શ્રી વેઙ્કટેશ્વર સુપ્રભાતમ્

શ્રી વેઙ્કટેશ્વર સુપ્રભાતમ્

શ્લોક 1

કૌસલ્યા સુપ્રજા રામ પૂર્વાસન્ધ્યા પ્રવર્તતે ।

ઉત્તિષ્ઠ નરશાર્દૂલ કર્તવ્યં દૈવમાહ્નિકમ્

શ્લોક 2

ઉત્તિષ્ઠોત્તિષ્ઠ ગોવિન્દ ઉત્તિષ્ઠ ગરુડધ્વજ ।

ઉત્તિષ્ઠ કમલાકાન્ત ત્રૈલોક્યં મઙ્ગલં કુરુ

॥ 1 ॥

શ્લોક 3

માતસ્સમસ્ત જગતાં મધુકૈટભારેઃ

વક્ષોવિહારિણિ મનોહર દિવ્યમૂર્તે ।

શ્રીસ્વામિનિ શ્રિતજનપ્રિય દાનશીલે

શ્રી વેઙ્કટેશ દયિતે તવ સુપ્રભાતમ્

॥ 2 ॥

શ્લોક 4

તવ સુપ્રભાતમરવિન્દ લોચને

ભવતુ પ્રસન્નમુખ ચન્દ્રમણ્ડલે ।

વિધિ શઙ્કરેન્દ્ર વનિતાભિરર્ચિતે

વૃશ શૈલનાથ દયિતે દયાનિધે

॥ 3 ॥

શ્લોક 5

અત્ર્યાદિ સપ્ત ઋષયસ્સમુપાસ્ય સન્ધ્યાં

આકાશ સિન્ધુ કમલાનિ મનોહરાણિ ।

આદાય પાદયુગ મર્ચયિતું પ્રપન્નાઃ

શેષાદ્રિ શેખર વિભો તવ સુપ્રભાતમ્

॥ 4 ॥

શ્લોક 6

પઞ્ચાનનાબ્જ ભવ ષણ્મુખ વાસવાદ્યાઃ

ત્રૈવિક્રમાદિ ચરિતં વિબુધાઃ સ્તુવન્તિ ।

ભાષાપતિઃ પઠતિ વાસર શુદ્ધિ મારાત્

શેષાદ્રિ શેખર વિભો તવ સુપ્રભાતમ્

॥ 5 ॥

શ્લોક 7

ઈશત્-પ્રફુલ્લ સરસીરુહ નારિકેલ

પૂગદ્રુમાદિ સુમનોહર પાલિકાનામ્ ।

આવાતિ મન્દમનિલઃ સહદિવ્ય ગન્ધૈઃ

શેષાદ્રિ શેખર વિભો તવ સુપ્રભાતમ્

॥ 6 ॥

શ્લોક 8

ઉન્મીલ્યનેત્ર યુગમુત્તમ પઞ્જરસ્થાઃ

પાત્રાવસિષ્ટ કદલી ફલ પાયસાનિ ।

ભુક્ત્વાઃ સલીલ મથકેલિ શુકાઃ પઠન્તિ

શેષાદ્રિ શેખર વિભો તવ સુપ્રભાતમ્

॥ 7 ॥

શ્લોક 9

તન્ત્રી પ્રકર્ષ મધુર સ્વનયા વિપઞ્ચ્યા

ગાયત્યનન્ત ચરિતં તવ નારદોઽપિ ।

ભાષા સમગ્ર મસત્-કૃતચારુ રમ્યં

શેષાદ્રિ શેખર વિભો તવ સુપ્રભાતમ્

॥ 8 ॥

શ્લોક 10

ભૃઙ્ગાવલી ચ મકરન્દ રસાનુ વિદ્ધ

ઝુઙ્કારગીત નિનદૈઃ સહસેવનાય ।

નિર્યાત્યુપાન્ત સરસી કમલોદરેભ્યઃ

શેષાદ્રિ શેખર વિભો તવ સુપ્રભાતમ્

॥ 9 ॥

શ્લોક 11

