శ్రీమద్భగవద్గీతా మూలమ్ - ద్వాదశోఽధ్యాయః

శ్రీమద్భగవద్గీతా మూలమ్ - ద్వాదశోఽధ్యాయః

శ్లోక 1

ఓం శ్రీ పరమాత్మనే నమః

అథ ద్వాదశోఽధ్యాయః ।

భక్తియోగః

అర్జున ఉవాచ

ఏవం సతతయుక్తా యే భక్తాస్త్వాం పర్యుపాసతే ।

యే చాప్యక్షరమవ్యక్తం తేషాం కే యోగవిత్తమాః

శ్లోక 2

శ్రీభగవానువాచ

మయ్యావేశ్య మనో యే మాం నిత్యయుక్తా ఉపాసతే ।

శ్రద్ధయా పరయోపేతాస్తే మే యుక్తతమా మతాః

॥ 1 ॥

శ్లోక 3

యే త్వక్షరమనిర్దేశ్యమవ్యక్తం పర్యుపాసతే ।

సర్వత్రగమచిన్త్యం చ కూటస్థమచలం ధ్రువమ్

॥ 2 ॥

శ్లోక 4

సన్నియమ్యేన్ద్రియగ్రామం సర్వత్ర సమబుద్ధయః ।

తే ప్రాప్నువన్తి మామేవ సర్వభూతహితే రతాః

॥ 3 ॥

శ్లోక 5

క్లేశోఽధికతరస్తేషామవ్యక్తాసక్తచేతసామ్ ।

అవ్యక్తా హి గతిర్దుఃఖం దేహవద్భిరవాప్యతే

॥ 4 ॥

శ్లోక 6

యే తు సర్వాణి కర్మాణి మయి సన్న్యస్య మత్పరాః ।

అనన్యేనైవ యోగేన మాం ధ్యాయన్త ఉపాసతే

॥ 5 ॥

శ్లోక 7

తేషామహం సముద్ధర్తా మృత్యుసంసారసాగరాత్ ।

భవామి న చిరాత్పార్థ మయ్యావేశితచేతసామ్

॥ 6 ॥

శ్లోక 8

మయ్యేవ మన ఆధత్స్వ మయి బుద్ధిం నివేశయ ।

నివసిష్యసి మయ్యేవ అత ఊర్ధ్వం న సంశయః

॥ 7 ॥

శ్లోక 9

అథ చిత్తం సమాధాతుం న శక్నోషి మయి స్థిరమ్ ।

అభ్యాసయోగేన తతో మామిచ్ఛాప్తుం ధనఞ్జయ

॥ 8 ॥

శ్లోక 10

అభ్యాసేఽప్యసమర్థోఽసి మత్కర్మపరమో భవ ।

మదర్థమపి కర్మాణి కుర్వన్సిద్ధిమవాప్స్యసి

॥ 9 ॥

శ్లోక 11

అథైతదప్యశక్తోఽసి కర్తుం మద్యోగమాశ్రితః ।

సర్వకర్మఫలత్యాగం తతః కురు యతాత్మవాన్

॥ 10 ॥

శ్లోక 12

శ్రేయో హి జ్ఞానమభ్యాసాజ్జ్ఞానాద్ధ్యానం విశిష్యతే ।

ధ్యానాత్కర్మఫలత్యాగస్త్యాగాచ్ఛాన్తిరనన్తరమ్

॥ 11 ॥

శ్లోక 13

అద్వేష్టా సర్వభూతానాం మైత్రః కరుణ ఏవ చ ।

నిర్మమో నిరహఙ్కారః సమదుఃఖసుఖః క్షమీ

॥ 12 ॥

శ్లోక 14

సన్తుష్టః సతతం యోగీ యతాత్మా దృఢనిశ్చయః ।

మయ్యర్పితమనోబుద్ధిర్యో మద్భక్తః స మే ప్రియః

॥ 13 ॥

శ్లోక 15

యస్మాన్నోద్విజతే లోకో లోకాన్నోద్విజతే చ యః ।

హర్షామర్షభయోద్వేగైర్ముక్తో యః స చ మే ప్రియః

॥ 14 ॥

శ్లోక 16

అనపేక్షః శుచిర్దక్ష ఉదాసీనో గతవ్యథః ।

సర్వారమ్భపరిత్యాగీ యో మద్భక్తః స మే ప్రియః

॥ 15 ॥

శ్లోక 17

యో న హృష్యతి న ద్వేష్టి న శోచతి న కాఙ్క్షతి ।

శుభాశుభపరిత్యాగీ భక్తిమాన్యః స మే ప్రియః

॥ 16 ॥

శ్లోక 18

సమః శత్రౌ చ మిత్రే చ తథా మానాపమానయోః ।

శీతోష్ణసుఖదుఃఖేషు సమః సఙ్గవివర్జితః

॥ 17 ॥

శ్లోక 19

తుల్యనిన్దాస్తుతిర్మౌనీ సన్తుష్టో యేన కేనచిత్ ।

అనికేతః స్థిరమతిర్భక్తిమాన్మే ప్రియో నరః

॥ 18 ॥

శ్లోక 20

యే తు ధర్మ్యామృతమిదం యథోక్తం పర్యుపాసతే ।

శ్రద్దధానా మత్పరమా భక్తాస్తేఽతీవ మే ప్రియాః

॥ 19 ॥

శ్లోక 21

ఓం తత్సదితి శ్రీమద్భగవద్గీతాసూపనిషత్సు బ్రహ్మవిద్యాయాం యోగశాస్త్రే

శ్రీకృష్ణార్జునసంవాదే భక్తియోగో నామ ద్వాదశోఽధ్యాయః

॥ 20 ॥

శ్లోక 22