സൂര്യ മണ്ഡല സ്തോത്രമ്

സൂര്യ മണ്ഡല സ്തോത്രമ്

ശ്ലോക 1

നമോഽസ്തു സൂര്യായ സഹസ്രരശ്മയേ

സഹസ്രശാഖാന്വിത സമ്ഭവാത്മനേ ।

സഹസ്രയോഗോദ്ഭവ ഭാവഭാഗിനേ

സഹസ്രസങ്ഖ്യായുധധാരിണേ നമഃ

ശ്ലോക 2

യന്മണ്ഡലം ദീപ്തികരം വിശാലം

രത്നപ്രഭം തീവ്രമനാദിരൂപമ് ।

ദാരിദ്ര്യദുഃഖക്ഷയകാരണം ച

പുനാതു മാം തത്സവിതുര്വരേണ്യമ്

॥ 1 ॥

ശ്ലോക 3

യന്മണ്ഡലം ദേവഗണൈഃ സുപൂജിതം

വിപ്രൈഃ സ്തുതം ഭാവനമുക്തികോവിദമ് ।

തം ദേവദേവം പ്രണമാമി സൂര്യം

പുനാതു മാം തത്സവിതുര്വരേണ്യമ്

॥ 2 ॥

ശ്ലോക 4

യന്മണ്ഡലം ജ്ഞാനഘനന്ത്വഗമ്യം

ത്രൈലോക്യപൂജ്യം ത്രിഗുണാത്മരൂപമ് ।

സമസ്തതേജോമയദിവ്യരൂപം

പുനാതു മാം തത്സവിതുര്വരേണ്യമ്

॥ 3 ॥

ശ്ലോക 5

യന്മണ്ഡലം ഗൂഢമതിപ്രബോധം

ധര്മസ്യ വൃദ്ധിം കുരുതേ ജനാനാമ് ।

യത്സര്വപാപക്ഷയകാരണം ച

പുനാതു മാം തത്സവിതുര്വരേണ്യമ്

॥ 4 ॥

ശ്ലോക 6

യന്മണ്ഡലം വ്യാധിവിനാശദക്ഷം

യദൃഗ്യജുഃ സാമസു സമ്പ്രഗീതമ് ।

പ്രകാശിതം യേന ച ഭൂര്ഭുവഃ സ്വഃ

പുനാതു മാം തത്സവിതുര്വരേണ്യമ്

॥ 5 ॥

ശ്ലോക 7

യന്മണ്ഡലം വേദവിദോ വദന്തി

ഗായന്തി യച്ചാരണസിദ്ധസങ്ഘാഃ ।

യദ്യോഗിനോ യോഗജുഷാം ച സങ്ഘാഃ

പുനാതു മാം തത്സവിതുര്വരേണ്യമ്

॥ 6 ॥

ശ്ലോക 8

യന്മണ്ഡലം സര്വജനൈശ്ച പൂജിതം

ജ്യോതിശ്ച കുര്യാദിഹ മര്ത്യലോകേ ।

യത്കാലകാലാദ്യമനാദിരൂപം

പുനാതു മാം തത്സവിതുര്വരേണ്യമ്

॥ 7 ॥

ശ്ലോക 9

യന്മണ്ഡലം വിഷ്ണുചതുര്മുഖാഖ്യം

യദക്ഷരം പാപഹരം ജനാനാമ് ।

യത്കാലകല്പക്ഷയകാരണം ച

പുനാതു മാം തത്സവിതുര്വരേണ്യമ്

॥ 8 ॥

ശ്ലോക 10

യന്മണ്ഡലം വിശ്വസൃജം പ്രസിദ്ധം

ഉത്പത്തിരക്ഷപ്രലയ പ്രഗല്ഭമ് ।

യസ്മിന് ജഗത്സംഹരതേഽഖിലം ച

പുനാതു മാം തത്സവിതുര്വരേണ്യമ്

॥ 9 ॥

ശ്ലോക 11

യന്മണ്ഡലം സര്വഗതസ്യ വിഷ്ണോഃ

ആത്മാ പരം‍ധാമ വിശുദ്ധതത്ത്വമ് ।

സൂക്ഷ്മാന്തരൈര്യോഗപഥാനുഗമ്യം

പുനാതു മാം തത്സവിതുര്വരേണ്യമ്

॥ 10 ॥

ശ്ലോക 12

യന്മണ്ഡലം വേദവിദോപഗീതം

യദ്യോഗിനാം യോഗ പഥാനുഗമ്യമ് ।

തത്സര്വ വേദ്യം പ്രണമാമി സൂര്യം

പുനാതു മാം തത്സവിതുര്വരേണ്യമ്

॥ 11 ॥

ശ്ലോക 13

സൂര്യമണ്ഡലസു സ്തോത്രം യഃ പഠേത്സതതം നരഃ ।

സര്വപാപവിശുദ്ധാത്മാ സൂര്യലോകേ മഹീയതേ ॥

ഇതി ശ്രീ ഭവിഷ്യോത്തരപുരാണേ ശ്രീ കൃഷ്ണാര്ജുന സംവാദേ സൂര്യമണ്ഡല സ്തോത്രമ് ।