યોષાગણેન વરદધ્નિ વિમથ્યમાને

ઘોષાલયેષુ દધિમન્થન તીવ્રઘોષાઃ ।

રોષાત્કલિં વિદધતે કકુભશ્ચ કુમ્ભાઃ

શેષાદ્રિ શેખર વિભો તવ સુપ્રભાતમ્

॥ 10 ॥

શ્લોક 12

પદ્મેશમિત્ર શતપત્ર ગતાલિવર્ગાઃ

હર્તું શ્રિયં કુવલયસ્ય નિજાઙ્ગલક્ષ્મ્યાઃ ।

ભેરી નિનાદમિવ ભિભ્રતિ તીવ્રનાદમ્

શેષાદ્રિ શેખર વિભો તવ સુપ્રભાતમ્

॥ 11 ॥

શ્લોક 13

શ્રીમન્નભીષ્ટ વરદાખિલ લોક બન્ધો

શ્રી શ્રીનિવાસ જગદેક દયૈક સિન્ધો ।

શ્રી દેવતા ગૃહ ભુજાન્તર દિવ્યમૂર્તે

શ્રી વેઙ્કટાચલપતે તવ સુપ્રભાતમ્

॥ 12 ॥

શ્લોક 14

શ્રી સ્વામિ પુષ્કરિણિકાપ્લવ નિર્મલાઙ્ગાઃ

શ્રેયાર્થિનો હરવિરિઞ્ચિ સનન્દનાદ્યાઃ ।

દ્વારે વસન્તિ વરનેત્ર હતોત્ત માઙ્ગાઃ

શ્રી વેઙ્કટાચલપતે તવ સુપ્રભાતમ્

॥ 13 ॥

શ્લોક 15

શ્રી શેષશૈલ ગરુડાચલ વેઙ્કટાદ્રિ

નારાયણાદ્રિ વૃષભાદ્રિ વૃષાદ્રિ મુખ્યામ્ ।

આખ્યાં ત્વદીય વસતે રનિશં વદન્તિ

શ્રી વેઙ્કટાચલપતે તવ સુપ્રભાતમ્

॥ 14 ॥

શ્લોક 16

સેવાપરાઃ શિવ સુરેશ કૃશાનુધર્મ

રક્ષોમ્બુનાથ પવમાન ધનાધિ નાથાઃ ।

બદ્ધાઞ્જલિ પ્રવિલસન્નિજ શીર્ષદેશાઃ

શ્રી વેઙ્કટાચલપતે તવ સુપ્રભાતમ્

॥ 15 ॥

શ્લોક 17

ધાટીષુ તે વિહગરાજ મૃગાધિરાજ

નાગાધિરાજ ગજરાજ હયાધિરાજાઃ ।

સ્વસ્વાધિકાર મહિમાધિક મર્થયન્તે

શ્રી વેઙ્કટાચલપતે તવ સુપ્રભાતમ્

॥ 16 ॥

શ્લોક 18

સૂર્યેન્દુ ભૌમ બુધવાક્પતિ કાવ્યશૌરિ

સ્વર્ભાનુકેતુ દિવિશત્-પરિશત્-પ્રધાનાઃ ।

ત્વદ્દાસદાસ ચરમાવધિ દાસદાસાઃ

શ્રી વેઙ્કટાચલપતે તવ સુપ્રભાતમ્

॥ 17 ॥

શ્લોક 19

તત્-પાદધૂલિ ભરિત સ્ફુરિતોત્તમાઙ્ગાઃ

સ્વર્ગાપવર્ગ નિરપેક્ષ નિજાન્તરઙ્ગાઃ ।

કલ્પાગમા કલનયાઽઽકુલતાં લભન્તે

શ્રી વેઙ્કટાચલપતે તવ સુપ્રભાતમ્

॥ 18 ॥

શ્લોક 20

ત્વદ્ગોપુરાગ્ર શિખરાણિ નિરીક્ષમાણાઃ

સ્વર્ગાપવર્ગ પદવીં પરમાં શ્રયન્તઃ ।

