સુબ્રહ્મણ્ય ભુજઙ્ગ પ્રયાત સ્તોત્રમ્

સુબ્રહ્મણ્ય ભુજઙ્ગ પ્રયાત સ્તોત્રમ્

શ્લોક 1

ભજેઽહં કુમારં ભવાનીકુમારં

ગલોલ્લાસિહારં નમત્સદ્વિહારમ્ ।

રિપુસ્તોમપારં નૃસિંહાવતારં

સદાનિર્વિકારં ગુહં નિર્વિચારમ્

શ્લોક 2

નમામીશપુત્રં જપાશોણગાત્રં

સુરારાતિશત્રું રવીન્દ્વગ્નિનેત્રમ્ ।

મહાબર્હિપત્રં શિવાસ્યાબ્જમિત્રં

પ્રભાસ્વત્કલત્રં પુરાણં પવિત્રમ્

॥ 1 ॥

શ્લોક 3

અનેકાર્કકોટિ-પ્રભાવજ્જ્વલં તં

મનોહારિ માણિક્ય ભૂષોજ્જ્વલં તમ્ ।

શ્રિતાનામભીષ્ટં નિશાન્તં નિતાન્તં

ભજે ષણ્મુખં તં શરચ્ચન્દ્રકાન્તમ્

॥ 2 ॥

શ્લોક 4

કૃપાવારિ કલ્લોલભાસ્વત્કટાક્ષં

વિરાજન્મનોહારિ શોણામ્બુજાક્ષમ્ ।

પ્રયોગપ્રદાનપ્રવાહૈકદક્ષં

ભજે કાન્તિકાન્તં પરસ્તોમરક્ષમ્

॥ 3 ॥

શ્લોક 5

સુકસ્તૂરિસિન્દૂરભાસ્વલ્લલાટં

દયાપૂર્ણચિત્તં મહાદેવપુત્રમ્ ।

રવીન્દૂલ્લસદ્રત્નરાજત્કિરીટં

ભજે ક્રીડિતાકાશ ગઙ્ગાદ્રિકૂટમ્

॥ 4 ॥

શ્લોક 6

સુકુન્દપ્રસૂનાવલીશોભિતાઙ્ગં

શરત્પૂર્ણચન્દ્રપ્રભાકાન્તિકાન્તમ્ ।

શિરીષપ્રસૂનાભિરામં ભવન્તં

ભજે દેવસેનાપતિં વલ્લભં તમ્

॥ 5 ॥

શ્લોક 7

સુલાવણ્યસત્સૂર્યકોટિપ્રતીકં

પ્રભું તારકારિં દ્વિષડ્બાહુમીશમ્ ।

નિજાઙ્કપ્રભાદિવ્યમાનાપદીશં

ભજે પાર્વતીપ્રાણપુત્રં સુકેશમ્

॥ 6 ॥

શ્લોક 8

અજં સર્વલોકપ્રિયં લોકનાથં

ગુહં શૂરપદ્માદિદમ્ભોલિધારમ્ ।

સુચારું સુનાસાપુટં સચ્ચરિત્રં

ભજે કાર્તિકેયં સદા બાહુલેયમ્

॥ 7 ॥

શ્લોક 9

શરારણ્યસમ્ભૂતમિન્દ્રાદિવન્દ્યં

દ્વિષડ્બાહુસઙ્ખ્યાયુધશ્રેણિરમ્યમ્ ।

મરુત્સારથિં કુક્કુટેશં સુકેતું

ભજે યોગિહૃત્પદ્મમધ્યાધિવાસમ્

॥ 8 ॥

શ્લોક 10

વિરિઞ્ચીન્દ્રવલ્લીશ દેવેશમુખ્યં

પ્રશસ્તામરસ્તોમસંસ્તૂયમાનમ્ ।

દિશ ત્વં દયાલો શ્રિયં નિશ્ચલાં મે

વિના ત્વાં ગતિઃ કા પ્રભો મે પ્રસીદ

॥ 9 ॥

શ્લોક 11

પદામ્ભોજસેવા સમાયાતબૃન્દા-

રકશ્રેણિકોટીરભાસ્વલ્લલાટમ્ ।

કલત્રોલ્લસત્પાર્શ્વયુગ્મં વરેણ્યં

ભજે દેવમાદ્યન્તહીનપ્રભાવમ્

॥ 10 ॥

શ્લોક 12

ભવામ્ભોધિમધ્યે તરઙ્ગે પતન્તં

પ્રભો માં સદા પૂર્ણદૃષ્ટ્યા સમીક્ષ્ય ।

ભવદ્ભક્તિનાવોદ્ધર ત્વં દયાલો

સુગત્યન્તરં નાસ્તિ દેવ પ્રસીદ

