സുബ്രഹ്മണ്യ ഭുജങ്ഗ പ്രയാത സ്തോത്രമ്

സുബ്രഹ്മണ്യ ഭുജങ്ഗ പ്രയാത സ്തോത്രമ്

ശ്ലോക 1

ഭജേഽഹം കുമാരം ഭവാനീകുമാരം

ഗലോല്ലാസിഹാരം നമത്സദ്വിഹാരമ് ।

രിപുസ്തോമപാരം നൃസിംഹാവതാരം

സദാനിര്വികാരം ഗുഹം നിര്വിചാരമ്

ശ്ലോക 2

നമാമീശപുത്രം ജപാശോണഗാത്രം

സുരാരാതിശത്രും രവീന്ദ്വഗ്നിനേത്രമ് ।

മഹാബര്ഹിപത്രം ശിവാസ്യാബ്ജമിത്രം

പ്രഭാസ്വത്കലത്രം പുരാണം പവിത്രമ്

॥ 1 ॥

ശ്ലോക 3

അനേകാര്കകോടി-പ്രഭാവജ്ജ്വലം തം

മനോഹാരി മാണിക്യ ഭൂഷോജ്ജ്വലം തമ് ।

ശ്രിതാനാമഭീഷ്ടം നിശാന്തം നിതാന്തം

ഭജേ ഷണ്മുഖം തം ശരച്ചന്ദ്രകാന്തമ്

॥ 2 ॥

ശ്ലോക 4

കൃപാവാരി കല്ലോലഭാസ്വത്കടാക്ഷം

വിരാജന്മനോഹാരി ശോണാമ്ബുജാക്ഷമ് ।

പ്രയോഗപ്രദാനപ്രവാഹൈകദക്ഷം

ഭജേ കാന്തികാന്തം പരസ്തോമരക്ഷമ്

॥ 3 ॥

ശ്ലോക 5

സുകസ്തൂരിസിന്ദൂരഭാസ്വല്ലലാടം

ദയാപൂര്ണചിത്തം മഹാദേവപുത്രമ് ।

രവീന്ദൂല്ലസദ്രത്നരാജത്കിരീടം

ഭജേ ക്രീഡിതാകാശ ഗങ്ഗാദ്രികൂടമ്

॥ 4 ॥

ശ്ലോക 6

സുകുന്ദപ്രസൂനാവലീശോഭിതാങ്ഗം

ശരത്പൂര്ണചന്ദ്രപ്രഭാകാന്തികാന്തമ് ।

ശിരീഷപ്രസൂനാഭിരാമം ഭവന്തം

ഭജേ ദേവസേനാപതിം വല്ലഭം തമ്

॥ 5 ॥

ശ്ലോക 7

സുലാവണ്യസത്സൂര്യകോടിപ്രതീകം

പ്രഭും താരകാരിം ദ്വിഷഡ്ബാഹുമീശമ് ।

നിജാങ്കപ്രഭാദിവ്യമാനാപദീശം

ഭജേ പാര്വതീപ്രാണപുത്രം സുകേശമ്

॥ 6 ॥

ശ്ലോക 8

അജം സര്വലോകപ്രിയം ലോകനാഥം

ഗുഹം ശൂരപദ്മാദിദമ്ഭോലിധാരമ് ।

സുചാരും സുനാസാപുടം സച്ചരിത്രം

ഭജേ കാര്തികേയം സദാ ബാഹുലേയമ്

॥ 7 ॥

ശ്ലോക 9

ശരാരണ്യസമ്ഭൂതമിന്ദ്രാദിവന്ദ്യം

ദ്വിഷഡ്ബാഹുസങ്ഖ്യായുധശ്രേണിരമ്യമ് ।

മരുത്സാരഥിം കുക്കുടേശം സുകേതും

ഭജേ യോഗിഹൃത്പദ്മമധ്യാധിവാസമ്

॥ 8 ॥

ശ്ലോക 10

വിരിഞ്ചീന്ദ്രവല്ലീശ ദേവേശമുഖ്യം

പ്രശസ്താമരസ്തോമസംസ്തൂയമാനമ് ।

ദിശ ത്വം ദയാലോ ശ്രിയം നിശ്ചലാം മേ

വിനാ ത്വാം ഗതിഃ കാ പ്രഭോ മേ പ്രസീദ

॥ 9 ॥

ശ്ലോക 11

പദാമ്ഭോജസേവാ സമായാതബൃന്ദാ-

രകശ്രേണികോടീരഭാസ്വല്ലലാടമ് ।

കലത്രോല്ലസത്പാര്ശ്വയുഗ്മം വരേണ്യം

ഭജേ ദേവമാദ്യന്തഹീനപ്രഭാവമ്

॥ 10 ॥

ശ്ലോക 12

ഭവാമ്ഭോധിമധ്യേ തരങ്ഗേ പതന്തം

പ്രഭോ മാം സദാ പൂര്ണദൃഷ്ട്യാ സമീക്ഷ്യ ।

ഭവദ്ഭക്തിനാവോദ്ധര ത്വം ദയാലോ

സുഗത്യന്തരം നാസ്തി ദേവ പ്രസീദ

