ശ്രീമദ്ഭഗവദ്ഗീതാ മൂലമ് - പഞ്ചദശോഽധ്യായഃ

ശ്രീമദ്ഭഗവദ്ഗീതാ മൂലമ് - പഞ്ചദശോഽധ്യായഃ

ശ്ലോക 1

ഓം ശ്രീ പരമാത്മനേ നമഃ

അഥ പഞ്ചദശോഽധ്യായഃ ।

പുരുഷോത്തമപ്രാപ്തിയോഗഃ

ശ്രീഭഗവാനുവാച

ഊര്ധ്വമൂലമധഃശാഖമശ്വത്ഥം പ്രാഹുരവ്യയമ് ।

ഛന്ദാംസി യസ്യ പര്ണാനി യസ്തം വേദ സ വേദവിത്

ശ്ലോക 2

അധശ്ചോര്ധ്വം പ്രസൃതാസ്തസ്യ ശാഖാ ഗുണപ്രവൃദ്ധാ വിഷയപ്രവാലാഃ।

അധശ്ച മൂലാന്യനുസന്തതാനി കര്മാനുബന്ധീനി മനുഷ്യലോകേ

॥ 1 ॥

ശ്ലോക 3

ന രൂപമസ്യേഹ തഥോപലഭ്യതേ നാന്തോ ന ചാദിര്ന ച സമ്പ്രതിഷ്ഠാ।

അശ്വത്ഥമേനം സുവിരൂഢമൂലമസങ്ഗശസ്ത്രേണ ദൃഢേന ഛിത്ത്വാ

॥ 2 ॥

ശ്ലോക 4

തതഃ പദം തത്പരിമാര്ഗിതവ്യം യസ്മിന്ഗതാ ന നിവര്തന്തി ഭൂയഃ।

തമേവ ചാദ്യം പുരുഷം പ്രപദ്യേ യതഃ പ്രവൃത്തിഃ പ്രസൃതാ പുരാണീ

॥ 3 ॥

ശ്ലോക 5

നിര്മാനമോഹാ ജിതസങ്ഗദോഷാ അധ്യാത്മനിത്യാ വിനിവൃത്തകാമാഃ।

ദ്വന്ദ്വൈര്വിമുക്താഃ സുഖദുഃഖസഞ്ജ്ഞൈര്ഗച്ഛന്ത്യമൂഢാഃ പദമവ്യയം തത്

॥ 4 ॥

ശ്ലോക 6

ന തദ്ഭാസയതേ സൂര്യോ ന ശശാങ്കോ ന പാവകഃ ।

യദ്ഗത്വാ ന നിവര്തന്തേ തദ്ധാമ പരമം മമ

॥ 5 ॥

ശ്ലോക 7

മമൈവാംശോ ജീവലോകേ ജീവഭൂതഃ സനാതനഃ ।

മനഃഷഷ്ഠാനീന്ദ്രിയാണി പ്രകൃതിസ്ഥാനി കര്ഷതി

॥ 6 ॥

ശ്ലോക 8

ശരീരം യദവാപ്നോതി യച്ചാപ്യുത്ക്രാമതീശ്വരഃ ।

ഗൃഹീത്വൈതാനി സംയാതി വായുര്ഗന്ധാനിവാശയാത്

॥ 7 ॥

ശ്ലോക 9

ശ്രോത്രം ചക്ഷുഃ സ്പര്ശനം ച രസനം ഘ്രാണമേവ ച ।

അധിഷ്ഠായ മനശ്ചായം വിഷയാനുപസേവതേ

॥ 8 ॥

ശ്ലോക 10

ഉത്ക്രാമന്തം സ്ഥിതം വാപി ഭുഞ്ജാനം വാ ഗുണാന്വിതമ് ।

വിമൂഢാ നാനുപശ്യന്തി പശ്യന്തി ജ്ഞാനചക്ഷുഷഃ

॥ 9 ॥

ശ്ലോക 11

യതന്തോ യോഗിനശ്ചൈനം പശ്യന്ത്യാത്മന്യവസ്ഥിതമ് ।

യതന്തോഽപ്യകൃതാത്മാനോ നൈനം പശ്യന്ത്യചേതസഃ

॥ 10 ॥

ശ്ലോക 12

യദാദിത്യഗതം തേജോ ജഗദ്ഭാസയതേഽഖിലമ് ।

യച്ചന്ദ്രമസി യച്ചാഗ്നൌ തത്തേജോ വിദ്ധി മാമകമ്

॥ 11 ॥

ശ്ലോക 13

ഗാമാവിശ്യ ച ഭൂതാനി ധാരയാമ്യഹമോജസാ ।

പുഷ്ണാമി ചൌഷധീഃ സര്വാഃ സോമോ ഭൂത്വാ രസാത്മകഃ

॥ 12 ॥

ശ്ലോക 14

അഹം വൈശ്വാനരോ ഭൂത്വാ പ്രാണിനാം ദേഹമാശ്രിതഃ ।

പ്രാണാപാനസമായുക്തഃ പചാമ്യന്നം ചതുര്വിധമ്

॥ 13 ॥

ശ്ലോക 15

സര്വസ്യ ചാഹം ഹൃദി സന്നിവിഷ്ടോ മത്തഃ സ്മൃതിര്ജ്ഞാനമപോഹനം ച।

വേദൈശ്ച സര്വൈരഹമേവ വേദ്യോ വേദാന്തകൃദ്വേദവിദേവ ചാഹമ്

॥ 14 ॥

ശ്ലോക 16

ദ്വാവിമൌ പുരുഷൌ ലോകേ ക്ഷരശ്ചാക്ഷര ഏവ ച ।

ക്ഷരഃ സര്വാണി ഭൂതാനി കൂടസ്ഥോഽക്ഷര ഉച്യതേ

॥ 15 ॥

ശ്ലോക 17

ഉത്തമഃ പുരുഷസ്ത്വന്യഃ പരമാത്മേത്യുധാഹൃതഃ ।

യോ ലോകത്രയമാവിശ്യ ബിഭര്ത്യവ്യയ ഈശ്വരഃ

॥ 16 ॥

ശ്ലോക 18

യസ്മാത്ക്ഷരമതീതോഽഹമക്ഷരാദപി ചോത്തമഃ ।

അതോഽസ്മി ലോകേ വേദേ ച പ്രഥിതഃ പുരുഷോത്തമഃ

॥ 17 ॥

ശ്ലോക 19

യോ മാമേവമസമ്മൂഢോ ജാനാതി പുരുഷോത്തമമ് ।

സ സര്വവിദ്ഭജതി മാം സര്വഭാവേന ഭാരത

॥ 18 ॥

ശ്ലോക 20

ഇതി ഗുഹ്യതമം ശാസ്ത്രമിദമുക്തം മയാനഘ ।

ഏതദ്ബുദ്ധ്വാ ബുദ്ധിമാന്സ്യാത്കൃതകൃത്യശ്ച ഭാരത

॥ 19 ॥

ശ്ലോക 21

ഓം തത്സദിതി ശ്രീമദ്ഭഗവദ്ഗീതാസൂപനിഷത്സു ബ്രഹ്മവിദ്യായാം യോഗശാസ്ത്രേ

ശ്രീകൃഷ്ണാര്ജുനസംവാദേ പുരുഷോത്തമയോഗോ നാമ പഞ്ചദശോഽധ്യായഃ

॥ 20 ॥

ശ്ലോക 22