ಸುಬ್ರಹ್ಮಣ್ಯ ಭುಜಙ್ಗ ಪ್ರಯಾತ ಸ್ತೋತ್ರಮ್

ಸುಬ್ರಹ್ಮಣ್ಯ ಭುಜಙ್ಗ ಪ್ರಯಾತ ಸ್ತೋತ್ರಮ್

ಶ್ಲೋಕ 1

ಭಜೇಽಹಂ ಕುಮಾರಂ ಭವಾನೀಕುಮಾರಂ

ಗಲೋಲ್ಲಾಸಿಹಾರಂ ನಮತ್ಸದ್ವಿಹಾರಮ್ ।

ರಿಪುಸ್ತೋಮಪಾರಂ ನೃಸಿಂಹಾವತಾರಂ

ಸದಾನಿರ್ವಿಕಾರಂ ಗುಹಂ ನಿರ್ವಿಚಾರಮ್

ಶ್ಲೋಕ 2

ನಮಾಮೀಶಪುತ್ರಂ ಜಪಾಶೋಣಗಾತ್ರಂ

ಸುರಾರಾತಿಶತ್ರುಂ ರವೀನ್ದ್ವಗ್ನಿನೇತ್ರಮ್ ।

ಮಹಾಬರ್ಹಿಪತ್ರಂ ಶಿವಾಸ್ಯಾಬ್ಜಮಿತ್ರಂ

ಪ್ರಭಾಸ್ವತ್ಕಲತ್ರಂ ಪುರಾಣಂ ಪವಿತ್ರಮ್

॥ 1 ॥

ಶ್ಲೋಕ 3

ಅನೇಕಾರ್ಕಕೋಟಿ-ಪ್ರಭಾವಜ್ಜ್ವಲಂ ತಂ

ಮನೋಹಾರಿ ಮಾಣಿಕ್ಯ ಭೂಷೋಜ್ಜ್ವಲಂ ತಮ್ ।

ಶ್ರಿತಾನಾಮಭೀಷ್ಟಂ ನಿಶಾನ್ತಂ ನಿತಾನ್ತಂ

ಭಜೇ ಷಣ್ಮುಖಂ ತಂ ಶರಚ್ಚನ್ದ್ರಕಾನ್ತಮ್

॥ 2 ॥

ಶ್ಲೋಕ 4

ಕೃಪಾವಾರಿ ಕಲ್ಲೋಲಭಾಸ್ವತ್ಕಟಾಕ್ಷಂ

ವಿರಾಜನ್ಮನೋಹಾರಿ ಶೋಣಾಮ್ಬುಜಾಕ್ಷಮ್ ।

ಪ್ರಯೋಗಪ್ರದಾನಪ್ರವಾಹೈಕದಕ್ಷಂ

ಭಜೇ ಕಾನ್ತಿಕಾನ್ತಂ ಪರಸ್ತೋಮರಕ್ಷಮ್

॥ 3 ॥

ಶ್ಲೋಕ 5

ಸುಕಸ್ತೂರಿಸಿನ್ದೂರಭಾಸ್ವಲ್ಲಲಾಟಂ

ದಯಾಪೂರ್ಣಚಿತ್ತಂ ಮಹಾದೇವಪುತ್ರಮ್ ।

ರವೀನ್ದೂಲ್ಲಸದ್ರತ್ನರಾಜತ್ಕಿರೀಟಂ

ಭಜೇ ಕ್ರೀಡಿತಾಕಾಶ ಗಙ್ಗಾದ್ರಿಕೂಟಮ್

॥ 4 ॥

ಶ್ಲೋಕ 6

ಸುಕುನ್ದಪ್ರಸೂನಾವಲೀಶೋಭಿತಾಙ್ಗಂ

ಶರತ್ಪೂರ್ಣಚನ್ದ್ರಪ್ರಭಾಕಾನ್ತಿಕಾನ್ತಮ್ ।

ಶಿರೀಷಪ್ರಸೂನಾಭಿರಾಮಂ ಭವನ್ತಂ

