ശ്രീമദ്ഭഗവദ്ഗീതാ മൂലമ് - അഷ്ടമോഽധ്യായഃ

ശ്രീമദ്ഭഗവദ്ഗീതാ മൂലമ് - അഷ്ടമോഽധ്യായഃ

ശ്ലോക 1

ഓം ശ്രീ പരമാത്മനേ നമഃ

അഥ അഷ്ടമോഽധ്യായഃ ।

അക്ഷരപരബ്രഹ്മയോഗഃ

അര്ജുന ഉവാച

കിം തദ്ബ്രഹ്മ കിമധ്യാത്മം കിം കര്മ പുരുഷോത്തമ ।

അധിഭൂതം ച കിം പ്രോക്തമധിദൈവം കിമുച്യതേ

ശ്ലോക 2

അധിയജ്ഞഃ കഥം കോഽത്ര ദേഹേഽസ്മിന്മധുസൂദന ।

പ്രയാണകാലേ ച കഥം ജ്ഞേയോഽസി നിയതാത്മഭിഃ

॥ 1 ॥

ശ്ലോക 3

ശ്രീഭഗവാനുവാച

അക്ഷരം ബ്രഹ്മ പരമം സ്വഭാവോഽധ്യാത്മമുച്യതേ ।

ഭൂതഭാവോദ്ഭവകരോ വിസര്ഗഃ കര്മസഞ്ജ്ഞിതഃ

॥ 2 ॥

ശ്ലോക 4

അധിഭൂതം ക്ഷരോ ഭാവഃ പുരുഷശ്ചാധിദൈവതമ് ।

അധിയജ്ഞോഽഹമേവാത്ര ദേഹേ ദേഹഭൃതാം വര

॥ 3 ॥

ശ്ലോക 5

അന്തകാലേ ച മാമേവ സ്മരന്മുക്ത്വാ കലേവരമ് ।

യഃ പ്രയാതി സ മദ്ഭാവം യാതി നാസ്ത്യത്ര സംശയഃ

॥ 4 ॥

ശ്ലോക 6

യം യം വാപി സ്മരന്ഭാവം ത്യജത്യന്തേ കലേവരമ് ।

തം തമേവൈതി കൌന്തേയ സദാ തദ്ഭാവഭാവിതഃ

॥ 5 ॥

ശ്ലോക 7

തസ്മാത്സര്വേഷു കാലേഷു മാമനുസ്മര യുധ്യ ച ।

മയ്യര്പിതമനോബുദ്ധിര്മാമേവൈഷ്യസ്യസംശയമ്

॥ 6 ॥

ശ്ലോക 8

അഭ്യാസയോഗയുക്തേന ചേതസാ നാന്യഗാമിനാ ।

പരമം പുരുഷം ദിവ്യം യാതി പാര്ഥാനുചിന്തയന്

॥ 7 ॥

ശ്ലോക 9

കവിം പുരാണമനുശാസിതാരമണോരണീയംസമനുസ്മരേദ്യഃ।

സര്വസ്യ ധാതാരമചിന്ത്യരൂപമാദിത്യവര്ണം തമസഃ പരസ്താത്

॥ 8 ॥

ശ്ലോക 10

പ്രയാണകാലേ മനസാചലേന ഭക്ത്യാ യുക്തോ യോഗബലേന ചൈവ।

ഭ്രുവോര്മധ്യേ പ്രാണമാവേശ്യ സമ്യക്സ തം പരം പുരുഷമുപൈതി ദിവ്യമ്

॥ 9 ॥

ശ്ലോക 11

യദക്ഷരം വേദവിദോ വദന്തി വിശന്തി യദ്യതയോ വീതരാഗാഃ।

യദിച്ഛന്തോ ബ്രഹ്മചര്യം ചരന്തി തത്തേ പദം സങ്ഗ്രഹേണ പ്രവക്ഷ്യേ

॥ 10 ॥

ശ്ലോക 12

സര്വദ്വാരാണി സംയമ്യ മനോ ഹൃദി നിരുധ്യ ച ।

മൂര്ധ്ന്യാധായാത്മനഃ പ്രാണമാസ്ഥിതോ യോഗധാരണാമ്

॥ 11 ॥

ശ്ലോക 13

ഓമിത്യേകാക്ഷരം ബ്രഹ്മ വ്യാഹരന്മാമനുസ്മരന് ।

യഃ പ്രയാതി ത്യജന്ദേഹം സ യാതി പരമാം ഗതിമ്

॥ 12 ॥

ശ്ലോക 14

അനന്യചേതാഃ സതതം യോ മാം സ്മരതി നിത്യശഃ ।

തസ്യാഹം സുലഭഃ പാര്ഥ നിത്യയുക്തസ്യ യോഗിനഃ

॥ 13 ॥

