ശ്രീ വേങ്കടേശ്വര സുപ്രഭാതമ്

ശ്രീ വേങ്കടേശ്വര സുപ്രഭാതമ്

ശ്ലോക 1

കൌസല്യാ സുപ്രജാ രാമ പൂര്വാസന്ധ്യാ പ്രവര്തതേ ।

ഉത്തിഷ്ഠ നരശാര്ദൂല കര്തവ്യം ദൈവമാഹ്നികമ്

ശ്ലോക 2

ഉത്തിഷ്ഠോത്തിഷ്ഠ ഗോവിന്ദ ഉത്തിഷ്ഠ ഗരുഡധ്വജ ।

ഉത്തിഷ്ഠ കമലാകാന്ത ത്രൈലോക്യം മങ്ഗലം കുരു

॥ 1 ॥

ശ്ലോക 3

മാതസ്സമസ്ത ജഗതാം മധുകൈടഭാരേഃ

വക്ഷോവിഹാരിണി മനോഹര ദിവ്യമൂര്തേ ।

ശ്രീസ്വാമിനി ശ്രിതജനപ്രിയ ദാനശീലേ

ശ്രീ വേങ്കടേശ ദയിതേ തവ സുപ്രഭാതമ്

॥ 2 ॥

ശ്ലോക 4

തവ സുപ്രഭാതമരവിന്ദ ലോചനേ

ഭവതു പ്രസന്നമുഖ ചന്ദ്രമണ്ഡലേ ।

വിധി ശങ്കരേന്ദ്ര വനിതാഭിരര്ചിതേ

വൃശ ശൈലനാഥ ദയിതേ ദയാനിധേ

॥ 3 ॥

ശ്ലോക 5

അത്ര്യാദി സപ്ത ഋഷയസ്സമുപാസ്യ സന്ധ്യാം

ആകാശ സിന്ധു കമലാനി മനോഹരാണി ।

ആദായ പാദയുഗ മര്ചയിതും പ്രപന്നാഃ

ശേഷാദ്രി ശേഖര വിഭോ തവ സുപ്രഭാതമ്

॥ 4 ॥

ശ്ലോക 6

പഞ്ചാനനാബ്ജ ഭവ ഷണ്മുഖ വാസവാദ്യാഃ

ത്രൈവിക്രമാദി ചരിതം വിബുധാഃ സ്തുവന്തി ।

ഭാഷാപതിഃ പഠതി വാസര ശുദ്ധി മാരാത്

ശേഷാദ്രി ശേഖര വിഭോ തവ സുപ്രഭാതമ്

॥ 5 ॥

ശ്ലോക 7

ഈശത്-പ്രഫുല്ല സരസീരുഹ നാരികേല

പൂഗദ്രുമാദി സുമനോഹര പാലികാനാമ് ।

ആവാതി മന്ദമനിലഃ സഹദിവ്യ ഗന്ധൈഃ

ശേഷാദ്രി ശേഖര വിഭോ തവ സുപ്രഭാതമ്

॥ 6 ॥

ശ്ലോക 8

ഉന്മീല്യനേത്ര യുഗമുത്തമ പഞ്ജരസ്ഥാഃ

പാത്രാവസിഷ്ട കദലീ ഫല പായസാനി ।

ഭുക്ത്വാഃ സലീല മഥകേലി ശുകാഃ പഠന്തി

ശേഷാദ്രി ശേഖര വിഭോ തവ സുപ്രഭാതമ്

॥ 7 ॥

ശ്ലോക 9

തന്ത്രീ പ്രകര്ഷ മധുര സ്വനയാ വിപഞ്ച്യാ

ഗായത്യനന്ത ചരിതം തവ നാരദോഽപി ।

ഭാഷാ സമഗ്ര മസത്-കൃതചാരു രമ്യം

ശേഷാദ്രി ശേഖര വിഭോ തവ സുപ്രഭാതമ്

॥ 8 ॥

ശ്ലോക 10

ഭൃങ്ഗാവലീ ച മകരന്ദ രസാനു വിദ്ധ

ഝുങ്കാരഗീത നിനദൈഃ സഹസേവനായ ।

നിര്യാത്യുപാന്ത സരസീ കമലോദരേഭ്യഃ

ശേഷാദ്രി ശേഖര വിഭോ തവ സുപ്രഭാതമ്

॥ 9 ॥

ശ്ലോക 11

