ಶ್ರೀ ಸ್ವರ್ಣ ಆಕರ್ಷಣ ಭೈರವ ಸ್ತೋತ್ರಮ್

ಶ್ರೀ ಸ್ವರ್ಣ ಆಕರ್ಷಣ ಭೈರವ ಸ್ತೋತ್ರಮ್

ಶ್ಲೋಕ 1

ಓಂ ಅಸ್ಯ ಶ್ರೀ ಸ್ವರ್ಣಾಕರ್ಷಣ ಭೈರವ ಸ್ತೋತ್ರ ಮಹಾಮನ್ತ್ರಸ್ಯ ಬ್ರಹ್ಮ ಋಷಿಃ ಅನುಷ್ಟುಪ್ ಛನ್ದಃ ಶ್ರೀ ಸ್ವರ್ಣಾಕರ್ಷಣ ಭೈರವೋ ದೇವತಾ ಹ್ರೀಂ ಬೀಜಂ ಕ್ಲೀಂ ಶಕ್ತಿಃ ಸಃ ಕೀಲಕಂ ಮಮ ದಾರಿದ್ರ್ಯ ನಾಶಾರ್ಥೇ ಪಾಠೇ ವಿನಿಯೋಗಃ ॥

ಋಷ್ಯಾದಿ ನ್ಯಾಸಃ ।

ಬ್ರಹ್ಮರ್ಷಯೇ ನಮಃ ಶಿರಸಿ ।

ಅನುಷ್ಟುಪ್ ಛನ್ದಸೇ ನಮಃ ಮುಖೇ ।

ಸ್ವರ್ಣಾಕರ್ಷಣ ಭೈರವಾಯ ನಮಃ ಹೃದಿ ।

ಹ್ರೀಂ ಬೀಜಾಯ ನಮಃ ಗುಹ್ಯೇ ।

ಕ್ಲೀಂ ಶಕ್ತಯೇ ನಮಃ ಪಾದಯೋಃ ।

ಸಃ ಕೀಲಕಾಯ ನಮಃ ನಾಭೌ ।

ವಿನಿಯೊಗಾಯ ನಮಃ ಸರ್ವಾಙ್ಗೇ ।

ಹ್ರಾಂ ಹ್ರೀಂ ಹ್ರೂಂ ಇತಿ ಕರ ಷಡಙ್ಗನ್ಯಾಸಃ ॥

ಧ್ಯಾನಮ್ ।

ಪಾರಿಜಾತದ್ರುಮ ಕಾನ್ತಾರೇ ಸ್ಥಿತೇ ಮಾಣಿಕ್ಯಮಣ್ಡಪೇ ।

ಸಿಂಹಾಸನಗತಂ ವನ್ದೇ ಭೈರವಂ ಸ್ವರ್ಣದಾಯಕಮ್ ॥

ಗಾಙ್ಗೇಯ ಪಾತ್ರಂ ಡಮರೂಂ ತ್ರಿಶೂಲಂ

ವರಂ ಕರಃ ಸನ್ದಧತಂ ತ್ರಿನೇತ್ರಮ್ ।

ದೇವ್ಯಾಯುತಂ ತಪ್ತ ಸುವರ್ಣವರ್ಣ

ಸ್ವರ್ಣಾಕರ್ಷಣಭೈರವಮಾಶ್ರಯಾಮಿ ॥

ಮನ್ತ್ರಃ ।

ಓಂ ಐಂ ಹ್ರೀಂ ಶ್ರೀಂ ಐಂ ಶ್ರೀಂ ಆಪದುದ್ಧಾರಣಾಯ ಹ್ರಾಂ ಹ್ರೀಂ ಹ್ರೂಂ ಅಜಾಮಲವಧ್ಯಾಯ ಲೋಕೇಶ್ವರಾಯ ಸ್ವರ್ಣಾಕರ್ಷಣಭೈರವಾಯ ಮಮ ದಾರಿದ್ರ್ಯ ವಿದ್ವೇಷಣಾಯ ಮಹಾಭೈರವಾಯ ನಮಃ ಶ್ರೀಂ ಹ್ರೀಂ ಐಮ್ ।

