సుబ్రహ్మణ్య భుజఙ్గ ప్రయాత స్తోత్రమ్

సుబ్రహ్మణ్య భుజఙ్గ ప్రయాత స్తోత్రమ్

శ్లోక 1

భజేఽహం కుమారం భవానీకుమారం

గలోల్లాసిహారం నమత్సద్విహారమ్ ।

రిపుస్తోమపారం నృసింహావతారం

సదానిర్వికారం గుహం నిర్విచారమ్

శ్లోక 2

నమామీశపుత్రం జపాశోణగాత్రం

సురారాతిశత్రుం రవీన్ద్వగ్నినేత్రమ్ ।

మహాబర్హిపత్రం శివాస్యాబ్జమిత్రం

ప్రభాస్వత్కలత్రం పురాణం పవిత్రమ్

॥ 1 ॥

శ్లోక 3

అనేకార్కకోటి-ప్రభావజ్జ్వలం తం

మనోహారి మాణిక్య భూషోజ్జ్వలం తమ్ ।

శ్రితానామభీష్టం నిశాన్తం నితాన్తం

భజే షణ్ముఖం తం శరచ్చన్ద్రకాన్తమ్

॥ 2 ॥

శ్లోక 4

కృపావారి కల్లోలభాస్వత్కటాక్షం

విరాజన్మనోహారి శోణామ్బుజాక్షమ్ ।

ప్రయోగప్రదానప్రవాహైకదక్షం

భజే కాన్తికాన్తం పరస్తోమరక్షమ్

॥ 3 ॥

శ్లోక 5

సుకస్తూరిసిన్దూరభాస్వల్లలాటం

దయాపూర్ణచిత్తం మహాదేవపుత్రమ్ ।

రవీన్దూల్లసద్రత్నరాజత్కిరీటం

భజే క్రీడితాకాశ గఙ్గాద్రికూటమ్

॥ 4 ॥

శ్లోక 6

సుకున్దప్రసూనావలీశోభితాఙ్గం

శరత్పూర్ణచన్ద్రప్రభాకాన్తికాన్తమ్ ।

శిరీషప్రసూనాభిరామం భవన్తం

భజే దేవసేనాపతిం వల్లభం తమ్

॥ 5 ॥

శ్లోక 7

సులావణ్యసత్సూర్యకోటిప్రతీకం

ప్రభుం తారకారిం ద్విషడ్బాహుమీశమ్ ।

నిజాఙ్కప్రభాదివ్యమానాపదీశం

భజే పార్వతీప్రాణపుత్రం సుకేశమ్

॥ 6 ॥

శ్లోక 8

అజం సర్వలోకప్రియం లోకనాథం

గుహం శూరపద్మాదిదమ్భోలిధారమ్ ।

సుచారుం సునాసాపుటం సచ్చరిత్రం

భజే కార్తికేయం సదా బాహులేయమ్

॥ 7 ॥

శ్లోక 9

శరారణ్యసమ్భూతమిన్ద్రాదివన్ద్యం

ద్విషడ్బాహుసఙ్ఖ్యాయుధశ్రేణిరమ్యమ్ ।

మరుత్సారథిం కుక్కుటేశం సుకేతుం

భజే యోగిహృత్పద్మమధ్యాధివాసమ్

॥ 8 ॥

శ్లోక 10

విరిఞ్చీన్ద్రవల్లీశ దేవేశముఖ్యం

ప్రశస్తామరస్తోమసంస్తూయమానమ్ ।

దిశ త్వం దయాలో శ్రియం నిశ్చలాం మే

వినా త్వాం గతిః కా ప్రభో మే ప్రసీద

॥ 9 ॥

శ్లోక 11

పదామ్భోజసేవా సమాయాతబృన్దా-

రకశ్రేణికోటీరభాస్వల్లలాటమ్ ।

కలత్రోల్లసత్పార్శ్వయుగ్మం వరేణ్యం

భజే దేవమాద్యన్తహీనప్రభావమ్

॥ 10 ॥

శ్లోక 12

భవామ్భోధిమధ్యే తరఙ్గే పతన్తం

ప్రభో మాం సదా పూర్ణదృష్ట్యా సమీక్ష్య ।

భవద్భక్తినావోద్ధర త్వం దయాలో

సుగత్యన్తరం నాస్తి దేవ ప్రసీద

