સુબ્રહ્મણ્ય અષ્ટકં કરાવલમ્બ સ્તોત્રમ્

સુબ્રહ્મણ્ય અષ્ટકં કરાવલમ્બ સ્તોત્રમ્

શ્લોક 1

હે સ્વામિનાથ કરુણાકર દીનબન્ધો,

શ્રીપાર્વતીશમુખપઙ્કજ પદ્મબન્ધો ।

શ્રીશાદિદેવગણપૂજિતપાદપદ્મ,

વલ્લીસનાથ મમ દેહિ કરાવલમ્બમ્

શ્લોક 2

દેવાદિદેવનુત દેવગણાધિનાથ,

દેવેન્દ્રવન્દ્ય મૃદુપઙ્કજમઞ્જુપાદ ।

દેવર્ષિનારદમુનીન્દ્રસુગીતકીર્તે,

વલ્લીસનાથ મમ દેહિ કરાવલમ્બમ્

॥ 1 ॥

શ્લોક 3

નિત્યાન્નદાન નિરતાખિલ રોગહારિન્,

તસ્માત્પ્રદાન પરિપૂરિતભક્તકામ ।

શૃત્યાગમપ્રણવવાચ્યનિજસ્વરૂપ,

વલ્લીસનાથ મમ દેહિ કરાવલમ્બમ્

॥ 2 ॥

શ્લોક 4

ક્રૌઞ્ચાસુરેન્દ્ર પરિખણ્ડન શક્તિશૂલ,

પાશાદિશસ્ત્રપરિમણ્ડિતદિવ્યપાણે ।

શ્રીકુણ્ડલીશ ધૃતતુણ્ડ શિખીન્દ્રવાહ,

વલ્લીસનાથ મમ દેહિ કરાવલમ્બમ્

॥ 3 ॥

શ્લોક 5

દેવાદિદેવ રથમણ્ડલ મધ્ય વેદ્ય,

દેવેન્દ્ર પીઠનગરં દૃઢચાપહસ્તમ્ ।

શૂરં નિહત્ય સુરકોટિભિરીડ્યમાન,

વલ્લીસનાથ મમ દેહિ કરાવલમ્બમ્

॥ 4 ॥

શ્લોક 6

હારાદિરત્નમણિયુક્તકિરીટહાર,

કેયૂરકુણ્ડલલસત્કવચાભિરામ ।

હે વીર તારક જયાઽમરબૃન્દવન્દ્ય,

વલ્લીસનાથ મમ દેહિ કરાવલમ્બમ્

॥ 5 ॥

શ્લોક 7

પઞ્ચાક્ષરાદિમનુમન્ત્રિત ગાઙ્ગતોયૈઃ,

પઞ્ચામૃતૈઃ પ્રમુદિતેન્દ્રમુખૈર્મુનીન્દ્રૈઃ ।

પટ્ટાભિષિક્ત હરિયુક્ત પરાસનાથ,

વલ્લીસનાથ મમ દેહિ કરાવલમ્બમ્

॥ 6 ॥

શ્લોક 8

શ્રીકાર્તિકેય કરુણામૃતપૂર્ણદૃષ્ટ્યા,

કામાદિરોગકલુષીકૃતદુષ્ટચિત્તમ્ ।

ભક્ત્વા તુ મામવકલાધર કાન્તિકાન્ત્યા,

વલ્લીસનાથ મમ દેહિ કરાવલમ્બમ્

॥ 7 ॥

શ્લોક 9

સુબ્રહ્મણ્ય કરાવલમ્બં પુણ્યં યે પઠન્તિ દ્વિજોત્તમાઃ ।

તે સર્વે મુક્તિ માયાન્તિ સુબ્રહ્મણ્ય પ્રસાદતઃ ।

સુબ્રહ્મણ્ય કરાવલમ્બમિદં પ્રાતરુત્થાય યઃ પઠેત્ ।

કોટિજન્મકૃતં પાપં તત્​ક્ષણાદેવ નશ્યતિ ॥