ಶ್ರೀ ವೇಙ್ಕಟೇಶ್ವರ ಸುಪ್ರಭಾತಮ್

ಶ್ರೀ ವೇಙ್ಕಟೇಶ್ವರ ಸುಪ್ರಭಾತಮ್

ಶ್ಲೋಕ 1

ಕೌಸಲ್ಯಾ ಸುಪ್ರಜಾ ರಾಮ ಪೂರ್ವಾಸನ್ಧ್ಯಾ ಪ್ರವರ್ತತೇ ।

ಉತ್ತಿಷ್ಠ ನರಶಾರ್ದೂಲ ಕರ್ತವ್ಯಂ ದೈವಮಾಹ್ನಿಕಮ್

ಶ್ಲೋಕ 2

ಉತ್ತಿಷ್ಠೋತ್ತಿಷ್ಠ ಗೋವಿನ್ದ ಉತ್ತಿಷ್ಠ ಗರುಡಧ್ವಜ ।

ಉತ್ತಿಷ್ಠ ಕಮಲಾಕಾನ್ತ ತ್ರೈಲೋಕ್ಯಂ ಮಙ್ಗಲಂ ಕುರು

॥ 1 ॥

ಶ್ಲೋಕ 3

ಮಾತಸ್ಸಮಸ್ತ ಜಗತಾಂ ಮಧುಕೈಟಭಾರೇಃ

ವಕ್ಷೋವಿಹಾರಿಣಿ ಮನೋಹರ ದಿವ್ಯಮೂರ್ತೇ ।

ಶ್ರೀಸ್ವಾಮಿನಿ ಶ್ರಿತಜನಪ್ರಿಯ ದಾನಶೀಲೇ

ಶ್ರೀ ವೇಙ್ಕಟೇಶ ದಯಿತೇ ತವ ಸುಪ್ರಭಾತಮ್

॥ 2 ॥

ಶ್ಲೋಕ 4

ತವ ಸುಪ್ರಭಾತಮರವಿನ್ದ ಲೋಚನೇ

ಭವತು ಪ್ರಸನ್ನಮುಖ ಚನ್ದ್ರಮಣ್ಡಲೇ ।

ವಿಧಿ ಶಙ್ಕರೇನ್ದ್ರ ವನಿತಾಭಿರರ್ಚಿತೇ

ವೃಶ ಶೈಲನಾಥ ದಯಿತೇ ದಯಾನಿಧೇ

॥ 3 ॥

ಶ್ಲೋಕ 5

ಅತ್ರ್ಯಾದಿ ಸಪ್ತ ಋಷಯಸ್ಸಮುಪಾಸ್ಯ ಸನ್ಧ್ಯಾಂ

ಆಕಾಶ ಸಿನ್ಧು ಕಮಲಾನಿ ಮನೋಹರಾಣಿ ।

ಆದಾಯ ಪಾದಯುಗ ಮರ್ಚಯಿತುಂ ಪ್ರಪನ್ನಾಃ

ಶೇಷಾದ್ರಿ ಶೇಖರ ವಿಭೋ ತವ ಸುಪ್ರಭಾತಮ್

॥ 4 ॥

ಶ್ಲೋಕ 6

ಪಞ್ಚಾನನಾಬ್ಜ ಭವ ಷಣ್ಮುಖ ವಾಸವಾದ್ಯಾಃ

ತ್ರೈವಿಕ್ರಮಾದಿ ಚರಿತಂ ವಿಬುಧಾಃ ಸ್ತುವನ್ತಿ ।

ಭಾಷಾಪತಿಃ ಪಠತಿ ವಾಸರ ಶುದ್ಧಿ ಮಾರಾತ್

ಶೇಷಾದ್ರಿ ಶೇಖರ ವಿಭೋ ತವ ಸುಪ್ರಭಾತಮ್

॥ 5 ॥

ಶ್ಲೋಕ 7

ಈಶತ್-ಪ್ರಫುಲ್ಲ ಸರಸೀರುಹ ನಾರಿಕೇಲ