യോഷാഗണേന വരദധ്നി വിമഥ്യമാനേ

ഘോഷാലയേഷു ദധിമന്ഥന തീവ്രഘോഷാഃ ।

രോഷാത്കലിം വിദധതേ കകുഭശ്ച കുമ്ഭാഃ

ശേഷാദ്രി ശേഖര വിഭോ തവ സുപ്രഭാതമ്

॥ 10 ॥

ശ്ലോക 12

പദ്മേശമിത്ര ശതപത്ര ഗതാലിവര്ഗാഃ

ഹര്തും ശ്രിയം കുവലയസ്യ നിജാങ്ഗലക്ഷ്മ്യാഃ ।

ഭേരീ നിനാദമിവ ഭിഭ്രതി തീവ്രനാദമ്

ശേഷാദ്രി ശേഖര വിഭോ തവ സുപ്രഭാതമ്

॥ 11 ॥

ശ്ലോക 13

ശ്രീമന്നഭീഷ്ട വരദാഖില ലോക ബന്ധോ

ശ്രീ ശ്രീനിവാസ ജഗദേക ദയൈക സിന്ധോ ।

ശ്രീ ദേവതാ ഗൃഹ ഭുജാന്തര ദിവ്യമൂര്തേ

ശ്രീ വേങ്കടാചലപതേ തവ സുപ്രഭാതമ്

॥ 12 ॥

ശ്ലോക 14

ശ്രീ സ്വാമി പുഷ്കരിണികാപ്ലവ നിര്മലാങ്ഗാഃ

ശ്രേയാര്ഥിനോ ഹരവിരിഞ്ചി സനന്ദനാദ്യാഃ ।

ദ്വാരേ വസന്തി വരനേത്ര ഹതോത്ത മാങ്ഗാഃ

ശ്രീ വേങ്കടാചലപതേ തവ സുപ്രഭാതമ്

॥ 13 ॥

ശ്ലോക 15

ശ്രീ ശേഷശൈല ഗരുഡാചല വേങ്കടാദ്രി

നാരായണാദ്രി വൃഷഭാദ്രി വൃഷാദ്രി മുഖ്യാമ് ।

ആഖ്യാം ത്വദീയ വസതേ രനിശം വദന്തി

ശ്രീ വേങ്കടാചലപതേ തവ സുപ്രഭാതമ്

॥ 14 ॥

ശ്ലോക 16

സേവാപരാഃ ശിവ സുരേശ കൃശാനുധര്മ

രക്ഷോമ്ബുനാഥ പവമാന ധനാധി നാഥാഃ ।

ബദ്ധാഞ്ജലി പ്രവിലസന്നിജ ശീര്ഷദേശാഃ

ശ്രീ വേങ്കടാചലപതേ തവ സുപ്രഭാതമ്

॥ 15 ॥

ശ്ലോക 17

ധാടീഷു തേ വിഹഗരാജ മൃഗാധിരാജ

നാഗാധിരാജ ഗജരാജ ഹയാധിരാജാഃ ।

സ്വസ്വാധികാര മഹിമാധിക മര്ഥയന്തേ

ശ്രീ വേങ്കടാചലപതേ തവ സുപ്രഭാതമ്

॥ 16 ॥

ശ്ലോക 18

സൂര്യേന്ദു ഭൌമ ബുധവാക്പതി കാവ്യശൌരി

സ്വര്ഭാനുകേതു ദിവിശത്-പരിശത്-പ്രധാനാഃ ।

ത്വദ്ദാസദാസ ചരമാവധി ദാസദാസാഃ

ശ്രീ വേങ്കടാചലപതേ തവ സുപ്രഭാതമ്

॥ 17 ॥

ശ്ലോക 19

തത്-പാദധൂലി ഭരിത സ്ഫുരിതോത്തമാങ്ഗാഃ

സ്വര്ഗാപവര്ഗ നിരപേക്ഷ നിജാന്തരങ്ഗാഃ ।

കല്പാഗമാ കലനയാഽഽകുലതാം ലഭന്തേ

ശ്രീ വേങ്കടാചലപതേ തവ സുപ്രഭാതമ്

॥ 18 ॥

ശ്ലോക 20

ത്വദ്ഗോപുരാഗ്ര ശിഖരാണി നിരീക്ഷമാണാഃ

സ്വര്ഗാപവര്ഗ പദവീം പരമാം ശ്രയന്തഃ ।