ശ്ലോക 15

മാമുപേത്യ പുനര്ജന്മ ദുഃഖാലയമശാശ്വതമ് ।

നാപ്നുവന്തി മഹാത്മാനഃ സംസിദ്ധിം പരമാം ഗതാഃ

॥ 14 ॥

ശ്ലോക 16

ആബ്രഹ്മഭുവനാല്ലോകാഃ പുനരാവര്തിനോഽര്ജുന ।

മാമുപേത്യ തു കൌന്തേയ പുനര്ജന്മ ന വിദ്യതേ

॥ 15 ॥

ശ്ലോക 17

സഹസ്രയുഗപര്യന്തമഹര്യദ്ബ്രഹ്മണോ വിദുഃ ।

രാത്രിം യുഗസഹസ്രാന്താം തേഽഹോരാത്രവിദോ ജനാഃ

॥ 16 ॥

ശ്ലോക 18

അവ്യക്താദ്വ്യക്തയഃ സര്വാഃ പ്രഭവന്ത്യഹരാഗമേ ।

രാത്ര്യാഗമേ പ്രലീയന്തേ തത്രൈവാവ്യക്തസഞ്ജ്ഞകേ

॥ 17 ॥

ശ്ലോക 19

ഭൂതഗ്രാമഃ സ ഏവായം ഭൂത്വാ ഭൂത്വാ പ്രലീയതേ ।

രാത്ര്യാഗമേഽവശഃ പാര്ഥ പ്രഭവത്യഹരാഗമേ

॥ 18 ॥

ശ്ലോക 20

പരസ്തസ്മാത്തു ഭാവോഽന്യോഽവ്യക്തോഽവ്യക്താത്സനാതനഃ ।

യഃ സ സര്വേഷു ഭൂതേഷു നശ്യത്സു ന വിനശ്യതി

॥ 19 ॥

ശ്ലോക 21

അവ്യക്തോഽക്ഷര ഇത്യുക്തസ്തമാഹുഃ പരമാം ഗതിമ് ।

യം പ്രാപ്യ ന നിവര്തന്തേ തദ്ധാമ പരമം മമ

॥ 20 ॥

ശ്ലോക 22

പുരുഷഃ സ പരഃ പാര്ഥ ഭക്ത്യാ ലഭ്യസ്ത്വനന്യയാ ।

യസ്യാന്തഃസ്ഥാനി ഭൂതാനി യേന സര്വമിദം തതമ്

॥ 21 ॥

ശ്ലോക 23

യത്ര കാലേ ത്വനാവൃത്തിമാവൃത്തിം ചൈവ യോഗിനഃ ।

പ്രയാതാ യാന്തി തം കാലം വക്ഷ്യാമി ഭരതര്ഷഭ

॥ 22 ॥

ശ്ലോക 24

അഗ്നിര്ജോതിരഹഃ ശുക്ലഃ ഷണ്മാസാ ഉത്തരായണമ് ।

തത്ര പ്രയാതാ ഗച്ഛന്തി ബ്രഹ്മ ബ്രഹ്മവിദോ ജനാഃ

॥ 23 ॥

ശ്ലോക 25

ധൂമോ രാത്രിസ്തഥാ കൃഷ്ണഃ ഷണ്മാസാ ദക്ഷിണായനമ് ।

തത്ര ചാന്ദ്രമസം ജ്യോതിര്യോഗീ പ്രാപ്യ നിവര്തതേ

॥ 24 ॥

ശ്ലോക 26

ശുക്ലകൃഷ്ണേ ഗതീ ഹ്യേതേ ജഗതഃ ശാശ്വതേ മതേ ।

ഏകയാ യാത്യനാവൃത്തിമന്യയാവര്തതേ പുനഃ

॥ 25 ॥

ശ്ലോക 27

നൈതേ സൃതീ പാര്ഥ ജാനന്യോഗീ മുഹ്യതി കശ്ചന ।

തസ്മാത്സര്വേഷു കാലേഷു യോഗയുക്തോ ഭവാര്ജുന

॥ 26 ॥

ശ്ലോക 28

വേദേഷു യജ്ഞേഷു തപഃസു ചൈവ ദാനേഷു യത്പുണ്യഫലം പ്രദിഷ്ടമ്।

അത്യേതി തത്സര്വമിദം വിദിത്വായോഗീ പരം സ്ഥാനമുപൈതി ചാദ്യമ്

॥ 27 ॥

ശ്ലോക 29

ഓം തത്സദിതി ശ്രീമദ്ഭഗവദ്ഗീതാസൂപനിഷത്സു ബ്രഹ്മവിദ്യായാം യോഗശാസ്ത്രേ

ശ്രീകൃഷ്ണാര്ജുനസംവാദേ അക്ഷരബ്രഹ്മയോഗോ നാമാഷ്ടമോഽധ്യായഃ

॥ 28 ॥

ശ്ലോക 30