శ్రీ వేఙ్కటేశ్వర సుప్రభాతమ్

శ్రీ వేఙ్కటేశ్వర సుప్రభాతమ్

శ్లోక 1

కౌసల్యా సుప్రజా రామ పూర్వాసన్ధ్యా ప్రవర్తతే ।

ఉత్తిష్ఠ నరశార్దూల కర్తవ్యం దైవమాహ్నికమ్

శ్లోక 2

ఉత్తిష్ఠోత్తిష్ఠ గోవిన్ద ఉత్తిష్ఠ గరుడధ్వజ ।

ఉత్తిష్ఠ కమలాకాన్త త్రైలోక్యం మఙ్గలం కురు

॥ 1 ॥

శ్లోక 3

మాతస్సమస్త జగతాం మధుకైటభారేః

వక్షోవిహారిణి మనోహర దివ్యమూర్తే ।

శ్రీస్వామిని శ్రితజనప్రియ దానశీలే

శ్రీ వేఙ్కటేశ దయితే తవ సుప్రభాతమ్

॥ 2 ॥

శ్లోక 4

తవ సుప్రభాతమరవిన్ద లోచనే

భవతు ప్రసన్నముఖ చన్ద్రమణ్డలే ।

విధి శఙ్కరేన్ద్ర వనితాభిరర్చితే

వృశ శైలనాథ దయితే దయానిధే

॥ 3 ॥

శ్లోక 5

అత్ర్యాది సప్త ఋషయస్సముపాస్య సన్ధ్యాం

ఆకాశ సిన్ధు కమలాని మనోహరాణి ।

ఆదాయ పాదయుగ మర్చయితుం ప్రపన్నాః

శేషాద్రి శేఖర విభో తవ సుప్రభాతమ్

॥ 4 ॥

శ్లోక 6

పఞ్చాననాబ్జ భవ షణ్ముఖ వాసవాద్యాః

త్రైవిక్రమాది చరితం విబుధాః స్తువన్తి ।

భాషాపతిః పఠతి వాసర శుద్ధి మారాత్

శేషాద్రి శేఖర విభో తవ సుప్రభాతమ్

॥ 5 ॥

శ్లోక 7

ఈశత్-ప్రఫుల్ల సరసీరుహ నారికేల

పూగద్రుమాది సుమనోహర పాలికానామ్ ।

ఆవాతి మన్దమనిలః సహదివ్య గన్ధైః

శేషాద్రి శేఖర విభో తవ సుప్రభాతమ్

॥ 6 ॥

శ్లోక 8

ఉన్మీల్యనేత్ర యుగముత్తమ పఞ్జరస్థాః

పాత్రావసిష్ట కదలీ ఫల పాయసాని ।

భుక్త్వాః సలీల మథకేలి శుకాః పఠన్తి

శేషాద్రి శేఖర విభో తవ సుప్రభాతమ్

॥ 7 ॥

శ్లోక 9

తన్త్రీ ప్రకర్ష మధుర స్వనయా విపఞ్చ్యా

గాయత్యనన్త చరితం తవ నారదోఽపి ।

భాషా సమగ్ర మసత్-కృతచారు రమ్యం

శేషాద్రి శేఖర విభో తవ సుప్రభాతమ్

॥ 8 ॥

శ్లోక 10

భృఙ్గావలీ చ మకరన్ద రసాను విద్ధ

ఝుఙ్కారగీత నినదైః సహసేవనాయ ।

నిర్యాత్యుపాన్త సరసీ కమలోదరేభ్యః

శేషాద్రి శేఖర విభో తవ సుప్రభాతమ్

॥ 9 ॥

శ్లోక 11

యోషాగణేన వరదధ్ని విమథ్యమానే

ఘోషాలయేషు దధిమన్థన తీవ్రఘోషాః ।

రోషాత్కలిం విదధతే కకుభశ్చ కుమ్భాః

శేషాద్రి శేఖర విభో తవ సుప్రభాతమ్

॥ 10 ॥

శ్లోక 12

పద్మేశమిత్ర శతపత్ర గతాలివర్గాః

హర్తుం శ్రియం కువలయస్య నిజాఙ్గలక్ష్మ్యాః ।

భేరీ నినాదమివ భిభ్రతి తీవ్రనాదమ్

శేషాద్రి శేఖర విభో తవ సుప్రభాతమ్

॥ 11 ॥

శ్లోక 13

శ్రీమన్నభీష్ట వరదాఖిల లోక బన్ధో

శ్రీ శ్రీనివాస జగదేక దయైక సిన్ధో ।

శ్రీ దేవతా గృహ భుజాన్తర దివ్యమూర్తే

శ్రీ వేఙ్కటాచలపతే తవ సుప్రభాతమ్

॥ 12 ॥

శ్లోక 14

శ్రీ స్వామి పుష్కరిణికాప్లవ నిర్మలాఙ్గాః

శ్రేయార్థినో హరవిరిఞ్చి సనన్దనాద్యాః ।

ద్వారే వసన్తి వరనేత్ర హతోత్త మాఙ్గాః

శ్రీ వేఙ్కటాచలపతే తవ సుప్రభాతమ్

॥ 13 ॥

శ్లోక 15

శ్రీ శేషశైల గరుడాచల వేఙ్కటాద్రి

నారాయణాద్రి వృషభాద్రి వృషాద్రి ముఖ్యామ్ ।

ఆఖ్యాం త్వదీయ వసతే రనిశం వదన్తి

