সুব্রহ্মণ্য অষ্টকং করাবলম্ব স্তোত্রম্

সুব্রহ্মণ্য অষ্টকং করাবলম্ব স্তোত্রম্

শ্লোক 1

হে স্বামিনাথ করুণাকর দীনবন্ধো,

শ্রীপার্বতীশমুখপঙ্কজ পদ্মবন্ধো ।

শ্রীশাদিদেবগণপূজিতপাদপদ্ম,

বল্লীসনাথ মম দেহি করাবলম্বম্

শ্লোক 2

দেবাদিদেবনুত দেবগণাধিনাথ,

দেবেন্দ্রবন্দ্য মৃদুপঙ্কজমঞ্জুপাদ ।

দেবর্ষিনারদমুনীন্দ্রসুগীতকীর্তে,

বল্লীসনাথ মম দেহি করাবলম্বম্

॥ 1 ॥

শ্লোক 3

নিত্যান্নদান নিরতাখিল রোগহারিন্,

তস্মাত্প্রদান পরিপূরিতভক্তকাম ।

শৃত্যাগমপ্রণববাচ্যনিজস্বরূপ,

বল্লীসনাথ মম দেহি করাবলম্বম্

॥ 2 ॥

শ্লোক 4

ক্রৌঞ্চাসুরেন্দ্র পরিখণ্ডন শক্তিশূল,

পাশাদিশস্ত্রপরিমণ্ডিতদিব্যপাণে ।

শ্রীকুণ্ডলীশ ধৃততুণ্ড শিখীন্দ্রবাহ,

বল্লীসনাথ মম দেহি করাবলম্বম্

॥ 3 ॥

শ্লোক 5

দেবাদিদেব রথমণ্ডল মধ্য বেদ্য,

দেবেন্দ্র পীঠনগরং দৃঢচাপহস্তম্ ।

শূরং নিহত্য সুরকোটিভিরীড্যমান,

বল্লীসনাথ মম দেহি করাবলম্বম্

॥ 4 ॥

শ্লোক 6

হারাদিরত্নমণিযুক্তকিরীটহার,

কেযূরকুণ্ডললসত্কবচাভিরাম ।

হে বীর তারক জযাঽমরবৃন্দবন্দ্য,

বল্লীসনাথ মম দেহি করাবলম্বম্

॥ 5 ॥

শ্লোক 7

পঞ্চাক্ষরাদিমনুমন্ত্রিত গাঙ্গতোযৈঃ,

পঞ্চামৃতৈঃ প্রমুদিতেন্দ্রমুখৈর্মুনীন্দ্রৈঃ ।

পট্টাভিষিক্ত হরিযুক্ত পরাসনাথ,

বল্লীসনাথ মম দেহি করাবলম্বম্

॥ 6 ॥

শ্লোক 8

শ্রীকার্তিকেয করুণামৃতপূর্ণদৃষ্ট্যা,

কামাদিরোগকলুষীকৃতদুষ্টচিত্তম্ ।

ভক্ত্বা তু মামবকলাধর কান্তিকান্ত্যা,

বল্লীসনাথ মম দেহি করাবলম্বম্

॥ 7 ॥

শ্লোক 9

সুব্রহ্মণ্য করাবলম্বং পুণ্যং যে পঠন্তি দ্বিজোত্তমাঃ ।

তে সর্বে মুক্তি মাযান্তি সুব্রহ্মণ্য প্রসাদতঃ ।

সুব্রহ্মণ্য করাবলম্বমিদং প্রাতরুত্থায যঃ পঠেত্ ।

কোটিজন্মকৃতং পাপং তত্​ক্ষণাদেব নশ্যতি ॥