ശ്രീ വേങ്കടേശ മങ്ഗലാശാസനമ്

ശ്രീ വേങ്കടേശ മങ്ഗലാശാസനമ്

ശ്ലോക 1

ശ്രിയഃ കാന്തായ കല്യാണനിധയേ നിധയേഽര്ഥിനാമ് ।

ശ്രീവേങ്കട നിവാസായ ശ്രീനിവാസായ മങ്ഗലമ്

ശ്ലോക 2

ലക്ഷ്മീ സവിഭ്രമാലോക സുഭ്രൂ വിഭ്രമ ചക്ഷുഷേ ।

ചക്ഷുഷേ സര്വലോകാനാം വേങ്കടേശായ മങ്ഗലമ്

॥ 1 ॥

ശ്ലോക 3

ശ്രീവേങ്കടാദ്രി ശൃങ്ഗാഗ്ര മങ്ഗലാഭരണാങ്ഘ്രയേ ।

മങ്ഗലാനാം നിവാസായ ശ്രീനിവാസായ മങ്ഗലമ്

॥ 2 ॥

ശ്ലോക 4

സര്വാവയവ സൌന്ദര്യ സമ്പദാ സര്വചേതസാമ് ।

സദാ സമ്മോഹനായാസ്തു വേങ്കടേശായ മങ്ഗലമ്

॥ 3 ॥

ശ്ലോക 5

നിത്യായ നിരവദ്യായ സത്യാനന്ദ ചിദാത്മനേ ।

സര്വാന്തരാത്മനേ ശ്രീമദ്-വേങ്കടേശായ മങ്ഗലമ്

॥ 4 ॥

ശ്ലോക 6

സ്വത സ്സര്വവിദേ സര്വ ശക്തയേ സര്വശേഷിണേ ।

സുലഭായ സുശീലായ വേങ്കടേശായ മങ്ഗലമ്

॥ 5 ॥

ശ്ലോക 7

പരസ്മൈ ബ്രഹ്മണേ പൂര്ണകാമായ പരമാത്മനേ ।

പ്രയുഞ്ജേ പരതത്ത്വായ വേങ്കടേശായ മങ്ഗലമ്

॥ 6 ॥

ശ്ലോക 8

ആകാലതത്ത്വ മശ്രാന്ത മാത്മനാ മനുപശ്യതാമ് ।

അതൃപ്ത്യമൃത രൂപായ വേങ്കടേശായ മങ്ഗലമ്

॥ 7 ॥

ശ്ലോക 9

പ്രായഃ സ്വചരണൌ പുംസാം ശരണ്യത്വേന പാണിനാ ।

കൃപയാഽഽദിശതേ ശ്രീമദ്-വേങ്കടേശായ മങ്ഗലമ്

॥ 8 ॥

ശ്ലോക 10

ദയാഽമൃത തരങ്ഗിണ്യാ സ്തരങ്ഗൈരിവ ശീതലൈഃ ।

അപാങ്ഗൈ സ്സിഞ്ചതേ വിശ്വം വേങ്കടേശായ മങ്ഗലമ്

॥ 9 ॥

ശ്ലോക 11

സ്രഗ്-ഭൂഷാമ്ബര ഹേതീനാം സുഷമാഽഽവഹമൂര്തയേ ।

സര്വാര്തി ശമനായാസ്തു വേങ്കടേശായ മങ്ഗലമ്

॥ 10 ॥

ശ്ലോക 12

ശ്രീവൈകുണ്ഠ വിരക്തായ സ്വാമി പുഷ്കരിണീതടേ ।

രമയാ രമമാണായ വേങ്കടേശായ മങ്ഗലമ്

॥ 11 ॥

ശ്ലോക 13

ശ്രീമത്-സുന്ദരജാ മാതൃമുനി മാനസവാസിനേ ।

സര്വലോക നിവാസായ ശ്രീനിവാസായ മങ്ഗലമ്

॥ 12 ॥

ശ്ലോക 14

മങ്ഗലാ ശാസനപരൈര്-മദാചാര്യ പുരോഗമൈഃ ।

സര്വൈശ്ച പൂര്വൈരാചാര്യൈഃ സത്കൃതായാസ്തു മങ്ഗലമ്

॥ 13 ॥

ശ്ലോക 15

ശ്രീ പദ്മാവതീ സമേത ശ്രീ ശ്രീനിവാസ പരബ്രഹ്മണേ നമഃ