శ్రీ వేఙ్కటాచలపతే తవ సుప్రభాతమ్

॥ 14 ॥

శ్లోక 16

సేవాపరాః శివ సురేశ కృశానుధర్మ

రక్షోమ్బునాథ పవమాన ధనాధి నాథాః ।

బద్ధాఞ్జలి ప్రవిలసన్నిజ శీర్షదేశాః

శ్రీ వేఙ్కటాచలపతే తవ సుప్రభాతమ్

॥ 15 ॥

శ్లోక 17

ధాటీషు తే విహగరాజ మృగాధిరాజ

నాగాధిరాజ గజరాజ హయాధిరాజాః ।

స్వస్వాధికార మహిమాధిక మర్థయన్తే

శ్రీ వేఙ్కటాచలపతే తవ సుప్రభాతమ్

॥ 16 ॥

శ్లోక 18

సూర్యేన్దు భౌమ బుధవాక్పతి కావ్యశౌరి

స్వర్భానుకేతు దివిశత్-పరిశత్-ప్రధానాః ।

త్వద్దాసదాస చరమావధి దాసదాసాః

శ్రీ వేఙ్కటాచలపతే తవ సుప్రభాతమ్

॥ 17 ॥

శ్లోక 19

తత్-పాదధూలి భరిత స్ఫురితోత్తమాఙ్గాః

స్వర్గాపవర్గ నిరపేక్ష నిజాన్తరఙ్గాః ।

కల్పాగమా కలనయాఽఽకులతాం లభన్తే

శ్రీ వేఙ్కటాచలపతే తవ సుప్రభాతమ్

॥ 18 ॥

శ్లోక 20

త్వద్గోపురాగ్ర శిఖరాణి నిరీక్షమాణాః

స్వర్గాపవర్గ పదవీం పరమాం శ్రయన్తః ।

మర్త్యా మనుష్య భువనే మతిమాశ్రయన్తే

శ్రీ వేఙ్కటాచలపతే తవ సుప్రభాతమ్

॥ 19 ॥

శ్లోక 21

శ్రీ భూమినాయక దయాది గుణామృతాబ్దే

దేవాదిదేవ జగదేక శరణ్యమూర్తే ।

శ్రీమన్ననన్త గరుడాదిభి రర్చితాఙ్ఘ్రే

శ్రీ వేఙ్కటాచలపతే తవ సుప్రభాతమ్

॥ 20 ॥

శ్లోక 22

శ్రీ పద్మనాభ పురుషోత్తమ వాసుదేవ

వైకుణ్ఠ మాధవ జనార్దన చక్రపాణే ।

శ్రీ వత్స చిహ్న శరణాగత పారిజాత

శ్రీ వేఙ్కటాచలపతే తవ సుప్రభాతమ్

॥ 21 ॥

శ్లోక 23

కన్దర్ప దర్ప హర సున్దర దివ్య మూర్తే

కాన్తా కుచామ్బురుహ కుట్మల లోలదృష్టే ।

కల్యాణ నిర్మల గుణాకర దివ్యకీర్తే

శ్రీ వేఙ్కటాచలపతే తవ సుప్రభాతమ్

॥ 22 ॥

శ్లోక 24

మీనాకృతే కమఠకోల నృసింహ వర్ణిన్

స్వామిన్ పరశ్వథ తపోధన రామచన్ద్ర ।

శేషాంశరామ యదునన్దన కల్కిరూప

శ్రీ వేఙ్కటాచలపతే తవ సుప్రభాతమ్

॥ 23 ॥

శ్లోక 25

ఏలాలవఙ్గ ఘనసార సుగన్ధి తీర్థం

దివ్యం వియత్సరితి హేమఘటేషు పూర్ణమ్ ।

ధృత్వాద్య వైదిక శిఖామణయః ప్రహృష్టాః

తిష్ఠన్తి వేఙ్కటపతే తవ సుప్రభాతమ్

॥ 24 ॥

శ్లోక 26

భాస్వానుదేతి వికచాని సరోరుహాణి

సమ్పూరయన్తి నినదైః కకుభో విహఙ్గాః ।

శ్రీవైష్ణవాః సతత మర్థిత మఙ్గలాస్తే

ధామాశ్రయన్తి తవ వేఙ్కట సుప్రభాతమ్

॥ 25 ॥

శ్లోక 27

బ్రహ్మాదయ-స్సురవరా-స్సమహర్షయస్తే

సన్తస్సనన్దన-ముఖాస్త్వథ యోగివర్యాః ।

ధామాన్తికే తవ హి మఙ్గలవస్తుహస్తాః

శ్రీ వేఙ్కటాచలపతే తవ సుప్రభాతమ్

॥ 26 ॥

శ్లోక 28

లక్శ్మీనివాస నిరవద్య గుణైక సిన్ధో

సంసారసాగర సముత్తరణైక సేతో ।

వేదాన్త వేద్య నిజవైభవ భక్త భోగ్య

శ్రీ వేఙ్కటాచలపతే తవ సుప్రభాతమ్

॥ 27 ॥

శ్లోక 29

ఇత్థం వృషాచలపతేరిహ సుప్రభాతం

యే మానవాః ప్రతిదినం పఠితుం ప్రవృత్తాః ।

తేషాం ప్రభాత సమయే స్మృతిరఙ్గభాజాం

ప్రజ్ఞాం పరార్థ సులభాం పరమాం ప్రసూతే

॥ 28 ॥

శ్లోక 30