ಭಜೇ ದೇವಸೇನಾಪತಿಂ ವಲ್ಲಭಂ ತಮ್

॥ 5 ॥

ಶ್ಲೋಕ 7

ಸುಲಾವಣ್ಯಸತ್ಸೂರ್ಯಕೋಟಿಪ್ರತೀಕಂ

ಪ್ರಭುಂ ತಾರಕಾರಿಂ ದ್ವಿಷಡ್ಬಾಹುಮೀಶಮ್ ।

ನಿಜಾಙ್ಕಪ್ರಭಾದಿವ್ಯಮಾನಾಪದೀಶಂ

ಭಜೇ ಪಾರ್ವತೀಪ್ರಾಣಪುತ್ರಂ ಸುಕೇಶಮ್

॥ 6 ॥

ಶ್ಲೋಕ 8

ಅಜಂ ಸರ್ವಲೋಕಪ್ರಿಯಂ ಲೋಕನಾಥಂ

ಗುಹಂ ಶೂರಪದ್ಮಾದಿದಮ್ಭೋಲಿಧಾರಮ್ ।

ಸುಚಾರುಂ ಸುನಾಸಾಪುಟಂ ಸಚ್ಚರಿತ್ರಂ

ಭಜೇ ಕಾರ್ತಿಕೇಯಂ ಸದಾ ಬಾಹುಲೇಯಮ್

॥ 7 ॥

ಶ್ಲೋಕ 9

ಶರಾರಣ್ಯಸಮ್ಭೂತಮಿನ್ದ್ರಾದಿವನ್ದ್ಯಂ

ದ್ವಿಷಡ್ಬಾಹುಸಙ್ಖ್ಯಾಯುಧಶ್ರೇಣಿರಮ್ಯಮ್ ।

ಮರುತ್ಸಾರಥಿಂ ಕುಕ್ಕುಟೇಶಂ ಸುಕೇತುಂ

ಭಜೇ ಯೋಗಿಹೃತ್ಪದ್ಮಮಧ್ಯಾಧಿವಾಸಮ್

॥ 8 ॥

ಶ್ಲೋಕ 10

ವಿರಿಞ್ಚೀನ್ದ್ರವಲ್ಲೀಶ ದೇವೇಶಮುಖ್ಯಂ

ಪ್ರಶಸ್ತಾಮರಸ್ತೋಮಸಂಸ್ತೂಯಮಾನಮ್ ।

ದಿಶ ತ್ವಂ ದಯಾಲೋ ಶ್ರಿಯಂ ನಿಶ್ಚಲಾಂ ಮೇ

ವಿನಾ ತ್ವಾಂ ಗತಿಃ ಕಾ ಪ್ರಭೋ ಮೇ ಪ್ರಸೀದ

॥ 9 ॥

ಶ್ಲೋಕ 11

ಪದಾಮ್ಭೋಜಸೇವಾ ಸಮಾಯಾತಬೃನ್ದಾ-

ರಕಶ್ರೇಣಿಕೋಟೀರಭಾಸ್ವಲ್ಲಲಾಟಮ್ ।

ಕಲತ್ರೋಲ್ಲಸತ್ಪಾರ್ಶ್ವಯುಗ್ಮಂ ವರೇಣ್ಯಂ

ಭಜೇ ದೇವಮಾದ್ಯನ್ತಹೀನಪ್ರಭಾವಮ್

॥ 10 ॥

ಶ್ಲೋಕ 12

ಭವಾಮ್ಭೋಧಿಮಧ್ಯೇ ತರಙ್ಗೇ ಪತನ್ತಂ

ಪ್ರಭೋ ಮಾಂ ಸದಾ ಪೂರ್ಣದೃಷ್ಟ್ಯಾ ಸಮೀಕ್ಷ್ಯ ।

ಭವದ್ಭಕ್ತಿನಾವೋದ್ಧರ ತ್ವಂ ದಯಾಲೋ

ಸುಗತ್ಯನ್ತರಂ ನಾಸ್ತಿ ದೇವ ಪ್ರಸೀದ