ಪೂಗದ್ರುಮಾದಿ ಸುಮನೋಹರ ಪಾಲಿಕಾನಾಮ್ ।

ಆವಾತಿ ಮನ್ದಮನಿಲಃ ಸಹದಿವ್ಯ ಗನ್ಧೈಃ

ಶೇಷಾದ್ರಿ ಶೇಖರ ವಿಭೋ ತವ ಸುಪ್ರಭಾತಮ್

॥ 6 ॥

ಶ್ಲೋಕ 8

ಉನ್ಮೀಲ್ಯನೇತ್ರ ಯುಗಮುತ್ತಮ ಪಞ್ಜರಸ್ಥಾಃ

ಪಾತ್ರಾವಸಿಷ್ಟ ಕದಲೀ ಫಲ ಪಾಯಸಾನಿ ।

ಭುಕ್ತ್ವಾಃ ಸಲೀಲ ಮಥಕೇಲಿ ಶುಕಾಃ ಪಠನ್ತಿ

ಶೇಷಾದ್ರಿ ಶೇಖರ ವಿಭೋ ತವ ಸುಪ್ರಭಾತಮ್

॥ 7 ॥

ಶ್ಲೋಕ 9

ತನ್ತ್ರೀ ಪ್ರಕರ್ಷ ಮಧುರ ಸ್ವನಯಾ ವಿಪಞ್ಚ್ಯಾ

ಗಾಯತ್ಯನನ್ತ ಚರಿತಂ ತವ ನಾರದೋಽಪಿ ।

ಭಾಷಾ ಸಮಗ್ರ ಮಸತ್-ಕೃತಚಾರು ರಮ್ಯಂ

ಶೇಷಾದ್ರಿ ಶೇಖರ ವಿಭೋ ತವ ಸುಪ್ರಭಾತಮ್

॥ 8 ॥

ಶ್ಲೋಕ 10

ಭೃಙ್ಗಾವಲೀ ಚ ಮಕರನ್ದ ರಸಾನು ವಿದ್ಧ

ಝುಙ್ಕಾರಗೀತ ನಿನದೈಃ ಸಹಸೇವನಾಯ ।

ನಿರ್ಯಾತ್ಯುಪಾನ್ತ ಸರಸೀ ಕಮಲೋದರೇಭ್ಯಃ

ಶೇಷಾದ್ರಿ ಶೇಖರ ವಿಭೋ ತವ ಸುಪ್ರಭಾತಮ್

॥ 9 ॥

ಶ್ಲೋಕ 11

ಯೋಷಾಗಣೇನ ವರದಧ್ನಿ ವಿಮಥ್ಯಮಾನೇ

ಘೋಷಾಲಯೇಷು ದಧಿಮನ್ಥನ ತೀವ್ರಘೋಷಾಃ ।

ರೋಷಾತ್ಕಲಿಂ ವಿದಧತೇ ಕಕುಭಶ್ಚ ಕುಮ್ಭಾಃ

ಶೇಷಾದ್ರಿ ಶೇಖರ ವಿಭೋ ತವ ಸುಪ್ರಭಾತಮ್

॥ 10 ॥

ಶ್ಲೋಕ 12

ಪದ್ಮೇಶಮಿತ್ರ ಶತಪತ್ರ ಗತಾಲಿವರ್ಗಾಃ

ಹರ್ತುಂ ಶ್ರಿಯಂ ಕುವಲಯಸ್ಯ ನಿಜಾಙ್ಗಲಕ್ಷ್ಮ್ಯಾಃ ।

ಭೇರೀ ನಿನಾದಮಿವ ಭಿಭ್ರತಿ ತೀವ್ರನಾದಮ್

ಶೇಷಾದ್ರಿ ಶೇಖರ ವಿಭೋ ತವ ಸುಪ್ರಭಾತಮ್

॥ 11 ॥

ಶ್ಲೋಕ 13