॥ 11 ॥

શ્લોક 13

ગલે રત્નભૂષં તનૌ મઞ્જુવેષં

કરે જ્ઞાનશક્તિં દરસ્મેરમાસ્યે ।

કટિન્યસ્તપાણિં શિખિસ્થં કુમારં

ભજેઽહં ગુહાદન્યદેવં ન મન્યે

॥ 12 ॥

શ્લોક 14

દયાહીનચિત્તં પરદ્રોહપાત્રં

સદા પાપશીલં ગુરોર્ભક્તિહીનમ્ ।

અનન્યાવલમ્બં ભવન્નેત્રપાત્રં

કૃપાશીલ માં ભો પવિત્રં કુરુ ત્વમ્

॥ 13 ॥

શ્લોક 15

મહાસેન ગાઙ્ગેય વલ્લીસહાય

પ્રભો તારકારે ષડાસ્યામરેશ ।

સદા પાયસાન્નપ્રદાતર્ગુહેતિ

સ્મરિષ્યામિ ભક્ત્યા સદાહં વિભો ત્વામ્

॥ 14 ॥

શ્લોક 16

પ્રતાપસ્ય બાહો નમદ્વીરબાહો

પ્રભો કાર્તિકેયેષ્ટકામપ્રદેતિ ।

યદા યે પઠન્તે ભવન્તં તદેવં

પ્રસન્નસ્તુ તેષાં બહુશ્રીં દદાસિ

॥ 15 ॥

શ્લોક 17

અપારાતિદારિદ્ર્યવારાશિમધ્યે

ભ્રમન્તં જનગ્રાહપૂર્ણે નિતાન્તમ્ ।

મહાસેન મામુદ્ધર ત્વં કટાક્ષા-

વલોકેન કિઞ્ચિત્પ્રસીદ પ્રસીદ

॥ 16 ॥

શ્લોક 18

સ્થિરાં દેહિ ભક્તિં ભવત્પાદપદ્મે

શ્રિયં નિશ્ચલાં દેહિ મહ્યં કુમાર ।

ગુહં ચન્દ્રતારં સુવંશાભિવૃદ્ધિં

કુરુ ત્વં પ્રભો મે મનઃ કલ્પસાલઃ

॥ 17 ॥

શ્લોક 19

નમસ્તે નમસ્તે મહાશક્તિપાણે

નમસ્તે નમસ્તે લસદ્વજ્રપાણે ।

નમસ્તે નમસ્તે કટિન્યસ્તપાણે

નમસ્તે નમસ્તે સદાભીષ્ટપાણે

॥ 18 ॥

શ્લોક 20

નમસ્તે નમસ્તે મહાશક્તિધારિન્

નમસ્તે સુરાણાં મહાસૌખ્યદાયિન્ ।

નમસ્તે સદા કુક્કુટેશાખ્યક ત્વં

સમસ્તાપરાધં વિભો મે ક્ષમસ્વ

॥ 19 ॥

શ્લોક 21

કુમારાત્પરં કર્મયોગં ન જાને

કુમારાત્પરં કર્મશીલં ન જાને ।

ય એકો મુનીનાં હૃદબ્જાધિવાસઃ

શિવાઙ્કં સમારુહ્ય સત્પીઠકલ્પમ્

॥ 20 ॥

શ્લોક 22

વિરિઞ્ચાય મન્ત્રોપદેશં ચકાર

પ્રમોદેન સોઽયં તનોતુ શ્રિયં મે ।

યમાહુઃ પરં વેદ શૂરેષુ મુખ્યં

સદા યસ્ય શક્ત્યા જગત્ભીતભીતા

॥ 21 ॥

શ્લોક 23

યમાશ્રિત્ય દેવાઃ સ્થિરં સ્વર્ગપાલાઃ

સદોઙ્કારરૂપં ચિદાનન્દમીડે ।

ગુહસ્તોત્રમેતત્ કૃતં તારકારે

ભુજઙ્ગપ્રયાતેન હૃદ્યેન કાન્તમ્

॥ 22 ॥

શ્લોક 24

જના યે પઠન્તે મહાભક્તિયુક્તાઃ

પ્રમોદેન સાયં પ્રભાતે વિશેષઃ ।

ન જન્મર્ક્ષયોગે યદા તે રુદાન્તા

મનોવાઞ્છિતાન્ સર્વકામાન્ લભન્તે

॥ 23 ॥

શ્લોક 25

ઇતિ શ્રી સુબ્રહ્મણ્ય ભુજઙ્ગ પ્રયાત સ્તોત્રમ્ ।