শ্রীমদ্ভগবদ্গীতা মূলম্ - চতুর্দশোঽধ্যাযঃ

শ্রীমদ্ভগবদ্গীতা মূলম্ - চতুর্দশোঽধ্যাযঃ

শ্লোক 1

ওঁ শ্রী পরমাত্মনে নমঃ

অথ চতুর্দশোঽধ্যাযঃ ।

গুণত্রযবিভাগযোগঃ

শ্রীভগবানুবাচ

পরং ভূযঃ প্রবক্ষ্যামি জ্ঞানানাং জ্ঞানমুত্তমম্ ।

যজ্জ্ঞাত্বা মুনযঃ সর্বে পরাং সিদ্ধিমিতো গতাঃ

শ্লোক 2

ইদং জ্ঞানমুপাশ্রিত্য মম সাধর্ম্যমাগতাঃ ।

সর্গেঽপি নোপজাযন্তে প্রলযে ন ব্যথন্তি চ

॥ 1 ॥

শ্লোক 3

মম যোনির্মহদ্ব্রহ্ম তস্মিন্গর্ভং দধাম্যহম্ ।

সম্ভবঃ সর্বভূতানাং ততো ভবতি ভারত

॥ 2 ॥

শ্লোক 4

সর্বযোনিষু কৌন্তেয মূর্তযঃ সম্ভবন্তি যাঃ ।

তাসাং ব্রহ্ম মহদ্যোনিরহং বীজপ্রদঃ পিতা

॥ 3 ॥

শ্লোক 5

সত্ত্বং রজস্তম ইতি গুণাঃ প্রকৃতিসম্ভবাঃ ।

নিবধ্নন্তি মহাবাহো দেহে দেহিনমব্যযম্

॥ 4 ॥

শ্লোক 6

তত্র সত্ত্বং নির্মলত্বাত্প্রকাশকমনামযম্ ।

সুখসঙ্গেন বধ্নাতি জ্ঞানসঙ্গেন চানঘ

॥ 5 ॥

শ্লোক 7

রজো রাগাত্মকং বিদ্ধি তৃষ্ণাসঙ্গসমুদ্ভবম্ ।

তন্নিবধ্নাতি কৌন্তেয কর্মসঙ্গেন দেহিনম্

॥ 6 ॥

শ্লোক 8

তমস্ত্বজ্ঞানজং বিদ্ধি মোহনং সর্বদেহিনাম্ ।

প্রমাদালস্যনিদ্রাভিস্তন্নিবধ্নাতি ভারত

॥ 7 ॥

শ্লোক 9

সত্ত্বং সুখে সঞ্জযতি রজঃ কর্মণি ভারত ।

জ্ঞানমাবৃত্য তু তমঃ প্রমাদে সঞ্জযত্যুত

॥ 8 ॥

শ্লোক 10

রজস্তমশ্চাভিভূয সত্ত্বং ভবতি ভারত ।

রজঃ সত্ত্বং তমশ্চৈব তমঃ সত্ত্বং রজস্তথা

॥ 9 ॥

শ্লোক 11

সর্বদ্বারেষু দেহেঽস্মিন্প্রকাশ উপজাযতে ।

জ্ঞানং যদা তদা বিদ্যাদ্বিবৃদ্ধং সত্ত্বমিত্যুত

॥ 10 ॥

শ্লোক 12

লোভঃ প্রবৃত্তিরারম্ভঃ কর্মণামশমঃ স্পৃহা ।

রজস্যেতানি জাযন্তে বিবৃদ্ধে ভরতর্ষভ

॥ 11 ॥

শ্লোক 13

অপ্রকাশোঽপ্রবৃত্তিশ্চ প্রমাদো মোহ এব চ ।

তমস্যেতানি জাযন্তে বিবৃদ্ধে কুরুনন্দন

॥ 12 ॥

শ্লোক 14

যদা সত্ত্বে প্রবৃদ্ধে তু প্রলযং যাতি দেহভৃত্ ।

