ಶುಕ್ರ ಅಷ್ಟೋತ್ತರ ಶತ ನಾಮ ಸ್ತೋತ್ರಮ್

ಶುಕ್ರ ಅಷ್ಟೋತ್ತರ ಶತ ನಾಮ ಸ್ತೋತ್ರಮ್

ಶ್ಲೋಕ 1

ಶುಕ್ರಃ ಶುಚಿಃ ಶುಭಗುಣಃ ಶುಭದಃ ಶುಭಲಕ್ಷಣಃ ।

ಶೋಭನಾಕ್ಷಃ ಶುಭ್ರರೂಪಃ ಶುದ್ಧಸ್ಫಟಿಕಭಾಸ್ವರಃ

ಶ್ಲೋಕ 2

ದೀನಾರ್ತಿಹಾರಕೋ ದೈತ್ಯಗುರುಃ ದೇವಾಭಿವನ್ದಿತಃ ।

ಕಾವ್ಯಾಸಕ್ತಃ ಕಾಮಪಾಲಃ ಕವಿಃ ಕಲ್ಯಾಣದಾಯಕಃ

॥ 1 ॥

ಶ್ಲೋಕ 3

ಭದ್ರಮೂರ್ತಿರ್ಭದ್ರಗುಣೋ ಭಾರ್ಗವೋ ಭಕ್ತಪಾಲನಃ ।

ಭೋಗದೋ ಭುವನಾಧ್ಯಕ್ಷೋ ಭುಕ್ತಿಮುಕ್ತಿಫಲಪ್ರದಃ

॥ 2 ॥

ಶ್ಲೋಕ 4

ಚಾರುಶೀಲಶ್ಚಾರುರೂಪಶ್ಚಾರುಚನ್ದ್ರನಿಭಾನನಃ ।

ನಿಧಿರ್ನಿಖಿಲಶಾಸ್ತ್ರಜ್ಞೋ ನೀತಿವಿದ್ಯಾಧುರನ್ಧರಃ

॥ 3 ॥

ಶ್ಲೋಕ 5

ಸರ್ವಲಕ್ಷಣಸಮ್ಪನ್ನಃ ಸರ್ವಾವಗುಣವರ್ಜಿತಃ ।

ಸಮಾನಾಧಿಕನಿರ್ಮುಕ್ತಃ ಸಕಲಾಗಮಪಾರಗಃ

॥ 4 ॥

ಶ್ಲೋಕ 6

ಭೃಗುರ್ಭೋಗಕರೋ ಭೂಮಿಸುರಪಾಲನತತ್ಪರಃ ।

ಮನಸ್ವೀ ಮಾನದೋ ಮಾನ್ಯೋ ಮಾಯಾತೀತೋ ಮಹಾಶಯಃ

॥ 5 ॥

ಶ್ಲೋಕ 7

ಬಲಿಪ್ರಸನ್ನೋಽಭಯದೋ ಬಲೀ ಬಲಪರಾಕ್ರಮಃ ।

ಭವಪಾಶಪರಿತ್ಯಾಗೋ ಬಲಿಬನ್ಧವಿಮೋಚಕಃ

॥ 6 ॥

ಶ್ಲೋಕ 8

ಘನಾಶಯೋ ಘನಾಧ್ಯಕ್ಷೋ ಕಮ್ಬುಗ್ರೀವಃ ಕಲಾಧರಃ ।

ಕಾರುಣ್ಯರಸಸಮ್ಪೂರ್ಣಃ ಕಲ್ಯಾಣಗುಣವರ್ಧನಃ

॥ 7 ॥

ಶ್ಲೋಕ 9

ಶ್ವೇತಾಮ್ಬರಃ ಶ್ವೇತವಪುಶ್ಚತುರ್ಭುಜಸಮನ್ವಿತಃ ।

ಅಕ್ಷಮಾಲಾಧರೋಽಚಿನ್ತ್ಯೋ ಅಕ್ಷೀಣಗುಣಭಾಸುರಃ

॥ 8 ॥

ಶ್ಲೋಕ 10

ನಕ್ಷತ್ರಗಣಸಞ್ಚಾರೋ ನಯದೋ ನೀತಿಮಾರ್ಗದಃ ।