ಶ್ರೀಮನ್ನಭೀಷ್ಟ ವರದಾಖಿಲ ಲೋಕ ಬನ್ಧೋ

ಶ್ರೀ ಶ್ರೀನಿವಾಸ ಜಗದೇಕ ದಯೈಕ ಸಿನ್ಧೋ ।

ಶ್ರೀ ದೇವತಾ ಗೃಹ ಭುಜಾನ್ತರ ದಿವ್ಯಮೂರ್ತೇ

ಶ್ರೀ ವೇಙ್ಕಟಾಚಲಪತೇ ತವ ಸುಪ್ರಭಾತಮ್

॥ 12 ॥

ಶ್ಲೋಕ 14

ಶ್ರೀ ಸ್ವಾಮಿ ಪುಷ್ಕರಿಣಿಕಾಪ್ಲವ ನಿರ್ಮಲಾಙ್ಗಾಃ

ಶ್ರೇಯಾರ್ಥಿನೋ ಹರವಿರಿಞ್ಚಿ ಸನನ್ದನಾದ್ಯಾಃ ।

ದ್ವಾರೇ ವಸನ್ತಿ ವರನೇತ್ರ ಹತೋತ್ತ ಮಾಙ್ಗಾಃ

ಶ್ರೀ ವೇಙ್ಕಟಾಚಲಪತೇ ತವ ಸುಪ್ರಭಾತಮ್

॥ 13 ॥

ಶ್ಲೋಕ 15

ಶ್ರೀ ಶೇಷಶೈಲ ಗರುಡಾಚಲ ವೇಙ್ಕಟಾದ್ರಿ

ನಾರಾಯಣಾದ್ರಿ ವೃಷಭಾದ್ರಿ ವೃಷಾದ್ರಿ ಮುಖ್ಯಾಮ್ ।

ಆಖ್ಯಾಂ ತ್ವದೀಯ ವಸತೇ ರನಿಶಂ ವದನ್ತಿ

ಶ್ರೀ ವೇಙ್ಕಟಾಚಲಪತೇ ತವ ಸುಪ್ರಭಾತಮ್

॥ 14 ॥

ಶ್ಲೋಕ 16

ಸೇವಾಪರಾಃ ಶಿವ ಸುರೇಶ ಕೃಶಾನುಧರ್ಮ

ರಕ್ಷೋಮ್ಬುನಾಥ ಪವಮಾನ ಧನಾಧಿ ನಾಥಾಃ ।

ಬದ್ಧಾಞ್ಜಲಿ ಪ್ರವಿಲಸನ್ನಿಜ ಶೀರ್ಷದೇಶಾಃ

ಶ್ರೀ ವೇಙ್ಕಟಾಚಲಪತೇ ತವ ಸುಪ್ರಭಾತಮ್

॥ 15 ॥

ಶ್ಲೋಕ 17

ಧಾಟೀಷು ತೇ ವಿಹಗರಾಜ ಮೃಗಾಧಿರಾಜ

ನಾಗಾಧಿರಾಜ ಗಜರಾಜ ಹಯಾಧಿರಾಜಾಃ ।

ಸ್ವಸ್ವಾಧಿಕಾರ ಮಹಿಮಾಧಿಕ ಮರ್ಥಯನ್ತೇ

ಶ್ರೀ ವೇಙ್ಕಟಾಚಲಪತೇ ತವ ಸುಪ್ರಭಾತಮ್

॥ 16 ॥

ಶ್ಲೋಕ 18

ಸೂರ್ಯೇನ್ದು ಭೌಮ ಬುಧವಾಕ್ಪತಿ ಕಾವ್ಯಶೌರಿ

ಸ್ವರ್ಭಾನುಕೇತು ದಿವಿಶತ್-ಪರಿಶತ್-ಪ್ರಧಾನಾಃ ।

ತ್ವದ್ದಾಸದಾಸ ಚರಮಾವಧಿ ದಾಸದಾಸಾಃ