॥ 11 ॥

ಶ್ಲೋಕ 13

ಗಲೇ ರತ್ನಭೂಷಂ ತನೌ ಮಞ್ಜುವೇಷಂ

ಕರೇ ಜ್ಞಾನಶಕ್ತಿಂ ದರಸ್ಮೇರಮಾಸ್ಯೇ ।

ಕಟಿನ್ಯಸ್ತಪಾಣಿಂ ಶಿಖಿಸ್ಥಂ ಕುಮಾರಂ

ಭಜೇಽಹಂ ಗುಹಾದನ್ಯದೇವಂ ನ ಮನ್ಯೇ

॥ 12 ॥

ಶ್ಲೋಕ 14

ದಯಾಹೀನಚಿತ್ತಂ ಪರದ್ರೋಹಪಾತ್ರಂ

ಸದಾ ಪಾಪಶೀಲಂ ಗುರೋರ್ಭಕ್ತಿಹೀನಮ್ ।

ಅನನ್ಯಾವಲಮ್ಬಂ ಭವನ್ನೇತ್ರಪಾತ್ರಂ

ಕೃಪಾಶೀಲ ಮಾಂ ಭೋ ಪವಿತ್ರಂ ಕುರು ತ್ವಮ್

॥ 13 ॥

ಶ್ಲೋಕ 15

ಮಹಾಸೇನ ಗಾಙ್ಗೇಯ ವಲ್ಲೀಸಹಾಯ

ಪ್ರಭೋ ತಾರಕಾರೇ ಷಡಾಸ್ಯಾಮರೇಶ ।

ಸದಾ ಪಾಯಸಾನ್ನಪ್ರದಾತರ್ಗುಹೇತಿ

ಸ್ಮರಿಷ್ಯಾಮಿ ಭಕ್ತ್ಯಾ ಸದಾಹಂ ವಿಭೋ ತ್ವಾಮ್

॥ 14 ॥

ಶ್ಲೋಕ 16

ಪ್ರತಾಪಸ್ಯ ಬಾಹೋ ನಮದ್ವೀರಬಾಹೋ

ಪ್ರಭೋ ಕಾರ್ತಿಕೇಯೇಷ್ಟಕಾಮಪ್ರದೇತಿ ।

ಯದಾ ಯೇ ಪಠನ್ತೇ ಭವನ್ತಂ ತದೇವಂ

ಪ್ರಸನ್ನಸ್ತು ತೇಷಾಂ ಬಹುಶ್ರೀಂ ದದಾಸಿ

॥ 15 ॥

ಶ್ಲೋಕ 17

ಅಪಾರಾತಿದಾರಿದ್ರ್ಯವಾರಾಶಿಮಧ್ಯೇ

ಭ್ರಮನ್ತಂ ಜನಗ್ರಾಹಪೂರ್ಣೇ ನಿತಾನ್ತಮ್ ।

ಮಹಾಸೇನ ಮಾಮುದ್ಧರ ತ್ವಂ ಕಟಾಕ್ಷಾ-

ವಲೋಕೇನ ಕಿಞ್ಚಿತ್ಪ್ರಸೀದ ಪ್ರಸೀದ

॥ 16 ॥

ಶ್ಲೋಕ 18

ಸ್ಥಿರಾಂ ದೇಹಿ ಭಕ್ತಿಂ ಭವತ್ಪಾದಪದ್ಮೇ

ಶ್ರಿಯಂ ನಿಶ್ಚಲಾಂ ದೇಹಿ ಮಹ್ಯಂ ಕುಮಾರ ।

ಗುಹಂ ಚನ್ದ್ರತಾರಂ ಸುವಂಶಾಭಿವೃದ್ಧಿಂ

ಕುರು ತ್ವಂ ಪ್ರಭೋ ಮೇ ಮನಃ ಕಲ್ಪಸಾಲಃ

॥ 17 ॥

ಶ್ಲೋಕ 19

