శ్రీ వేఙ్కటేశ మఙ్గలాశాసనమ్

శ్రీ వేఙ్కటేశ మఙ్గలాశాసనమ్

శ్లోక 1

శ్రియః కాన్తాయ కల్యాణనిధయే నిధయేఽర్థినామ్ ।

శ్రీవేఙ్కట నివాసాయ శ్రీనివాసాయ మఙ్గలమ్

శ్లోక 2

లక్ష్మీ సవిభ్రమాలోక సుభ్రూ విభ్రమ చక్షుషే ।

చక్షుషే సర్వలోకానాం వేఙ్కటేశాయ మఙ్గలమ్

॥ 1 ॥

శ్లోక 3

శ్రీవేఙ్కటాద్రి శృఙ్గాగ్ర మఙ్గలాభరణాఙ్ఘ్రయే ।

మఙ్గలానాం నివాసాయ శ్రీనివాసాయ మఙ్గలమ్

॥ 2 ॥

శ్లోక 4

సర్వావయవ సౌన్దర్య సమ్పదా సర్వచేతసామ్ ।

సదా సమ్మోహనాయాస్తు వేఙ్కటేశాయ మఙ్గలమ్

॥ 3 ॥

శ్లోక 5

నిత్యాయ నిరవద్యాయ సత్యానన్ద చిదాత్మనే ।

సర్వాన్తరాత్మనే శ్రీమద్-వేఙ్కటేశాయ మఙ్గలమ్

॥ 4 ॥

శ్లోక 6

స్వత స్సర్వవిదే సర్వ శక్తయే సర్వశేషిణే ।

సులభాయ సుశీలాయ వేఙ్కటేశాయ మఙ్గలమ్

॥ 5 ॥

శ్లోక 7

పరస్మై బ్రహ్మణే పూర్ణకామాయ పరమాత్మనే ।

ప్రయుఞ్జే పరతత్త్వాయ వేఙ్కటేశాయ మఙ్గలమ్

॥ 6 ॥

శ్లోక 8

ఆకాలతత్త్వ మశ్రాన్త మాత్మనా మనుపశ్యతామ్ ।

అతృప్త్యమృత రూపాయ వేఙ్కటేశాయ మఙ్గలమ్

॥ 7 ॥

శ్లోక 9

ప్రాయః స్వచరణౌ పుంసాం శరణ్యత్వేన పాణినా ।

కృపయాఽఽదిశతే శ్రీమద్-వేఙ్కటేశాయ మఙ్గలమ్

॥ 8 ॥

శ్లోక 10

దయాఽమృత తరఙ్గిణ్యా స్తరఙ్గైరివ శీతలైః ।

అపాఙ్గై స్సిఞ్చతే విశ్వం వేఙ్కటేశాయ మఙ్గలమ్

॥ 9 ॥

శ్లోక 11

స్రగ్-భూషామ్బర హేతీనాం సుషమాఽఽవహమూర్తయే ।

సర్వార్తి శమనాయాస్తు వేఙ్కటేశాయ మఙ్గలమ్

॥ 10 ॥

శ్లోక 12

శ్రీవైకుణ్ఠ విరక్తాయ స్వామి పుష్కరిణీతటే ।

రమయా రమమాణాయ వేఙ్కటేశాయ మఙ్గలమ్

॥ 11 ॥

శ్లోక 13

శ్రీమత్-సున్దరజా మాతృముని మానసవాసినే ।

సర్వలోక నివాసాయ శ్రీనివాసాయ మఙ్గలమ్

॥ 12 ॥

శ్లోక 14

మఙ్గలా శాసనపరైర్-మదాచార్య పురోగమైః ।

సర్వైశ్చ పూర్వైరాచార్యైః సత్కృతాయాస్తు మఙ్గలమ్

॥ 13 ॥

శ్లోక 15

శ్రీ పద్మావతీ సమేత శ్రీ శ్రీనివాస పరబ్రహ్మణే నమః