॥ 11 ॥

ശ്ലോക 13

ഗലേ രത്നഭൂഷം തനൌ മഞ്ജുവേഷം

കരേ ജ്ഞാനശക്തിം ദരസ്മേരമാസ്യേ ।

കടിന്യസ്തപാണിം ശിഖിസ്ഥം കുമാരം

ഭജേഽഹം ഗുഹാദന്യദേവം ന മന്യേ

॥ 12 ॥

ശ്ലോക 14

ദയാഹീനചിത്തം പരദ്രോഹപാത്രം

സദാ പാപശീലം ഗുരോര്ഭക്തിഹീനമ് ।

അനന്യാവലമ്ബം ഭവന്നേത്രപാത്രം

കൃപാശീല മാം ഭോ പവിത്രം കുരു ത്വമ്

॥ 13 ॥

ശ്ലോക 15

മഹാസേന ഗാങ്ഗേയ വല്ലീസഹായ

പ്രഭോ താരകാരേ ഷഡാസ്യാമരേശ ।

സദാ പായസാന്നപ്രദാതര്ഗുഹേതി

സ്മരിഷ്യാമി ഭക്ത്യാ സദാഹം വിഭോ ത്വാമ്

॥ 14 ॥

ശ്ലോക 16

പ്രതാപസ്യ ബാഹോ നമദ്വീരബാഹോ

പ്രഭോ കാര്തികേയേഷ്ടകാമപ്രദേതി ।

യദാ യേ പഠന്തേ ഭവന്തം തദേവം

പ്രസന്നസ്തു തേഷാം ബഹുശ്രീം ദദാസി

॥ 15 ॥

ശ്ലോക 17

അപാരാതിദാരിദ്ര്യവാരാശിമധ്യേ

ഭ്രമന്തം ജനഗ്രാഹപൂര്ണേ നിതാന്തമ് ।

മഹാസേന മാമുദ്ധര ത്വം കടാക്ഷാ-

വലോകേന കിഞ്ചിത്പ്രസീദ പ്രസീദ

॥ 16 ॥

ശ്ലോക 18

സ്ഥിരാം ദേഹി ഭക്തിം ഭവത്പാദപദ്മേ

ശ്രിയം നിശ്ചലാം ദേഹി മഹ്യം കുമാര ।

ഗുഹം ചന്ദ്രതാരം സുവംശാഭിവൃദ്ധിം

കുരു ത്വം പ്രഭോ മേ മനഃ കല്പസാലഃ

॥ 17 ॥

ശ്ലോക 19

നമസ്തേ നമസ്തേ മഹാശക്തിപാണേ

നമസ്തേ നമസ്തേ ലസദ്വജ്രപാണേ ।

നമസ്തേ നമസ്തേ കടിന്യസ്തപാണേ

നമസ്തേ നമസ്തേ സദാഭീഷ്ടപാണേ

॥ 18 ॥

ശ്ലോക 20

നമസ്തേ നമസ്തേ മഹാശക്തിധാരിന്

നമസ്തേ സുരാണാം മഹാസൌഖ്യദായിന് ।

നമസ്തേ സദാ കുക്കുടേശാഖ്യക ത്വം

സമസ്താപരാധം വിഭോ മേ ക്ഷമസ്വ

॥ 19 ॥

ശ്ലോക 21

കുമാരാത്പരം കര്മയോഗം ന ജാനേ

കുമാരാത്പരം കര്മശീലം ന ജാനേ ।

യ ഏകോ മുനീനാം ഹൃദബ്ജാധിവാസഃ

ശിവാങ്കം സമാരുഹ്യ സത്പീഠകല്പമ്

॥ 20 ॥

ശ്ലോക 22

വിരിഞ്ചായ മന്ത്രോപദേശം ചകാര

പ്രമോദേന സോഽയം തനോതു ശ്രിയം മേ ।

യമാഹുഃ പരം വേദ ശൂരേഷു മുഖ്യം

സദാ യസ്യ ശക്ത്യാ ജഗത്ഭീതഭീതാ

॥ 21 ॥

ശ്ലോക 23

യമാശ്രിത്യ ദേവാഃ സ്ഥിരം സ്വര്ഗപാലാഃ

സദോങ്കാരരൂപം ചിദാനന്ദമീഡേ ।

ഗുഹസ്തോത്രമേതത് കൃതം താരകാരേ

ഭുജങ്ഗപ്രയാതേന ഹൃദ്യേന കാന്തമ്

॥ 22 ॥

ശ്ലോക 24

ജനാ യേ പഠന്തേ മഹാഭക്തിയുക്താഃ

പ്രമോദേന സായം പ്രഭാതേ വിശേഷഃ ।

ന ജന്മര്ക്ഷയോഗേ യദാ തേ രുദാന്താ

മനോവാഞ്ഛിതാന് സര്വകാമാന് ലഭന്തേ

॥ 23 ॥

ശ്ലോക 25

ഇതി ശ്രീ സുബ്രഹ്മണ്യ ഭുജങ്ഗ പ്രയാത സ്തോത്രമ് ।