ശ്രീമദ്ഭഗവദ്ഗീതാ മൂലമ് - ദ്വാദശോഽധ്യായഃ

ശ്രീമദ്ഭഗവദ്ഗീതാ മൂലമ് - ദ്വാദശോഽധ്യായഃ

ശ്ലോക 1

ഓം ശ്രീ പരമാത്മനേ നമഃ

അഥ ദ്വാദശോഽധ്യായഃ ।

ഭക്തിയോഗഃ

അര്ജുന ഉവാച

ഏവം സതതയുക്താ യേ ഭക്താസ്ത്വാം പര്യുപാസതേ ।

യേ ചാപ്യക്ഷരമവ്യക്തം തേഷാം കേ യോഗവിത്തമാഃ

ശ്ലോക 2

ശ്രീഭഗവാനുവാച

മയ്യാവേശ്യ മനോ യേ മാം നിത്യയുക്താ ഉപാസതേ ।

ശ്രദ്ധയാ പരയോപേതാസ്തേ മേ യുക്തതമാ മതാഃ

॥ 1 ॥

ശ്ലോക 3

യേ ത്വക്ഷരമനിര്ദേശ്യമവ്യക്തം പര്യുപാസതേ ।

സര്വത്രഗമചിന്ത്യം ച കൂടസ്ഥമചലം ധ്രുവമ്

॥ 2 ॥

ശ്ലോക 4

സന്നിയമ്യേന്ദ്രിയഗ്രാമം സര്വത്ര സമബുദ്ധയഃ ।

തേ പ്രാപ്നുവന്തി മാമേവ സര്വഭൂതഹിതേ രതാഃ

॥ 3 ॥

ശ്ലോക 5

ക്ലേശോഽധികതരസ്തേഷാമവ്യക്താസക്തചേതസാമ് ।

അവ്യക്താ ഹി ഗതിര്ദുഃഖം ദേഹവദ്ഭിരവാപ്യതേ

॥ 4 ॥

ശ്ലോക 6

യേ തു സര്വാണി കര്മാണി മയി സന്ന്യസ്യ മത്പരാഃ ।

അനന്യേനൈവ യോഗേന മാം ധ്യായന്ത ഉപാസതേ

॥ 5 ॥

ശ്ലോക 7

തേഷാമഹം സമുദ്ധര്താ മൃത്യുസംസാരസാഗരാത് ।

ഭവാമി ന ചിരാത്പാര്ഥ മയ്യാവേശിതചേതസാമ്

॥ 6 ॥

ശ്ലോക 8

മയ്യേവ മന ആധത്സ്വ മയി ബുദ്ധിം നിവേശയ ।

നിവസിഷ്യസി മയ്യേവ അത ഊര്ധ്വം ന സംശയഃ

॥ 7 ॥

ശ്ലോക 9

അഥ ചിത്തം സമാധാതും ന ശക്നോഷി മയി സ്ഥിരമ് ।

അഭ്യാസയോഗേന തതോ മാമിച്ഛാപ്തും ധനഞ്ജയ

॥ 8 ॥

ശ്ലോക 10

അഭ്യാസേഽപ്യസമര്ഥോഽസി മത്കര്മപരമോ ഭവ ।

മദര്ഥമപി കര്മാണി കുര്വന്സിദ്ധിമവാപ്സ്യസി

॥ 9 ॥

ശ്ലോക 11

അഥൈതദപ്യശക്തോഽസി കര്തും മദ്യോഗമാശ്രിതഃ ।

സര്വകര്മഫലത്യാഗം തതഃ കുരു യതാത്മവാന്

॥ 10 ॥

ശ്ലോക 12

ശ്രേയോ ഹി ജ്ഞാനമഭ്യാസാജ്ജ്ഞാനാദ്ധ്യാനം വിശിഷ്യതേ ।

ധ്യാനാത്കര്മഫലത്യാഗസ്ത്യാഗാച്ഛാന്തിരനന്തരമ്

॥ 11 ॥

ശ്ലോക 13

അദ്വേഷ്ടാ സര്വഭൂതാനാം മൈത്രഃ കരുണ ഏവ ച ।

നിര്മമോ നിരഹങ്കാരഃ സമദുഃഖസുഖഃ ക്ഷമീ

॥ 12 ॥

ശ്ലോക 14

സന്തുഷ്ടഃ സതതം യോഗീ യതാത്മാ ദൃഢനിശ്ചയഃ ।

മയ്യര്പിതമനോബുദ്ധിര്യോ മദ്ഭക്തഃ സ മേ പ്രിയഃ

॥ 13 ॥

ശ്ലോക 15

യസ്മാന്നോദ്വിജതേ ലോകോ ലോകാന്നോദ്വിജതേ ച യഃ ।

ഹര്ഷാമര്ഷഭയോദ്വേഗൈര്മുക്തോ യഃ സ ച മേ പ്രിയഃ

॥ 14 ॥

ശ്ലോക 16

അനപേക്ഷഃ ശുചിര്ദക്ഷ ഉദാസീനോ ഗതവ്യഥഃ ।

സര്വാരമ്ഭപരിത്യാഗീ യോ മദ്ഭക്തഃ സ മേ പ്രിയഃ

॥ 15 ॥

ശ്ലോക 17

യോ ന ഹൃഷ്യതി ന ദ്വേഷ്ടി ന ശോചതി ന കാങ്ക്ഷതി ।

ശുഭാശുഭപരിത്യാഗീ ഭക്തിമാന്യഃ സ മേ പ്രിയഃ

॥ 16 ॥

ശ്ലോക 18

സമഃ ശത്രൌ ച മിത്രേ ച തഥാ മാനാപമാനയോഃ ।

ശീതോഷ്ണസുഖദുഃഖേഷു സമഃ സങ്ഗവിവര്ജിതഃ

॥ 17 ॥

ശ്ലോക 19

തുല്യനിന്ദാസ്തുതിര്മൌനീ സന്തുഷ്ടോ യേന കേനചിത് ।

അനികേതഃ സ്ഥിരമതിര്ഭക്തിമാന്മേ പ്രിയോ നരഃ

॥ 18 ॥

ശ്ലോക 20

യേ തു ധര്മ്യാമൃതമിദം യഥോക്തം പര്യുപാസതേ ।

ശ്രദ്ദധാനാ മത്പരമാ ഭക്താസ്തേഽതീവ മേ പ്രിയാഃ

॥ 19 ॥

ശ്ലോക 21

ഓം തത്സദിതി ശ്രീമദ്ഭഗവദ്ഗീതാസൂപനിഷത്സു ബ്രഹ്മവിദ്യായാം യോഗശാസ്ത്രേ

ശ്രീകൃഷ്ണാര്ജുനസംവാദേ ഭക്തിയോഗോ നാമ ദ്വാദശോഽധ്യായഃ

॥ 20 ॥

ശ്ലോക 22