శ్రీమద్భగవద్గీతా మూలమ్ - పఞ్చదశోఽధ్యాయః

శ్రీమద్భగవద్గీతా మూలమ్ - పఞ్చదశోఽధ్యాయః

శ్లోక 1

ఓం శ్రీ పరమాత్మనే నమః

అథ పఞ్చదశోఽధ్యాయః ।

పురుషోత్తమప్రాప్తియోగః

శ్రీభగవానువాచ

ఊర్ధ్వమూలమధఃశాఖమశ్వత్థం ప్రాహురవ్యయమ్ ।

ఛన్దాంసి యస్య పర్ణాని యస్తం వేద స వేదవిత్

శ్లోక 2

అధశ్చోర్ధ్వం ప్రసృతాస్తస్య శాఖా గుణప్రవృద్ధా విషయప్రవాలాః।

అధశ్చ మూలాన్యనుసన్తతాని కర్మానుబన్ధీని మనుష్యలోకే

॥ 1 ॥

శ్లోక 3

న రూపమస్యేహ తథోపలభ్యతే నాన్తో న చాదిర్న చ సమ్ప్రతిష్ఠా।

అశ్వత్థమేనం సువిరూఢమూలమసఙ్గశస్త్రేణ దృఢేన ఛిత్త్వా

॥ 2 ॥

శ్లోక 4

తతః పదం తత్పరిమార్గితవ్యం యస్మిన్గతా న నివర్తన్తి భూయః।

తమేవ చాద్యం పురుషం ప్రపద్యే యతః ప్రవృత్తిః ప్రసృతా పురాణీ

॥ 3 ॥

శ్లోక 5

నిర్మానమోహా జితసఙ్గదోషా అధ్యాత్మనిత్యా వినివృత్తకామాః।

ద్వన్ద్వైర్విముక్తాః సుఖదుఃఖసఞ్జ్ఞైర్గచ్ఛన్త్యమూఢాః పదమవ్యయం తత్

॥ 4 ॥

శ్లోక 6

న తద్భాసయతే సూర్యో న శశాఙ్కో న పావకః ।

యద్గత్వా న నివర్తన్తే తద్ధామ పరమం మమ

॥ 5 ॥

శ్లోక 7

మమైవాంశో జీవలోకే జీవభూతః సనాతనః ।

మనఃషష్ఠానీన్ద్రియాణి ప్రకృతిస్థాని కర్షతి

॥ 6 ॥

శ్లోక 8

శరీరం యదవాప్నోతి యచ్చాప్యుత్క్రామతీశ్వరః ।

గృహీత్వైతాని సంయాతి వాయుర్గన్ధానివాశయాత్

॥ 7 ॥

శ్లోక 9

శ్రోత్రం చక్షుః స్పర్శనం చ రసనం ఘ్రాణమేవ చ ।

అధిష్ఠాయ మనశ్చాయం విషయానుపసేవతే

॥ 8 ॥

శ్లోక 10

ఉత్క్రామన్తం స్థితం వాపి భుఞ్జానం వా గుణాన్వితమ్ ।

విమూఢా నానుపశ్యన్తి పశ్యన్తి జ్ఞానచక్షుషః

॥ 9 ॥

శ్లోక 11

యతన్తో యోగినశ్చైనం పశ్యన్త్యాత్మన్యవస్థితమ్ ।

యతన్తోఽప్యకృతాత్మానో నైనం పశ్యన్త్యచేతసః

॥ 10 ॥

శ్లోక 12

యదాదిత్యగతం తేజో జగద్భాసయతేఽఖిలమ్ ।

యచ్చన్ద్రమసి యచ్చాగ్నౌ తత్తేజో విద్ధి మామకమ్

॥ 11 ॥

శ్లోక 13

గామావిశ్య చ భూతాని ధారయామ్యహమోజసా ।

పుష్ణామి చౌషధీః సర్వాః సోమో భూత్వా రసాత్మకః

॥ 12 ॥

శ్లోక 14

అహం వైశ్వానరో భూత్వా ప్రాణినాం దేహమాశ్రితః ।

ప్రాణాపానసమాయుక్తః పచామ్యన్నం చతుర్విధమ్

॥ 13 ॥

శ్లోక 15

సర్వస్య చాహం హృది సన్నివిష్టో మత్తః స్మృతిర్జ్ఞానమపోహనం చ।

వేదైశ్చ సర్వైరహమేవ వేద్యో వేదాన్తకృద్వేదవిదేవ చాహమ్

॥ 14 ॥

శ్లోక 16

ద్వావిమౌ పురుషౌ లోకే క్షరశ్చాక్షర ఏవ చ ।

క్షరః సర్వాణి భూతాని కూటస్థోఽక్షర ఉచ్యతే

॥ 15 ॥

శ్లోక 17

ఉత్తమః పురుషస్త్వన్యః పరమాత్మేత్యుధాహృతః ।

యో లోకత్రయమావిశ్య బిభర్త్యవ్యయ ఈశ్వరః

॥ 16 ॥

శ్లోక 18

యస్మాత్క్షరమతీతోఽహమక్షరాదపి చోత్తమః ।

అతోఽస్మి లోకే వేదే చ ప్రథితః పురుషోత్తమః

॥ 17 ॥

శ్లోక 19

యో మామేవమసమ్మూఢో జానాతి పురుషోత్తమమ్ ।

స సర్వవిద్భజతి మాం సర్వభావేన భారత

॥ 18 ॥

శ్లోక 20

ఇతి గుహ్యతమం శాస్త్రమిదముక్తం మయానఘ ।

ఏతద్బుద్ధ్వా బుద్ధిమాన్స్యాత్కృతకృత్యశ్చ భారత

॥ 19 ॥

శ్లోక 21

ఓం తత్సదితి శ్రీమద్భగవద్గీతాసూపనిషత్సు బ్రహ్మవిద్యాయాం యోగశాస్త్రే

శ్రీకృష్ణార్జునసంవాదే పురుషోత్తమయోగో నామ పఞ్చదశోఽధ్యాయః

॥ 20 ॥

శ్లోక 22