సుదర్శన అష్టకమ్ (వేదాన్తాచార్య కృతమ్)

సుదర్శన అష్టకమ్ (వేదాన్తాచార్య కృతమ్)

శ్లోక 1

ప్రతిభటశ్రేణిభీషణ వరగుణస్తోమభూషణ

జనిభయస్థానతారణ జగదవస్థానకారణ ।

నిఖిలదుష్కర్మకర్శన నిగమసద్ధర్మదర్శన

జయ జయ శ్రీసుదర్శన జయ జయ శ్రీసుదర్శన

శ్లోక 2

శుభజగద్రూపమణ్డన సురజనత్రాసఖణ్డన

శతమఖబ్రహ్మవన్దిత శతపథబ్రహ్మనన్దిత ।

ప్రథితవిద్వత్సపక్షిత భజదహిర్బుధ్న్యలక్షిత

జయ జయ శ్రీసుదర్శన జయ జయ శ్రీసుదర్శన

॥ 1 ॥

శ్లోక 3

నిజపదప్రీతసద్గణ నిరుపథిస్ఫీతషడ్గుణ

నిగమనిర్వ్యూఢవైభవ నిజపరవ్యూహవైభవ ।

హరిహయద్వేషిదారణ హరపురప్లోషకారణ

జయ జయ శ్రీసుదర్శన జయ జయ శ్రీసుదర్శన

॥ 2 ॥

శ్లోక 4

స్ఫుటతటిజ్జాలపిఞ్జర పృథుతరజ్వాలపఞ్జర

పరిగతప్రత్నవిగ్రహ పరిమితప్రజ్ఞదుర్గ్రహ ।

ప్రహరణగ్రామమణ్డిత పరిజనత్రాణపణ్డిత

జయ జయ శ్రీసుదర్శన జయ జయ శ్రీసుదర్శన

॥ 3 ॥

శ్లోక 5

భువననేతస్త్రయీమయ సవనతేజస్త్రయీమయ

నిరవధిస్వాదుచిన్మయ నిఖిలశక్తేజగన్మయ ।

అమితవిశ్వక్రియామయ శమితవిశ్వగ్భయామయ

జయ జయ శ్రీసుదర్శన జయ జయ శ్రీసుదర్శన

॥ 4 ॥

శ్లోక 6

మహితసమ్పత్సదక్షర విహితసమ్పత్షడక్షర

షడరచక్రప్రతిష్ఠిత సకలతత్త్వప్రతిష్ఠిత ।

వివిధసఙ్కల్పకల్పక విబుధసఙ్కల్పకల్పక

జయ జయ శ్రీసుదర్శన జయ జయ శ్రీసుదర్శన

॥ 5 ॥

శ్లోక 7

ప్రతిముఖాలీఢబన్ధుర పృథుమహాహేతిదన్తుర

వికటమాలాపరిష్కృత వివిధమాయాబహిష్కృత ।

స్థిరమహాయన్త్రయన్త్రిత దృఢదయాతన్త్రయన్త్రిత

జయ జయ శ్రీసుదర్శన జయ జయ శ్రీసుదర్శన

॥ 6 ॥

శ్లోక 8

దనుజవిస్తారకర్తన దనుజవిద్యావికర్తన

జనితమిస్రావికర్తన భజదవిద్యానికర్తన ।

అమరదృష్టస్వవిక్రమ సమరజుష్టభ్రమిక్రమ

జయ జయ శ్రీసుదర్శన జయ జయ శ్రీసుదర్శన

॥ 7 ॥

శ్లోక 9

ద్విచతుష్కమిదం ప్రభూతసారం

పఠతాం వేఙ్కటనాయకప్రణీతమ్ ।

విషమేఽపి మనోరథః ప్రధావన్

న విహన్యేత రథాఙ్గధుర్యగుప్తః

॥ 8 ॥

శ్లోక 10

ఇతి శ్రీ వేదాన్తాచార్యస్య కృతిషు సుదర్శనాష్టకమ్ ।