ನಮಸ್ತೇ ನಮಸ್ತೇ ಮಹಾಶಕ್ತಿಪಾಣೇ

ನಮಸ್ತೇ ನಮಸ್ತೇ ಲಸದ್ವಜ್ರಪಾಣೇ ।

ನಮಸ್ತೇ ನಮಸ್ತೇ ಕಟಿನ್ಯಸ್ತಪಾಣೇ

ನಮಸ್ತೇ ನಮಸ್ತೇ ಸದಾಭೀಷ್ಟಪಾಣೇ

॥ 18 ॥

ಶ್ಲೋಕ 20

ನಮಸ್ತೇ ನಮಸ್ತೇ ಮಹಾಶಕ್ತಿಧಾರಿನ್

ನಮಸ್ತೇ ಸುರಾಣಾಂ ಮಹಾಸೌಖ್ಯದಾಯಿನ್ ।

ನಮಸ್ತೇ ಸದಾ ಕುಕ್ಕುಟೇಶಾಖ್ಯಕ ತ್ವಂ

ಸಮಸ್ತಾಪರಾಧಂ ವಿಭೋ ಮೇ ಕ್ಷಮಸ್ವ

॥ 19 ॥

ಶ್ಲೋಕ 21

ಕುಮಾರಾತ್ಪರಂ ಕರ್ಮಯೋಗಂ ನ ಜಾನೇ

ಕುಮಾರಾತ್ಪರಂ ಕರ್ಮಶೀಲಂ ನ ಜಾನೇ ।

ಯ ಏಕೋ ಮುನೀನಾಂ ಹೃದಬ್ಜಾಧಿವಾಸಃ

ಶಿವಾಙ್ಕಂ ಸಮಾರುಹ್ಯ ಸತ್ಪೀಠಕಲ್ಪಮ್

॥ 20 ॥

ಶ್ಲೋಕ 22

ವಿರಿಞ್ಚಾಯ ಮನ್ತ್ರೋಪದೇಶಂ ಚಕಾರ

ಪ್ರಮೋದೇನ ಸೋಽಯಂ ತನೋತು ಶ್ರಿಯಂ ಮೇ ।

ಯಮಾಹುಃ ಪರಂ ವೇದ ಶೂರೇಷು ಮುಖ್ಯಂ

ಸದಾ ಯಸ್ಯ ಶಕ್ತ್ಯಾ ಜಗತ್ಭೀತಭೀತಾ

॥ 21 ॥

ಶ್ಲೋಕ 23

ಯಮಾಶ್ರಿತ್ಯ ದೇವಾಃ ಸ್ಥಿರಂ ಸ್ವರ್ಗಪಾಲಾಃ

ಸದೋಙ್ಕಾರರೂಪಂ ಚಿದಾನನ್ದಮೀಡೇ ।

ಗುಹಸ್ತೋತ್ರಮೇತತ್ ಕೃತಂ ತಾರಕಾರೇ

ಭುಜಙ್ಗಪ್ರಯಾತೇನ ಹೃದ್ಯೇನ ಕಾನ್ತಮ್

॥ 22 ॥

ಶ್ಲೋಕ 24

ಜನಾ ಯೇ ಪಠನ್ತೇ ಮಹಾಭಕ್ತಿಯುಕ್ತಾಃ

ಪ್ರಮೋದೇನ ಸಾಯಂ ಪ್ರಭಾತೇ ವಿಶೇಷಃ ।

ನ ಜನ್ಮರ್ಕ್ಷಯೋಗೇ ಯದಾ ತೇ ರುದಾನ್ತಾ

ಮನೋವಾಞ್ಛಿತಾನ್ ಸರ್ವಕಾಮಾನ್ ಲಭನ್ತೇ

॥ 23 ॥

ಶ್ಲೋಕ 25

ಇತಿ ಶ್ರೀ ಸುಬ್ರಹ್ಮಣ್ಯ ಭುಜಙ್ಗ ಪ್ರಯಾತ ಸ್ತೋತ್ರಮ್ ।