ಶ್ರೀ ವೇಙ್ಕಟಾಚಲಪತೇ ತವ ಸುಪ್ರಭಾತಮ್

॥ 17 ॥

ಶ್ಲೋಕ 19

ತತ್-ಪಾದಧೂಲಿ ಭರಿತ ಸ್ಫುರಿತೋತ್ತಮಾಙ್ಗಾಃ

ಸ್ವರ್ಗಾಪವರ್ಗ ನಿರಪೇಕ್ಷ ನಿಜಾನ್ತರಙ್ಗಾಃ ।

ಕಲ್ಪಾಗಮಾ ಕಲನಯಾಽಽಕುಲತಾಂ ಲಭನ್ತೇ

ಶ್ರೀ ವೇಙ್ಕಟಾಚಲಪತೇ ತವ ಸುಪ್ರಭಾತಮ್

॥ 18 ॥

ಶ್ಲೋಕ 20

ತ್ವದ್ಗೋಪುರಾಗ್ರ ಶಿಖರಾಣಿ ನಿರೀಕ್ಷಮಾಣಾಃ

ಸ್ವರ್ಗಾಪವರ್ಗ ಪದವೀಂ ಪರಮಾಂ ಶ್ರಯನ್ತಃ ।

ಮರ್ತ್ಯಾ ಮನುಷ್ಯ ಭುವನೇ ಮತಿಮಾಶ್ರಯನ್ತೇ

ಶ್ರೀ ವೇಙ್ಕಟಾಚಲಪತೇ ತವ ಸುಪ್ರಭಾತಮ್

॥ 19 ॥

ಶ್ಲೋಕ 21

ಶ್ರೀ ಭೂಮಿನಾಯಕ ದಯಾದಿ ಗುಣಾಮೃತಾಬ್ದೇ

ದೇವಾದಿದೇವ ಜಗದೇಕ ಶರಣ್ಯಮೂರ್ತೇ ।

ಶ್ರೀಮನ್ನನನ್ತ ಗರುಡಾದಿಭಿ ರರ್ಚಿತಾಙ್ಘ್ರೇ

ಶ್ರೀ ವೇಙ್ಕಟಾಚಲಪತೇ ತವ ಸುಪ್ರಭಾತಮ್

॥ 20 ॥

ಶ್ಲೋಕ 22

ಶ್ರೀ ಪದ್ಮನಾಭ ಪುರುಷೋತ್ತಮ ವಾಸುದೇವ

ವೈಕುಣ್ಠ ಮಾಧವ ಜನಾರ್ದನ ಚಕ್ರಪಾಣೇ ।

ಶ್ರೀ ವತ್ಸ ಚಿಹ್ನ ಶರಣಾಗತ ಪಾರಿಜಾತ

ಶ್ರೀ ವೇಙ್ಕಟಾಚಲಪತೇ ತವ ಸುಪ್ರಭಾತಮ್

॥ 21 ॥

ಶ್ಲೋಕ 23

ಕನ್ದರ್ಪ ದರ್ಪ ಹರ ಸುನ್ದರ ದಿವ್ಯ ಮೂರ್ತೇ

ಕಾನ್ತಾ ಕುಚಾಮ್ಬುರುಹ ಕುಟ್ಮಲ ಲೋಲದೃಷ್ಟೇ ।

ಕಲ್ಯಾಣ ನಿರ್ಮಲ ಗುಣಾಕರ ದಿವ್ಯಕೀರ್ತೇ

ಶ್ರೀ ವೇಙ್ಕಟಾಚಲಪತೇ ತವ ಸುಪ್ರಭಾತಮ್

॥ 22 ॥

ಶ್ಲೋಕ 24

ಮೀನಾಕೃತೇ ಕಮಠಕೋಲ ನೃಸಿಂಹ ವರ್ಣಿನ್

