শ্রীমদ্ভগবদ্গীতা মূলম্ - অষ্টমোঽধ্যাযঃ

শ্রীমদ্ভগবদ্গীতা মূলম্ - অষ্টমোঽধ্যাযঃ

শ্লোক 1

ওঁ শ্রী পরমাত্মনে নমঃ

অথ অষ্টমোঽধ্যাযঃ ।

অক্ষরপরব্রহ্মযোগঃ

অর্জুন উবাচ

কিং তদ্ব্রহ্ম কিমধ্যাত্মং কিং কর্ম পুরুষোত্তম ।

অধিভূতং চ কিং প্রোক্তমধিদৈবং কিমুচ্যতে

শ্লোক 2

অধিযজ্ঞঃ কথং কোঽত্র দেহেঽস্মিন্মধুসূদন ।

প্রযাণকালে চ কথং জ্ঞেযোঽসি নিযতাত্মভিঃ

॥ 1 ॥

শ্লোক 3

শ্রীভগবানুবাচ

অক্ষরং ব্রহ্ম পরমং স্বভাবোঽধ্যাত্মমুচ্যতে ।

ভূতভাবোদ্ভবকরো বিসর্গঃ কর্মসঞ্জ্ঞিতঃ

॥ 2 ॥

শ্লোক 4

অধিভূতং ক্ষরো ভাবঃ পুরুষশ্চাধিদৈবতম্ ।

অধিযজ্ঞোঽহমেবাত্র দেহে দেহভৃতাং বর

॥ 3 ॥

শ্লোক 5

অন্তকালে চ মামেব স্মরন্মুক্ত্বা কলেবরম্ ।

যঃ প্রযাতি স মদ্ভাবং যাতি নাস্ত্যত্র সংশযঃ

॥ 4 ॥

শ্লোক 6

যং যং বাপি স্মরন্ভাবং ত্যজত্যন্তে কলেবরম্ ।

তং তমেবৈতি কৌন্তেয সদা তদ্ভাবভাবিতঃ

॥ 5 ॥

শ্লোক 7

তস্মাত্সর্বেষু কালেষু মামনুস্মর যুধ্য চ ।

ময্যর্পিতমনোবুদ্ধির্মামেবৈষ্যস্যসংশযম্

॥ 6 ॥

শ্লোক 8

অভ্যাসযোগযুক্তেন চেতসা নান্যগামিনা ।

পরমং পুরুষং দিব্যং যাতি পার্থানুচিন্তযন্

॥ 7 ॥

শ্লোক 9

কবিং পুরাণমনুশাসিতারমণোরণীযংসমনুস্মরেদ্যঃ।

সর্বস্য ধাতারমচিন্ত্যরূপমাদিত্যবর্ণং তমসঃ পরস্তাত্

॥ 8 ॥

শ্লোক 10

প্রযাণকালে মনসাচলেন ভক্ত্যা যুক্তো যোগবলেন চৈব।

ভ্রুবোর্মধ্যে প্রাণমাবেশ্য সম্যক্স তং পরং পুরুষমুপৈতি দিব্যম্

॥ 9 ॥

শ্লোক 11

যদক্ষরং বেদবিদো বদন্তি বিশন্তি যদ্যতযো বীতরাগাঃ।

যদিচ্ছন্তো ব্রহ্মচর্যং চরন্তি তত্তে পদং সঙ্গ্রহেণ প্রবক্ষ্যে

॥ 10 ॥

শ্লোক 12

সর্বদ্বারাণি সংযম্য মনো হৃদি নিরুধ্য চ ।

মূর্ধ্ন্যাধাযাত্মনঃ প্রাণমাস্থিতো যোগধারণাম্

॥ 11 ॥

শ্লোক 13

ওমিত্যেকাক্ষরং ব্রহ্ম ব্যাহরন্মামনুস্মরন্ ।

যঃ প্রযাতি ত্যজন্দেহং স যাতি পরমাং গতিম্

॥ 12 ॥

শ্লোক 14

অনন্যচেতাঃ সততং যো মাং স্মরতি নিত্যশঃ ।

তস্যাহং সুলভঃ পার্থ নিত্যযুক্তস্য যোগিনঃ

॥ 13 ॥