॥ 11 ॥

శ్లోక 13

గలే రత్నభూషం తనౌ మఞ్జువేషం

కరే జ్ఞానశక్తిం దరస్మేరమాస్యే ।

కటిన్యస్తపాణిం శిఖిస్థం కుమారం

భజేఽహం గుహాదన్యదేవం న మన్యే

॥ 12 ॥

శ్లోక 14

దయాహీనచిత్తం పరద్రోహపాత్రం

సదా పాపశీలం గురోర్భక్తిహీనమ్ ।

అనన్యావలమ్బం భవన్నేత్రపాత్రం

కృపాశీల మాం భో పవిత్రం కురు త్వమ్

॥ 13 ॥

శ్లోక 15

మహాసేన గాఙ్గేయ వల్లీసహాయ

ప్రభో తారకారే షడాస్యామరేశ ।

సదా పాయసాన్నప్రదాతర్గుహేతి

స్మరిష్యామి భక్త్యా సదాహం విభో త్వామ్

॥ 14 ॥

శ్లోక 16

ప్రతాపస్య బాహో నమద్వీరబాహో

ప్రభో కార్తికేయేష్టకామప్రదేతి ।

యదా యే పఠన్తే భవన్తం తదేవం

ప్రసన్నస్తు తేషాం బహుశ్రీం దదాసి

॥ 15 ॥

శ్లోక 17

అపారాతిదారిద్ర్యవారాశిమధ్యే

భ్రమన్తం జనగ్రాహపూర్ణే నితాన్తమ్ ।

మహాసేన మాముద్ధర త్వం కటాక్షా-

వలోకేన కిఞ్చిత్ప్రసీద ప్రసీద

॥ 16 ॥

శ్లోక 18

స్థిరాం దేహి భక్తిం భవత్పాదపద్మే

శ్రియం నిశ్చలాం దేహి మహ్యం కుమార ।

గుహం చన్ద్రతారం సువంశాభివృద్ధిం

కురు త్వం ప్రభో మే మనః కల్పసాలః

॥ 17 ॥

శ్లోక 19

నమస్తే నమస్తే మహాశక్తిపాణే

నమస్తే నమస్తే లసద్వజ్రపాణే ।

నమస్తే నమస్తే కటిన్యస్తపాణే

నమస్తే నమస్తే సదాభీష్టపాణే

॥ 18 ॥

శ్లోక 20

నమస్తే నమస్తే మహాశక్తిధారిన్

నమస్తే సురాణాం మహాసౌఖ్యదాయిన్ ।

నమస్తే సదా కుక్కుటేశాఖ్యక త్వం

సమస్తాపరాధం విభో మే క్షమస్వ

॥ 19 ॥

శ్లోక 21

కుమారాత్పరం కర్మయోగం న జానే

కుమారాత్పరం కర్మశీలం న జానే ।

య ఏకో మునీనాం హృదబ్జాధివాసః

శివాఙ్కం సమారుహ్య సత్పీఠకల్పమ్

॥ 20 ॥

శ్లోక 22

విరిఞ్చాయ మన్త్రోపదేశం చకార

ప్రమోదేన సోఽయం తనోతు శ్రియం మే ।

యమాహుః పరం వేద శూరేషు ముఖ్యం

సదా యస్య శక్త్యా జగత్భీతభీతా

॥ 21 ॥

శ్లోక 23

యమాశ్రిత్య దేవాః స్థిరం స్వర్గపాలాః

సదోఙ్కారరూపం చిదానన్దమీడే ।

గుహస్తోత్రమేతత్ కృతం తారకారే

భుజఙ్గప్రయాతేన హృద్యేన కాన్తమ్

॥ 22 ॥

శ్లోక 24

జనా యే పఠన్తే మహాభక్తియుక్తాః

ప్రమోదేన సాయం ప్రభాతే విశేషః ।

న జన్మర్క్షయోగే యదా తే రుదాన్తా

మనోవాఞ్ఛితాన్ సర్వకామాన్ లభన్తే

॥ 23 ॥

శ్లోక 25

ఇతి శ్రీ సుబ్రహ్మణ్య భుజఙ్గ ప్రయాత స్తోత్రమ్ ।