ಸ್ವಾಮಿನ್ ಪರಶ್ವಥ ತಪೋಧನ ರಾಮಚನ್ದ್ರ ।

ಶೇಷಾಂಶರಾಮ ಯದುನನ್ದನ ಕಲ್ಕಿರೂಪ

ಶ್ರೀ ವೇಙ್ಕಟಾಚಲಪತೇ ತವ ಸುಪ್ರಭಾತಮ್

॥ 23 ॥

ಶ್ಲೋಕ 25

ಏಲಾಲವಙ್ಗ ಘನಸಾರ ಸುಗನ್ಧಿ ತೀರ್ಥಂ

ದಿವ್ಯಂ ವಿಯತ್ಸರಿತಿ ಹೇಮಘಟೇಷು ಪೂರ್ಣಮ್ ।

ಧೃತ್ವಾದ್ಯ ವೈದಿಕ ಶಿಖಾಮಣಯಃ ಪ್ರಹೃಷ್ಟಾಃ

ತಿಷ್ಠನ್ತಿ ವೇಙ್ಕಟಪತೇ ತವ ಸುಪ್ರಭಾತಮ್

॥ 24 ॥

ಶ್ಲೋಕ 26

ಭಾಸ್ವಾನುದೇತಿ ವಿಕಚಾನಿ ಸರೋರುಹಾಣಿ

ಸಮ್ಪೂರಯನ್ತಿ ನಿನದೈಃ ಕಕುಭೋ ವಿಹಙ್ಗಾಃ ।

ಶ್ರೀವೈಷ್ಣವಾಃ ಸತತ ಮರ್ಥಿತ ಮಙ್ಗಲಾಸ್ತೇ

ಧಾಮಾಶ್ರಯನ್ತಿ ತವ ವೇಙ್ಕಟ ಸುಪ್ರಭಾತಮ್

॥ 25 ॥

ಶ್ಲೋಕ 27

ಬ್ರಹ್ಮಾದಯ-ಸ್ಸುರವರಾ-ಸ್ಸಮಹರ್ಷಯಸ್ತೇ

ಸನ್ತಸ್ಸನನ್ದನ-ಮುಖಾಸ್ತ್ವಥ ಯೋಗಿವರ್ಯಾಃ ।

ಧಾಮಾನ್ತಿಕೇ ತವ ಹಿ ಮಙ್ಗಲವಸ್ತುಹಸ್ತಾಃ

ಶ್ರೀ ವೇಙ್ಕಟಾಚಲಪತೇ ತವ ಸುಪ್ರಭಾತಮ್

॥ 26 ॥

ಶ್ಲೋಕ 28

ಲಕ್ಶ್ಮೀನಿವಾಸ ನಿರವದ್ಯ ಗುಣೈಕ ಸಿನ್ಧೋ

ಸಂಸಾರಸಾಗರ ಸಮುತ್ತರಣೈಕ ಸೇತೋ ।

ವೇದಾನ್ತ ವೇದ್ಯ ನಿಜವೈಭವ ಭಕ್ತ ಭೋಗ್ಯ

ಶ್ರೀ ವೇಙ್ಕಟಾಚಲಪತೇ ತವ ಸುಪ್ರಭಾತಮ್

॥ 27 ॥

ಶ್ಲೋಕ 29

ಇತ್ಥಂ ವೃಷಾಚಲಪತೇರಿಹ ಸುಪ್ರಭಾತಂ

ಯೇ ಮಾನವಾಃ ಪ್ರತಿದಿನಂ ಪಠಿತುಂ ಪ್ರವೃತ್ತಾಃ ।

ತೇಷಾಂ ಪ್ರಭಾತ ಸಮಯೇ ಸ್ಮೃತಿರಙ್ಗಭಾಜಾಂ

ಪ್ರಜ್ಞಾಂ ಪರಾರ್ಥ ಸುಲಭಾಂ ಪರಮಾಂ ಪ್ರಸೂತೇ

॥ 28 ॥

ಶ್ಲೋಕ 30