শ্লোক 15

মামুপেত্য পুনর্জন্ম দুঃখালযমশাশ্বতম্ ।

নাপ্নুবন্তি মহাত্মানঃ সংসিদ্ধিং পরমাং গতাঃ

॥ 14 ॥

শ্লোক 16

আব্রহ্মভুবনাল্লোকাঃ পুনরাবর্তিনোঽর্জুন ।

মামুপেত্য তু কৌন্তেয পুনর্জন্ম ন বিদ্যতে

॥ 15 ॥

শ্লোক 17

সহস্রযুগপর্যন্তমহর্যদ্ব্রহ্মণো বিদুঃ ।

রাত্রিং যুগসহস্রান্তাং তেঽহোরাত্রবিদো জনাঃ

॥ 16 ॥

শ্লোক 18

অব্যক্তাদ্ব্যক্তযঃ সর্বাঃ প্রভবন্ত্যহরাগমে ।

রাত্র্যাগমে প্রলীযন্তে তত্রৈবাব্যক্তসঞ্জ্ঞকে

॥ 17 ॥

শ্লোক 19

ভূতগ্রামঃ স এবাযং ভূত্বা ভূত্বা প্রলীযতে ।

রাত্র্যাগমেঽবশঃ পার্থ প্রভবত্যহরাগমে

॥ 18 ॥

শ্লোক 20

পরস্তস্মাত্তু ভাবোঽন্যোঽব্যক্তোঽব্যক্তাত্সনাতনঃ ।

যঃ স সর্বেষু ভূতেষু নশ্যত্সু ন বিনশ্যতি

॥ 19 ॥

শ্লোক 21

অব্যক্তোঽক্ষর ইত্যুক্তস্তমাহুঃ পরমাং গতিম্ ।

যং প্রাপ্য ন নিবর্তন্তে তদ্ধাম পরমং মম

॥ 20 ॥

শ্লোক 22

পুরুষঃ স পরঃ পার্থ ভক্ত্যা লভ্যস্ত্বনন্যযা ।

যস্যান্তঃস্থানি ভূতানি যেন সর্বমিদং ততম্

॥ 21 ॥

শ্লোক 23

যত্র কালে ত্বনাবৃত্তিমাবৃত্তিং চৈব যোগিনঃ ।

প্রযাতা যান্তি তং কালং বক্ষ্যামি ভরতর্ষভ

॥ 22 ॥

শ্লোক 24

অগ্নির্জোতিরহঃ শুক্লঃ ষণ্মাসা উত্তরাযণম্ ।

তত্র প্রযাতা গচ্ছন্তি ব্রহ্ম ব্রহ্মবিদো জনাঃ

॥ 23 ॥

শ্লোক 25

ধূমো রাত্রিস্তথা কৃষ্ণঃ ষণ্মাসা দক্ষিণাযনম্ ।

তত্র চান্দ্রমসং জ্যোতির্যোগী প্রাপ্য নিবর্ততে

॥ 24 ॥

শ্লোক 26

শুক্লকৃষ্ণে গতী হ্যেতে জগতঃ শাশ্বতে মতে ।

একযা যাত্যনাবৃত্তিমন্যযাবর্ততে পুনঃ

॥ 25 ॥

শ্লোক 27

নৈতে সৃতী পার্থ জানন্যোগী মুহ্যতি কশ্চন ।

তস্মাত্সর্বেষু কালেষু যোগযুক্তো ভবার্জুন

॥ 26 ॥

শ্লোক 28

বেদেষু যজ্ঞেষু তপঃসু চৈব দানেষু যত্পুণ্যফলং প্রদিষ্টম্।

অত্যেতি তত্সর্বমিদং বিদিত্বাযোগী পরং স্থানমুপৈতি চাদ্যম্

॥ 27 ॥

শ্লোক 29

ওঁ তত্সদিতি শ্রীমদ্ভগবদ্গীতাসূপনিষত্সু ব্রহ্মবিদ্যাযাং যোগশাস্ত্রে

শ্রীকৃষ্ণার্জুনসংবাদে অক্ষরব্রহ্মযোগো নামাষ্টমোঽধ্যাযঃ

॥ 28 ॥

শ্লোক 30