সূর্য মণ্ডল স্তোত্রম্

সূর্য মণ্ডল স্তোত্রম্

শ্লোক 1

নমোঽস্তু সূর্যায সহস্ররশ্মযে

সহস্রশাখান্বিত সম্ভবাত্মনে ।

সহস্রযোগোদ্ভব ভাবভাগিনে

সহস্রসঙ্খ্যাযুধধারিণে নমঃ

শ্লোক 2

যন্মণ্ডলং দীপ্তিকরং বিশালং

রত্নপ্রভং তীব্রমনাদিরূপম্ ।

দারিদ্র্যদুঃখক্ষযকারণং চ

পুনাতু মাং তত্সবিতুর্বরেণ্যম্

॥ 1 ॥

শ্লোক 3

যন্মণ্ডলং দেবগণৈঃ সুপূজিতং

বিপ্রৈঃ স্তুতং ভাবনমুক্তিকোবিদম্ ।

তং দেবদেবং প্রণমামি সূর্যং

পুনাতু মাং তত্সবিতুর্বরেণ্যম্

॥ 2 ॥

শ্লোক 4

যন্মণ্ডলং জ্ঞানঘনন্ত্বগম্যং

ত্রৈলোক্যপূজ্যং ত্রিগুণাত্মরূপম্ ।

সমস্ততেজোমযদিব্যরূপং

পুনাতু মাং তত্সবিতুর্বরেণ্যম্

॥ 3 ॥

শ্লোক 5

যন্মণ্ডলং গূঢমতিপ্রবোধং

ধর্মস্য বৃদ্ধিং কুরুতে জনানাম্ ।

যত্সর্বপাপক্ষযকারণং চ

পুনাতু মাং তত্সবিতুর্বরেণ্যম্

॥ 4 ॥

শ্লোক 6

যন্মণ্ডলং ব্যাধিবিনাশদক্ষং

যদৃগ্যজুঃ সামসু সম্প্রগীতম্ ।

প্রকাশিতং যেন চ ভূর্ভুবঃ স্বঃ

পুনাতু মাং তত্সবিতুর্বরেণ্যম্

॥ 5 ॥

শ্লোক 7

যন্মণ্ডলং বেদবিদো বদন্তি

গাযন্তি যচ্চারণসিদ্ধসঙ্ঘাঃ ।

যদ্যোগিনো যোগজুষাং চ সঙ্ঘাঃ

পুনাতু মাং তত্সবিতুর্বরেণ্যম্

॥ 6 ॥

শ্লোক 8

যন্মণ্ডলং সর্বজনৈশ্চ পূজিতং

জ্যোতিশ্চ কুর্যাদিহ মর্ত্যলোকে ।

যত্কালকালাদ্যমনাদিরূপং

পুনাতু মাং তত্সবিতুর্বরেণ্যম্

॥ 7 ॥

শ্লোক 9

যন্মণ্ডলং বিষ্ণুচতুর্মুখাখ্যং

যদক্ষরং পাপহরং জনানাম্ ।

যত্কালকল্পক্ষযকারণং চ

পুনাতু মাং তত্সবিতুর্বরেণ্যম্

॥ 8 ॥

শ্লোক 10

যন্মণ্ডলং বিশ্বসৃজং প্রসিদ্ধং

উত্পত্তিরক্ষপ্রলয প্রগল্ভম্ ।

যস্মিন্ জগত্সংহরতেঽখিলং চ

পুনাতু মাং তত্সবিতুর্বরেণ্যম্

॥ 9 ॥

শ্লোক 11

যন্মণ্ডলং সর্বগতস্য বিষ্ণোঃ

আত্মা পরং‍ধাম বিশুদ্ধতত্ত্বম্ ।

সূক্ষ্মান্তরৈর্যোগপথানুগম্যং

পুনাতু মাং তত্সবিতুর্বরেণ্যম্

॥ 10 ॥

শ্লোক 12

যন্মণ্ডলং বেদবিদোপগীতং

যদ্যোগিনাং যোগ পথানুগম্যম্ ।

তত্সর্ব বেদ্যং প্রণমামি সূর্যং

পুনাতু মাং তত্সবিতুর্বরেণ্যম্

॥ 11 ॥

শ্লোক 13

সূর্যমণ্ডলসু স্তোত্রং যঃ পঠেত্সততং নরঃ ।

সর্বপাপবিশুদ্ধাত্মা সূর্যলোকে মহীযতে ॥

ইতি শ্রী ভবিষ্যোত্তরপুরাণে শ্রী কৃষ্ণার্জুন সংবাদে সূর্যমণ্ডল স্তোত্রম্ ।