তদোত্তমবিদাং লোকানমলান্প্রতিপদ্যতে

॥ 13 ॥

শ্লোক 15

রজসি প্রলযং গত্বা কর্মসঙ্গিষু জাযতে ।

তথা প্রলীনস্তমসি মূঢযোনিষু জাযতে

॥ 14 ॥

শ্লোক 16

কর্মণঃ সুকৃতস্যাহুঃ সাত্ত্বিকং নির্মলং ফলম্ ।

রজসস্তু ফলং দুঃখমজ্ঞানং তমসঃ ফলম্

॥ 15 ॥

শ্লোক 17

সত্ত্বাত্সঞ্জাযতে জ্ঞানং রজসো লোভ এব চ ।

প্রমাদমোহৌ তমসো ভবতোঽজ্ঞানমেব চ

॥ 16 ॥

শ্লোক 18

ঊর্ধ্বং গচ্ছন্তি সত্ত্বস্থা মধ্যে তিষ্ঠন্তি রাজসাঃ ।

জঘন্যগুণবৃত্তিস্থা অধো গচ্ছন্তি তামসাঃ

॥ 17 ॥

শ্লোক 19

নান্যং গুণেভ্যঃ কর্তারং যদা দ্রষ্টানুপশ্যতি ।

গুণেভ্যশ্চ পরং বেত্তি মদ্ভাবং সোঽধিগচ্ছতি

॥ 18 ॥

শ্লোক 20

গুণানেতানতীত্য ত্রীন্দেহী দেহসমুদ্ভবান্ ।

জন্মমৃত্যুজরাদুঃখৈর্বিমুক্তোঽমৃতমশ্নুতে

॥ 19 ॥

শ্লোক 21

অর্জুন উবাচ

কৈর্লিঙ্গৈস্ত্রীন্গুণানেতানতীতো ভবতি প্রভো ।

কিমাচারঃ কথং চৈতাংস্ত্রীন্গুণানতিবর্ততে

॥ 20 ॥

শ্লোক 22

শ্রীভগবানুবাচ

প্রকাশং চ প্রবৃত্তিং চ মোহমেব চ পাণ্ডব ।

ত দ্বেষ্টি সম্প্রবৃত্তানি ন নিবৃত্তানি কাঙ্ক্ষতি

॥ 21 ॥

শ্লোক 23

উদাসীনবদাসীনো গুণৈর্যো ন বিচাল্যতে ।

গুণা বর্তন্ত ইত্যেব যোঽবতিষ্ঠতি নেঙ্গতে

॥ 22 ॥

শ্লোক 24

সমদুঃখসুখঃ স্বস্থঃ সমলোষ্টাশ্মকাঞ্চনঃ ।

তুল্যপ্রিযাপ্রিযো ধীরস্তুল্যনিন্দাত্মসংস্তুতিঃ

॥ 23 ॥

শ্লোক 25

মানাপমানযোস্তুল্যস্তুল্যো মিত্রারিপক্ষযোঃ ।

সর্বারম্ভপরিত্যাগী গুণাতীতঃ স উচ্যতে

॥ 24 ॥

শ্লোক 26

মাং চ যোঽব্যভিচারেণ ভক্তিযোগেন সেবতে ।

স গুণান্সমতীত্যৈতান্ব্রহ্মভূযায কল্পতে

॥ 25 ॥

শ্লোক 27

ব্রহ্মণো হি প্রতিষ্ঠাহমমৃতস্যাব্যযস্য চ ।

শাশ্বতস্য চ ধর্মস্য সুখস্যৈকান্তিকস্য চ

॥ 26 ॥

শ্লোক 28

ওঁ তত্সদিতি শ্রীমদ্ভগবদ্গীতাসূপনিষত্সু ব্রহ্মবিদ্যাযাং যোগশাস্ত্রে

শ্রীকৃষ্ণার্জুনসংবাদে গুণত্রযবিভাগযোগো নাম চতুর্দশোঽধ্যাযঃ ॥14 ।