મર્ત્યા મનુષ્ય ભુવને મતિમાશ્રયન્તે

શ્રી વેઙ્કટાચલપતે તવ સુપ્રભાતમ્

॥ 19 ॥

શ્લોક 21

શ્રી ભૂમિનાયક દયાદિ ગુણામૃતાબ્દે

દેવાદિદેવ જગદેક શરણ્યમૂર્તે ।

શ્રીમન્નનન્ત ગરુડાદિભિ રર્ચિતાઙ્ઘ્રે

શ્રી વેઙ્કટાચલપતે તવ સુપ્રભાતમ્

॥ 20 ॥

શ્લોક 22

શ્રી પદ્મનાભ પુરુષોત્તમ વાસુદેવ

વૈકુણ્ઠ માધવ જનાર્દન ચક્રપાણે ।

શ્રી વત્સ ચિહ્ન શરણાગત પારિજાત

શ્રી વેઙ્કટાચલપતે તવ સુપ્રભાતમ્

॥ 21 ॥

શ્લોક 23

કન્દર્પ દર્પ હર સુન્દર દિવ્ય મૂર્તે

કાન્તા કુચામ્બુરુહ કુટ્મલ લોલદૃષ્ટે ।

કલ્યાણ નિર્મલ ગુણાકર દિવ્યકીર્તે

શ્રી વેઙ્કટાચલપતે તવ સુપ્રભાતમ્

॥ 22 ॥

શ્લોક 24

મીનાકૃતે કમઠકોલ નૃસિંહ વર્ણિન્

સ્વામિન્ પરશ્વથ તપોધન રામચન્દ્ર ।

શેષાંશરામ યદુનન્દન કલ્કિરૂપ

શ્રી વેઙ્કટાચલપતે તવ સુપ્રભાતમ્

॥ 23 ॥

શ્લોક 25

એલાલવઙ્ગ ઘનસાર સુગન્ધિ તીર્થં

દિવ્યં વિયત્સરિતિ હેમઘટેષુ પૂર્ણમ્ ।

ધૃત્વાદ્ય વૈદિક શિખામણયઃ પ્રહૃષ્ટાઃ

તિષ્ઠન્તિ વેઙ્કટપતે તવ સુપ્રભાતમ્

॥ 24 ॥

શ્લોક 26

ભાસ્વાનુદેતિ વિકચાનિ સરોરુહાણિ

સમ્પૂરયન્તિ નિનદૈઃ કકુભો વિહઙ્ગાઃ ।

શ્રીવૈષ્ણવાઃ સતત મર્થિત મઙ્ગલાસ્તે

ધામાશ્રયન્તિ તવ વેઙ્કટ સુપ્રભાતમ્

॥ 25 ॥

શ્લોક 27

બ્રહ્માદય-સ્સુરવરા-સ્સમહર્ષયસ્તે

સન્તસ્સનન્દન-મુખાસ્ત્વથ યોગિવર્યાઃ ।

ધામાન્તિકે તવ હિ મઙ્ગલવસ્તુહસ્તાઃ

શ્રી વેઙ્કટાચલપતે તવ સુપ્રભાતમ્

॥ 26 ॥

શ્લોક 28

લક્શ્મીનિવાસ નિરવદ્ય ગુણૈક સિન્ધો

સંસારસાગર સમુત્તરણૈક સેતો ।

વેદાન્ત વેદ્ય નિજવૈભવ ભક્ત ભોગ્ય

શ્રી વેઙ્કટાચલપતે તવ સુપ્રભાતમ્

॥ 27 ॥

શ્લોક 29

ઇત્થં વૃષાચલપતેરિહ સુપ્રભાતં

યે માનવાઃ પ્રતિદિનં પઠિતું પ્રવૃત્તાઃ ।

તેષાં પ્રભાત સમયે સ્મૃતિરઙ્ગભાજાં

પ્રજ્ઞાં પરાર્થ સુલભાં પરમાં પ્રસૂતે

॥ 28 ॥

શ્લોક 30