શ્રી વેઙ્કટેશ મઙ્ગલાશાસનમ્

શ્રી વેઙ્કટેશ મઙ્ગલાશાસનમ્

શ્લોક 1

શ્રિયઃ કાન્તાય કલ્યાણનિધયે નિધયેઽર્થિનામ્ ।

શ્રીવેઙ્કટ નિવાસાય શ્રીનિવાસાય મઙ્ગલમ્

શ્લોક 2

લક્ષ્મી સવિભ્રમાલોક સુભ્રૂ વિભ્રમ ચક્ષુષે ।

ચક્ષુષે સર્વલોકાનાં વેઙ્કટેશાય મઙ્ગલમ્

॥ 1 ॥

શ્લોક 3

શ્રીવેઙ્કટાદ્રિ શૃઙ્ગાગ્ર મઙ્ગલાભરણાઙ્ઘ્રયે ।

મઙ્ગલાનાં નિવાસાય શ્રીનિવાસાય મઙ્ગલમ્

॥ 2 ॥

શ્લોક 4

સર્વાવયવ સૌન્દર્ય સમ્પદા સર્વચેતસામ્ ।

સદા સમ્મોહનાયાસ્તુ વેઙ્કટેશાય મઙ્ગલમ્

॥ 3 ॥

શ્લોક 5

નિત્યાય નિરવદ્યાય સત્યાનન્દ ચિદાત્મને ।

સર્વાન્તરાત્મને શ્રીમદ્-વેઙ્કટેશાય મઙ્ગલમ્

॥ 4 ॥

શ્લોક 6

સ્વત સ્સર્વવિદે સર્વ શક્તયે સર્વશેષિણે ।

સુલભાય સુશીલાય વેઙ્કટેશાય મઙ્ગલમ્

॥ 5 ॥

શ્લોક 7

પરસ્મૈ બ્રહ્મણે પૂર્ણકામાય પરમાત્મને ।

પ્રયુઞ્જે પરતત્ત્વાય વેઙ્કટેશાય મઙ્ગલમ્

॥ 6 ॥

શ્લોક 8

આકાલતત્ત્વ મશ્રાન્ત માત્મના મનુપશ્યતામ્ ।

અતૃપ્ત્યમૃત રૂપાય વેઙ્કટેશાય મઙ્ગલમ્

॥ 7 ॥

શ્લોક 9

પ્રાયઃ સ્વચરણૌ પુંસાં શરણ્યત્વેન પાણિના ।

કૃપયાઽઽદિશતે શ્રીમદ્-વેઙ્કટેશાય મઙ્ગલમ્

॥ 8 ॥

શ્લોક 10

દયાઽમૃત તરઙ્ગિણ્યા સ્તરઙ્ગૈરિવ શીતલૈઃ ।

અપાઙ્ગૈ સ્સિઞ્ચતે વિશ્વં વેઙ્કટેશાય મઙ્ગલમ્

॥ 9 ॥

શ્લોક 11

સ્રગ્-ભૂષામ્બર હેતીનાં સુષમાઽઽવહમૂર્તયે ।

સર્વાર્તિ શમનાયાસ્તુ વેઙ્કટેશાય મઙ્ગલમ્

॥ 10 ॥

શ્લોક 12

શ્રીવૈકુણ્ઠ વિરક્તાય સ્વામિ પુષ્કરિણીતટે ।

રમયા રમમાણાય વેઙ્કટેશાય મઙ્ગલમ્

॥ 11 ॥

શ્લોક 13

શ્રીમત્-સુન્દરજા માતૃમુનિ માનસવાસિને ।

સર્વલોક નિવાસાય શ્રીનિવાસાય મઙ્ગલમ્

॥ 12 ॥

શ્લોક 14

મઙ્ગલા શાસનપરૈર્-મદાચાર્ય પુરોગમૈઃ ।

સર્વૈશ્ચ પૂર્વૈરાચાર્યૈઃ સત્કૃતાયાસ્તુ મઙ્ગલમ્

॥ 13 ॥

શ્લોક 15

શ્રી પદ્માવતી સમેત શ્રી શ્રીનિવાસ પરબ્રહ્મણે નમઃ