മര്ത്യാ മനുഷ്യ ഭുവനേ മതിമാശ്രയന്തേ

ശ്രീ വേങ്കടാചലപതേ തവ സുപ്രഭാതമ്

॥ 19 ॥

ശ്ലോക 21

ശ്രീ ഭൂമിനായക ദയാദി ഗുണാമൃതാബ്ദേ

ദേവാദിദേവ ജഗദേക ശരണ്യമൂര്തേ ।

ശ്രീമന്നനന്ത ഗരുഡാദിഭി രര്ചിതാങ്ഘ്രേ

ശ്രീ വേങ്കടാചലപതേ തവ സുപ്രഭാതമ്

॥ 20 ॥

ശ്ലോക 22

ശ്രീ പദ്മനാഭ പുരുഷോത്തമ വാസുദേവ

വൈകുണ്ഠ മാധവ ജനാര്ദന ചക്രപാണേ ।

ശ്രീ വത്സ ചിഹ്ന ശരണാഗത പാരിജാത

ശ്രീ വേങ്കടാചലപതേ തവ സുപ്രഭാതമ്

॥ 21 ॥

ശ്ലോക 23

കന്ദര്പ ദര്പ ഹര സുന്ദര ദിവ്യ മൂര്തേ

കാന്താ കുചാമ്ബുരുഹ കുട്മല ലോലദൃഷ്ടേ ।

കല്യാണ നിര്മല ഗുണാകര ദിവ്യകീര്തേ

ശ്രീ വേങ്കടാചലപതേ തവ സുപ്രഭാതമ്

॥ 22 ॥

ശ്ലോക 24

മീനാകൃതേ കമഠകോല നൃസിംഹ വര്ണിന്

സ്വാമിന് പരശ്വഥ തപോധന രാമചന്ദ്ര ।

ശേഷാംശരാമ യദുനന്ദന കല്കിരൂപ

ശ്രീ വേങ്കടാചലപതേ തവ സുപ്രഭാതമ്

॥ 23 ॥

ശ്ലോക 25

ഏലാലവങ്ഗ ഘനസാര സുഗന്ധി തീര്ഥം

ദിവ്യം വിയത്സരിതി ഹേമഘടേഷു പൂര്ണമ് ।

ധൃത്വാദ്യ വൈദിക ശിഖാമണയഃ പ്രഹൃഷ്ടാഃ

തിഷ്ഠന്തി വേങ്കടപതേ തവ സുപ്രഭാതമ്

॥ 24 ॥

ശ്ലോക 26

ഭാസ്വാനുദേതി വികചാനി സരോരുഹാണി

സമ്പൂരയന്തി നിനദൈഃ കകുഭോ വിഹങ്ഗാഃ ।

ശ്രീവൈഷ്ണവാഃ സതത മര്ഥിത മങ്ഗലാസ്തേ

ധാമാശ്രയന്തി തവ വേങ്കട സുപ്രഭാതമ്

॥ 25 ॥

ശ്ലോക 27

ബ്രഹ്മാദയ-സ്സുരവരാ-സ്സമഹര്ഷയസ്തേ

സന്തസ്സനന്ദന-മുഖാസ്ത്വഥ യോഗിവര്യാഃ ।

ധാമാന്തികേ തവ ഹി മങ്ഗലവസ്തുഹസ്താഃ

ശ്രീ വേങ്കടാചലപതേ തവ സുപ്രഭാതമ്

॥ 26 ॥

ശ്ലോക 28

ലക്ശ്മീനിവാസ നിരവദ്യ ഗുണൈക സിന്ധോ

സംസാരസാഗര സമുത്തരണൈക സേതോ ।

വേദാന്ത വേദ്യ നിജവൈഭവ ഭക്ത ഭോഗ്യ

ശ്രീ വേങ്കടാചലപതേ തവ സുപ്രഭാതമ്

॥ 27 ॥

ശ്ലോക 29

ഇത്ഥം വൃഷാചലപതേരിഹ സുപ്രഭാതം

യേ മാനവാഃ പ്രതിദിനം പഠിതും പ്രവൃത്താഃ ।

തേഷാം പ്രഭാത സമയേ സ്മൃതിരങ്ഗഭാജാം

പ്രജ്ഞാം പരാര്ഥ സുലഭാം പരമാം പ്രസൂതേ

॥ 28 ॥

ശ്ലോക 30