ಶ್ರೀ ವೇಙ್ಕಟೇಶ ಮಙ್ಗಲಾಶಾಸನಮ್

ಶ್ರೀ ವೇಙ್ಕಟೇಶ ಮಙ್ಗಲಾಶಾಸನಮ್

ಶ್ಲೋಕ 1

ಶ್ರಿಯಃ ಕಾನ್ತಾಯ ಕಲ್ಯಾಣನಿಧಯೇ ನಿಧಯೇಽರ್ಥಿನಾಮ್ ।

ಶ್ರೀವೇಙ್ಕಟ ನಿವಾಸಾಯ ಶ್ರೀನಿವಾಸಾಯ ಮಙ್ಗಲಮ್

ಶ್ಲೋಕ 2

ಲಕ್ಷ್ಮೀ ಸವಿಭ್ರಮಾಲೋಕ ಸುಭ್ರೂ ವಿಭ್ರಮ ಚಕ್ಷುಷೇ ।

ಚಕ್ಷುಷೇ ಸರ್ವಲೋಕಾನಾಂ ವೇಙ್ಕಟೇಶಾಯ ಮಙ್ಗಲಮ್

॥ 1 ॥

ಶ್ಲೋಕ 3

ಶ್ರೀವೇಙ್ಕಟಾದ್ರಿ ಶೃಙ್ಗಾಗ್ರ ಮಙ್ಗಲಾಭರಣಾಙ್ಘ್ರಯೇ ।

ಮಙ್ಗಲಾನಾಂ ನಿವಾಸಾಯ ಶ್ರೀನಿವಾಸಾಯ ಮಙ್ಗಲಮ್

॥ 2 ॥

ಶ್ಲೋಕ 4

ಸರ್ವಾವಯವ ಸೌನ್ದರ್ಯ ಸಮ್ಪದಾ ಸರ್ವಚೇತಸಾಮ್ ।

ಸದಾ ಸಮ್ಮೋಹನಾಯಾಸ್ತು ವೇಙ್ಕಟೇಶಾಯ ಮಙ್ಗಲಮ್

॥ 3 ॥

ಶ್ಲೋಕ 5

ನಿತ್ಯಾಯ ನಿರವದ್ಯಾಯ ಸತ್ಯಾನನ್ದ ಚಿದಾತ್ಮನೇ ।

ಸರ್ವಾನ್ತರಾತ್ಮನೇ ಶ್ರೀಮದ್-ವೇಙ್ಕಟೇಶಾಯ ಮಙ್ಗಲಮ್

॥ 4 ॥

ಶ್ಲೋಕ 6

ಸ್ವತ ಸ್ಸರ್ವವಿದೇ ಸರ್ವ ಶಕ್ತಯೇ ಸರ್ವಶೇಷಿಣೇ ।

ಸುಲಭಾಯ ಸುಶೀಲಾಯ ವೇಙ್ಕಟೇಶಾಯ ಮಙ್ಗಲಮ್

॥ 5 ॥

ಶ್ಲೋಕ 7

ಪರಸ್ಮೈ ಬ್ರಹ್ಮಣೇ ಪೂರ್ಣಕಾಮಾಯ ಪರಮಾತ್ಮನೇ ।

ಪ್ರಯುಞ್ಜೇ ಪರತತ್ತ್ವಾಯ ವೇಙ್ಕಟೇಶಾಯ ಮಙ್ಗಲಮ್

॥ 6 ॥

ಶ್ಲೋಕ 8

ಆಕಾಲತತ್ತ್ವ ಮಶ್ರಾನ್ತ ಮಾತ್ಮನಾ ಮನುಪಶ್ಯತಾಮ್ ।

ಅತೃಪ್ತ್ಯಮೃತ ರೂಪಾಯ ವೇಙ್ಕಟೇಶಾಯ ಮಙ್ಗಲಮ್

॥ 7 ॥

ಶ್ಲೋಕ 9

ಪ್ರಾಯಃ ಸ್ವಚರಣೌ ಪುಂಸಾಂ ಶರಣ್ಯತ್ವೇನ ಪಾಣಿನಾ ।

ಕೃಪಯಾಽಽದಿಶತೇ ಶ್ರೀಮದ್-ವೇಙ್ಕಟೇಶಾಯ ಮಙ್ಗಲಮ್

॥ 8 ॥

ಶ್ಲೋಕ 10

ದಯಾಽಮೃತ ತರಙ್ಗಿಣ್ಯಾ ಸ್ತರಙ್ಗೈರಿವ ಶೀತಲೈಃ ।

ಅಪಾಙ್ಗೈ ಸ್ಸಿಞ್ಚತೇ ವಿಶ್ವಂ ವೇಙ್ಕಟೇಶಾಯ ಮಙ್ಗಲಮ್

॥ 9 ॥

ಶ್ಲೋಕ 11

ಸ್ರಗ್-ಭೂಷಾಮ್ಬರ ಹೇತೀನಾಂ ಸುಷಮಾಽಽವಹಮೂರ್ತಯೇ ।

ಸರ್ವಾರ್ತಿ ಶಮನಾಯಾಸ್ತು ವೇಙ್ಕಟೇಶಾಯ ಮಙ್ಗಲಮ್

॥ 10 ॥

ಶ್ಲೋಕ 12

ಶ್ರೀವೈಕುಣ್ಠ ವಿರಕ್ತಾಯ ಸ್ವಾಮಿ ಪುಷ್ಕರಿಣೀತಟೇ ।

ರಮಯಾ ರಮಮಾಣಾಯ ವೇಙ್ಕಟೇಶಾಯ ಮಙ್ಗಲಮ್

॥ 11 ॥

ಶ್ಲೋಕ 13

ಶ್ರೀಮತ್-ಸುನ್ದರಜಾ ಮಾತೃಮುನಿ ಮಾನಸವಾಸಿನೇ ।

ಸರ್ವಲೋಕ ನಿವಾಸಾಯ ಶ್ರೀನಿವಾಸಾಯ ಮಙ್ಗಲಮ್

॥ 12 ॥

ಶ್ಲೋಕ 14

ಮಙ್ಗಲಾ ಶಾಸನಪರೈರ್-ಮದಾಚಾರ್ಯ ಪುರೋಗಮೈಃ ।

ಸರ್ವೈಶ್ಚ ಪೂರ್ವೈರಾಚಾರ್ಯೈಃ ಸತ್ಕೃತಾಯಾಸ್ತು ಮಙ್ಗಲಮ್

॥ 13 ॥

ಶ್ಲೋಕ 15

ಶ್ರೀ ಪದ್ಮಾವತೀ ಸಮೇತ ಶ್ರೀ ಶ್ರೀನಿವಾಸ ಪರಬ್ರಹ್ಮಣೇ ನಮಃ