ಸೂರ್ಯ ಮಣ್ಡಲ ಸ್ತೋತ್ರಮ್

ಸೂರ್ಯ ಮಣ್ಡಲ ಸ್ತೋತ್ರಮ್

ಶ್ಲೋಕ 1

ನಮೋಽಸ್ತು ಸೂರ್ಯಾಯ ಸಹಸ್ರರಶ್ಮಯೇ

ಸಹಸ್ರಶಾಖಾನ್ವಿತ ಸಮ್ಭವಾತ್ಮನೇ ।

ಸಹಸ್ರಯೋಗೋದ್ಭವ ಭಾವಭಾಗಿನೇ

ಸಹಸ್ರಸಙ್ಖ್ಯಾಯುಧಧಾರಿಣೇ ನಮಃ

ಶ್ಲೋಕ 2

ಯನ್ಮಣ್ಡಲಂ ದೀಪ್ತಿಕರಂ ವಿಶಾಲಂ

ರತ್ನಪ್ರಭಂ ತೀವ್ರಮನಾದಿರೂಪಮ್ ।

ದಾರಿದ್ರ್ಯದುಃಖಕ್ಷಯಕಾರಣಂ ಚ

ಪುನಾತು ಮಾಂ ತತ್ಸವಿತುರ್ವರೇಣ್ಯಮ್

॥ 1 ॥

ಶ್ಲೋಕ 3

ಯನ್ಮಣ್ಡಲಂ ದೇವಗಣೈಃ ಸುಪೂಜಿತಂ

ವಿಪ್ರೈಃ ಸ್ತುತಂ ಭಾವನಮುಕ್ತಿಕೋವಿದಮ್ ।

ತಂ ದೇವದೇವಂ ಪ್ರಣಮಾಮಿ ಸೂರ್ಯಂ

ಪುನಾತು ಮಾಂ ತತ್ಸವಿತುರ್ವರೇಣ್ಯಮ್

॥ 2 ॥

ಶ್ಲೋಕ 4

ಯನ್ಮಣ್ಡಲಂ ಜ್ಞಾನಘನನ್ತ್ವಗಮ್ಯಂ

ತ್ರೈಲೋಕ್ಯಪೂಜ್ಯಂ ತ್ರಿಗುಣಾತ್ಮರೂಪಮ್ ।

ಸಮಸ್ತತೇಜೋಮಯದಿವ್ಯರೂಪಂ

ಪುನಾತು ಮಾಂ ತತ್ಸವಿತುರ್ವರೇಣ್ಯಮ್

॥ 3 ॥

ಶ್ಲೋಕ 5

ಯನ್ಮಣ್ಡಲಂ ಗೂಢಮತಿಪ್ರಬೋಧಂ

ಧರ್ಮಸ್ಯ ವೃದ್ಧಿಂ ಕುರುತೇ ಜನಾನಾಮ್ ।

ಯತ್ಸರ್ವಪಾಪಕ್ಷಯಕಾರಣಂ ಚ

ಪುನಾತು ಮಾಂ ತತ್ಸವಿತುರ್ವರೇಣ್ಯಮ್

॥ 4 ॥

ಶ್ಲೋಕ 6

ಯನ್ಮಣ್ಡಲಂ ವ್ಯಾಧಿವಿನಾಶದಕ್ಷಂ

ಯದೃಗ್ಯಜುಃ ಸಾಮಸು ಸಮ್ಪ್ರಗೀತಮ್ ।

ಪ್ರಕಾಶಿತಂ ಯೇನ ಚ ಭೂರ್ಭುವಃ ಸ್ವಃ

ಪುನಾತು ಮಾಂ ತತ್ಸವಿತುರ್ವರೇಣ್ಯಮ್

॥ 5 ॥

ಶ್ಲೋಕ 7

ಯನ್ಮಣ್ಡಲಂ ವೇದವಿದೋ ವದನ್ತಿ

ಗಾಯನ್ತಿ ಯಚ್ಚಾರಣಸಿದ್ಧಸಙ್ಘಾಃ ।

