સુદર્શન અષ્ટકમ્ (વેદાન્તાચાર્ય કૃતમ્)

સુદર્શન અષ્ટકમ્ (વેદાન્તાચાર્ય કૃતમ્)

શ્લોક 1

પ્રતિભટશ્રેણિભીષણ વરગુણસ્તોમભૂષણ

જનિભયસ્થાનતારણ જગદવસ્થાનકારણ ।

નિખિલદુષ્કર્મકર્શન નિગમસદ્ધર્મદર્શન

જય જય શ્રીસુદર્શન જય જય શ્રીસુદર્શન

શ્લોક 2

શુભજગદ્રૂપમણ્ડન સુરજનત્રાસખણ્ડન

શતમખબ્રહ્મવન્દિત શતપથબ્રહ્મનન્દિત ।

પ્રથિતવિદ્વત્સપક્ષિત ભજદહિર્બુધ્ન્યલક્ષિત

જય જય શ્રીસુદર્શન જય જય શ્રીસુદર્શન

॥ 1 ॥

શ્લોક 3

નિજપદપ્રીતસદ્ગણ નિરુપથિસ્ફીતષડ્ગુણ

નિગમનિર્વ્યૂઢવૈભવ નિજપરવ્યૂહવૈભવ ।

હરિહયદ્વેષિદારણ હરપુરપ્લોષકારણ

જય જય શ્રીસુદર્શન જય જય શ્રીસુદર્શન

॥ 2 ॥

શ્લોક 4

સ્ફુટતટિજ્જાલપિઞ્જર પૃથુતરજ્વાલપઞ્જર

પરિગતપ્રત્નવિગ્રહ પરિમિતપ્રજ્ઞદુર્ગ્રહ ।

પ્રહરણગ્રામમણ્ડિત પરિજનત્રાણપણ્ડિત

જય જય શ્રીસુદર્શન જય જય શ્રીસુદર્શન

॥ 3 ॥

શ્લોક 5

ભુવનનેતસ્ત્રયીમય સવનતેજસ્ત્રયીમય

નિરવધિસ્વાદુચિન્મય નિખિલશક્તેજગન્મય ।

અમિતવિશ્વક્રિયામય શમિતવિશ્વગ્ભયામય

જય જય શ્રીસુદર્શન જય જય શ્રીસુદર્શન

॥ 4 ॥

શ્લોક 6

મહિતસમ્પત્સદક્ષર વિહિતસમ્પત્ષડક્ષર

ષડરચક્રપ્રતિષ્ઠિત સકલતત્ત્વપ્રતિષ્ઠિત ।

વિવિધસઙ્કલ્પકલ્પક વિબુધસઙ્કલ્પકલ્પક

જય જય શ્રીસુદર્શન જય જય શ્રીસુદર્શન

॥ 5 ॥

શ્લોક 7

પ્રતિમુખાલીઢબન્ધુર પૃથુમહાહેતિદન્તુર

વિકટમાલાપરિષ્કૃત વિવિધમાયાબહિષ્કૃત ।

સ્થિરમહાયન્ત્રયન્ત્રિત દૃઢદયાતન્ત્રયન્ત્રિત

જય જય શ્રીસુદર્શન જય જય શ્રીસુદર્શન

॥ 6 ॥

શ્લોક 8

દનુજવિસ્તારકર્તન દનુજવિદ્યાવિકર્તન

જનિતમિસ્રાવિકર્તન ભજદવિદ્યાનિકર્તન ।

અમરદૃષ્ટસ્વવિક્રમ સમરજુષ્ટભ્રમિક્રમ

જય જય શ્રીસુદર્શન જય જય શ્રીસુદર્શન

॥ 7 ॥

શ્લોક 9

દ્વિચતુષ્કમિદં પ્રભૂતસારં

પઠતાં વેઙ્કટનાયકપ્રણીતમ્ ।

વિષમેઽપિ મનોરથઃ પ્રધાવન્

ન વિહન્યેત રથાઙ્ગધુર્યગુપ્તઃ

॥ 8 ॥

શ્લોક 10

ઇતિ શ્રી વેદાન્તાચાર્યસ્ય કૃતિષુ સુદર્શનાષ્ટકમ્ ।