Sri Venkatesha Mangalasasanam

श्री वेङ्कटेश मङ्गलाशासनम्

श्लोक 1

श्रियः कान्ताय कल्याणनिधये निधयेऽर्थिनाम् ।

श्रीवेङ्कट निवासाय श्रीनिवासाय मङ्गलम्

श्लोक 2

लक्ष्मी सविभ्रमालोक सुभ्रू विभ्रम चक्षुषे ।

चक्षुषे सर्वलोकानां वेङ्कटेशाय मङ्गलम्

॥ 1 ॥

श्लोक 3

श्रीवेङ्कटाद्रि शृङ्गाग्र मङ्गलाभरणाङ्घ्रये ।

मङ्गलानां निवासाय श्रीनिवासाय मङ्गलम्

॥ 2 ॥

श्लोक 4

सर्वावयव सौन्दर्य सम्पदा सर्वचेतसाम् ।

सदा सम्मोहनायास्तु वेङ्कटेशाय मङ्गलम्

॥ 3 ॥

श्लोक 5

नित्याय निरवद्याय सत्यानन्द चिदात्मने ।

सर्वान्तरात्मने श्रीमद्-वेङ्कटेशाय मङ्गलम्

॥ 4 ॥

श्लोक 6

स्वत स्सर्वविदे सर्व शक्तये सर्वशेषिणे ।

सुलभाय सुशीलाय वेङ्कटेशाय मङ्गलम्

॥ 5 ॥

श्लोक 7

परस्मै ब्रह्मणे पूर्णकामाय परमात्मने ।

प्रयुञ्जे परतत्त्वाय वेङ्कटेशाय मङ्गलम्

॥ 6 ॥

श्लोक 8

आकालतत्त्व मश्रान्त मात्मना मनुपश्यताम् ।

अतृप्त्यमृत रूपाय वेङ्कटेशाय मङ्गलम्

॥ 7 ॥

श्लोक 9

प्रायः स्वचरणौ पुंसां शरण्यत्वेन पाणिना ।

कृपयाऽऽदिशते श्रीमद्-वेङ्कटेशाय मङ्गलम्

॥ 8 ॥

श्लोक 10

दयाऽमृत तरङ्गिण्या स्तरङ्गैरिव शीतलैः ।

अपाङ्गै स्सिञ्चते विश्वं वेङ्कटेशाय मङ्गलम्

॥ 9 ॥

श्लोक 11

स्रग्-भूषाम्बर हेतीनां सुषमाऽऽवहमूर्तये ।

सर्वार्ति शमनायास्तु वेङ्कटेशाय मङ्गलम्

॥ 10 ॥

श्लोक 12

श्रीवैकुण्ठ विरक्ताय स्वामि पुष्करिणीतटे ।

रमया रममाणाय वेङ्कटेशाय मङ्गलम्

॥ 11 ॥

श्लोक 13

श्रीमत्-सुन्दरजा मातृमुनि मानसवासिने ।

सर्वलोक निवासाय श्रीनिवासाय मङ्गलम्

॥ 12 ॥

श्लोक 14

मङ्गला शासनपरैर्-मदाचार्य पुरोगमैः ।

सर्वैश्च पूर्वैराचार्यैः सत्कृतायास्तु मङ्गलम्

॥ 13 ॥

श्लोक 15

श्री पद्मावती समेत श्री श्रीनिवास परब्रह्मणे नमः