ఉత్పత్తిరక్షప్రలయ ప్రగల్భమ్ ।

యస్మిన్ జగత్సంహరతేఽఖిలం చ

పునాతు మాం తత్సవితుర్వరేణ్యమ్

॥ 9 ॥

శ్లోక 11

యన్మణ్డలం సర్వగతస్య విష్ణోః

ఆత్మా పరం‍ధామ విశుద్ధతత్త్వమ్ ।

సూక్ష్మాన్తరైర్యోగపథానుగమ్యం

పునాతు మాం తత్సవితుర్వరేణ్యమ్

॥ 10 ॥

శ్లోక 12

యన్మణ్డలం వేదవిదోపగీతం

యద్యోగినాం యోగ పథానుగమ్యమ్ ।

తత్సర్వ వేద్యం ప్రణమామి సూర్యం

పునాతు మాం తత్సవితుర్వరేణ్యమ్

॥ 11 ॥

శ్లోక 13

సూర్యమణ్డలసు స్తోత్రం యః పఠేత్సతతం నరః ।

సర్వపాపవిశుద్ధాత్మా సూర్యలోకే మహీయతే ॥

ఇతి శ్రీ భవిష్యోత్తరపురాణే శ్రీ కృష్ణార్జున సంవాదే సూర్యమణ్డల స్తోత్రమ్ ।