ಯದ್ಯೋಗಿನೋ ಯೋಗಜುಷಾಂ ಚ ಸಙ್ಘಾಃ

ಪುನಾತು ಮಾಂ ತತ್ಸವಿತುರ್ವರೇಣ್ಯಮ್

॥ 6 ॥

ಶ್ಲೋಕ 8

ಯನ್ಮಣ್ಡಲಂ ಸರ್ವಜನೈಶ್ಚ ಪೂಜಿತಂ

ಜ್ಯೋತಿಶ್ಚ ಕುರ್ಯಾದಿಹ ಮರ್ತ್ಯಲೋಕೇ ।

ಯತ್ಕಾಲಕಾಲಾದ್ಯಮನಾದಿರೂಪಂ

ಪುನಾತು ಮಾಂ ತತ್ಸವಿತುರ್ವರೇಣ್ಯಮ್

॥ 7 ॥

ಶ್ಲೋಕ 9

ಯನ್ಮಣ್ಡಲಂ ವಿಷ್ಣುಚತುರ್ಮುಖಾಖ್ಯಂ

ಯದಕ್ಷರಂ ಪಾಪಹರಂ ಜನಾನಾಮ್ ।

ಯತ್ಕಾಲಕಲ್ಪಕ್ಷಯಕಾರಣಂ ಚ

ಪುನಾತು ಮಾಂ ತತ್ಸವಿತುರ್ವರೇಣ್ಯಮ್

॥ 8 ॥

ಶ್ಲೋಕ 10

ಯನ್ಮಣ್ಡಲಂ ವಿಶ್ವಸೃಜಂ ಪ್ರಸಿದ್ಧಂ

ಉತ್ಪತ್ತಿರಕ್ಷಪ್ರಲಯ ಪ್ರಗಲ್ಭಮ್ ।

ಯಸ್ಮಿನ್ ಜಗತ್ಸಂಹರತೇಽಖಿಲಂ ಚ

ಪುನಾತು ಮಾಂ ತತ್ಸವಿತುರ್ವರೇಣ್ಯಮ್

॥ 9 ॥

ಶ್ಲೋಕ 11

ಯನ್ಮಣ್ಡಲಂ ಸರ್ವಗತಸ್ಯ ವಿಷ್ಣೋಃ

ಆತ್ಮಾ ಪರಂ‍ಧಾಮ ವಿಶುದ್ಧತತ್ತ್ವಮ್ ।

ಸೂಕ್ಷ್ಮಾನ್ತರೈರ್ಯೋಗಪಥಾನುಗಮ್ಯಂ

ಪುನಾತು ಮಾಂ ತತ್ಸವಿತುರ್ವರೇಣ್ಯಮ್

॥ 10 ॥

ಶ್ಲೋಕ 12

ಯನ್ಮಣ್ಡಲಂ ವೇದವಿದೋಪಗೀತಂ

ಯದ್ಯೋಗಿನಾಂ ಯೋಗ ಪಥಾನುಗಮ್ಯಮ್ ।

ತತ್ಸರ್ವ ವೇದ್ಯಂ ಪ್ರಣಮಾಮಿ ಸೂರ್ಯಂ

ಪುನಾತು ಮಾಂ ತತ್ಸವಿತುರ್ವರೇಣ್ಯಮ್

॥ 11 ॥

ಶ್ಲೋಕ 13

ಸೂರ್ಯಮಣ್ಡಲಸು ಸ್ತೋತ್ರಂ ಯಃ ಪಠೇತ್ಸತತಂ ನರಃ ।

ಸರ್ವಪಾಪವಿಶುದ್ಧಾತ್ಮಾ ಸೂರ್ಯಲೋಕೇ ಮಹೀಯತೇ ॥

ಇತಿ ಶ್ರೀ ಭವಿಷ್ಯೋತ್ತರಪುರಾಣೇ ಶ್ರೀ ಕೃಷ್ಣಾರ್ಜುನ ಸಂವಾದೇ ಸೂರ್ಯಮಣ್ಡಲ ಸ್ತೋತ್ರಮ್ ।