ವರ್ಷಪ್ರದೋ ಹೃಷೀಕೇಶಃ ಕ್ಲೇಶನಾಶಕರಃ ಕವಿಃ

॥ 9 ॥

ಶ್ಲೋಕ 11

ಚಿನ್ತಿತಾರ್ಥಪ್ರದಃ ಶಾನ್ತಮತಿಃ ಚಿತ್ತಸಮಾಧಿಕೃತ್ ।

ಆಧಿವ್ಯಾಧಿಹರೋ ಭೂರಿವಿಕ್ರಮಃ ಪುಣ್ಯದಾಯಕಃ

॥ 10 ॥

ಶ್ಲೋಕ 12

ಪುರಾಣಪುರುಷಃ ಪೂಜ್ಯಃ ಪುರುಹೂತಾದಿಸನ್ನುತಃ ।

ಅಜೇಯೋ ವಿಜಿತಾರಾತಿರ್ವಿವಿಧಾಭರಣೋಜ್ಜ್ವಲಃ

॥ 11 ॥

ಶ್ಲೋಕ 13

ಕುನ್ದಪುಷ್ಪಪ್ರತೀಕಾಶೋ ಮನ್ದಹಾಸೋ ಮಹಾಮತಿಃ ।

ಮುಕ್ತಾಫಲಸಮಾನಾಭೋ ಮುಕ್ತಿದೋ ಮುನಿಸನ್ನುತಃ

॥ 12 ॥

ಶ್ಲೋಕ 14

ರತ್ನಸಿಂಹಾಸನಾರೂಢೋ ರಥಸ್ಥೋ ರಜತಪ್ರಭಃ ।

ಸೂರ್ಯಪ್ರಾಗ್ದೇಶಸಞ್ಚಾರಃ ಸುರಶತ್ರುಸುಹೃತ್ ಕವಿಃ

॥ 13 ॥

ಶ್ಲೋಕ 15

ತುಲಾವೃಷಭರಾಶೀಶೋ ದುರ್ಧರೋ ಧರ್ಮಪಾಲಕಃ ।

ಭಾಗ್ಯದೋ ಭವ್ಯಚಾರಿತ್ರೋ ಭವಪಾಶವಿಮೋಚಕಃ

॥ 14 ॥

ಶ್ಲೋಕ 16

ಗೌಡದೇಶೇಶ್ವರೋ ಗೋಪ್ತಾ ಗುಣೀ ಗುಣವಿಭೂಷಣಃ ।

ಜ್ಯೇಷ್ಠಾನಕ್ಷತ್ರಸಮ್ಭೂತೋ ಜ್ಯೇಷ್ಠಃ ಶ್ರೇಷ್ಠಃ ಶುಚಿಸ್ಮಿತಃ

॥ 15 ॥

ಶ್ಲೋಕ 17

ಅಪವರ್ಗಪ್ರದೋಽನನ್ತಃ ಸನ್ತಾನಫಲದಾಯಕಃ ।

ಸರ್ವೈಶ್ವರ್ಯಪ್ರದಃ ಸರ್ವಗೀರ್ವಾಣಗಣಸನ್ನುತಃ

॥ 16 ॥

ಶ್ಲೋಕ 18

ಏವಂ ಶುಕ್ರಗ್ರಹಸ್ಯೈವ ಕ್ರಮಾದಷ್ಟೋತ್ತರಂ ಶತಮ್ ।

ಸರ್ವಪಾಪಪ್ರಶಮನಂ ಸರ್ವಪುಣ್ಯಫಲಪ್ರದಮ್ ।

ಯಃ ಪಠೇಚ್ಛೃಣುಯಾದ್ವಾಪಿ ಸರ್ವಾನ್ ಕಾಮಾನವಾಪ್ನುಯಾತ್

॥ 17 ॥

ಶ್ಲೋಕ 19

ಇತಿ ಶ್ರೀ ಶುಕ್ರ ಅಷ್ಟೋತ್ತರಶತನಾಮ ಸ್ತೋತ್ರಮ್ ।