ಸ್ತೋತ್ರಮ್ ।

ನಮಸ್ತೇಽಸ್ತು ಭೈರವಾಯ ಬ್ರಹ್ಮವಿಷ್ಣುಶಿವಾತ್ಮನೇ ।

ನಮಸ್ತ್ರೈಲೋಕ್ಯವನ್ದ್ಯಾಯ ವರದಾಯ ಪರಾತ್ಮನೇ

ಶ್ಲೋಕ 2

ರತ್ನಸಿಂಹಾಸನಸ್ಥಾಯ ದಿವ್ಯಾಭರಣಶೋಭಿನೇ ।

ದಿವ್ಯಮಾಲ್ಯವಿಭೂಷಾಯ ನಮಸ್ತೇ ದಿವ್ಯಮೂರ್ತಯೇ

॥ 1 ॥

ಶ್ಲೋಕ 3

ನಮಸ್ತೇಽನೇಕಹಸ್ತಾಯ ಹ್ಯನೇಕಶಿರಸೇ ನಮಃ ।

ನಮಸ್ತೇಽನೇಕನೇತ್ರಾಯ ಹ್ಯನೇಕವಿಭವೇ ನಮಃ

॥ 2 ॥

ಶ್ಲೋಕ 4

ನಮಸ್ತೇಽನೇಕಕಣ್ಠಾಯ ಹ್ಯನೇಕಾಂಶಾಯ ತೇ ನಮಃ ।

ನಮೋಸ್ತ್ವನೇಕೈಶ್ವರ್ಯಾಯ ಹ್ಯನೇಕದಿವ್ಯತೇಜಸೇ

॥ 3 ॥

ಶ್ಲೋಕ 5

ಅನೇಕಾಯುಧಯುಕ್ತಾಯ ಹ್ಯನೇಕಸುರಸೇವಿನೇ ।

ಅನೇಕಗುಣಯುಕ್ತಾಯ ಮಹಾದೇವಾಯ ತೇ ನಮಃ

॥ 4 ॥

ಶ್ಲೋಕ 6

ನಮೋ ದಾರಿದ್ರ್ಯಕಾಲಾಯ ಮಹಾಸಮ್ಪತ್ಪ್ರದಾಯಿನೇ ।

ಶ್ರೀಭೈರವೀಪ್ರಯುಕ್ತಾಯ ತ್ರಿಲೋಕೇಶಾಯ ತೇ ನಮಃ

॥ 5 ॥

ಶ್ಲೋಕ 7

ದಿಗಮ್ಬರ ನಮಸ್ತುಭ್ಯಂ ದಿಗೀಶಾಯ ನಮೋ ನಮಃ ।

ನಮೋಽಸ್ತು ದೈತ್ಯಕಾಲಾಯ ಪಾಪಕಾಲಾಯ ತೇ ನಮಃ

॥ 6 ॥

ಶ್ಲೋಕ 8

ಸರ್ವಜ್ಞಾಯ ನಮಸ್ತುಭ್ಯಂ ನಮಸ್ತೇ ದಿವ್ಯಚಕ್ಷುಷೇ ।

ಅಜಿತಾಯ ನಮಸ್ತುಭ್ಯಂ ಜಿತಾಮಿತ್ರಾಯ ತೇ ನಮಃ

॥ 7 ॥

ಶ್ಲೋಕ 9

ನಮಸ್ತೇ ರುದ್ರಪುತ್ರಾಯ ಗಣನಾಥಾಯ ತೇ ನಮಃ ।

ನಮಸ್ತೇ ವೀರವೀರಾಯ ಮಹಾವೀರಾಯ ತೇ ನಮಃ

॥ 8 ॥

ಶ್ಲೋಕ 10

ನಮೋಽಸ್ತ್ವನನ್ತವೀರ್ಯಾಯ ಮಹಾಘೋರಾಯ ತೇ ನಮಃ ।

ನಮಸ್ತೇ ಘೋರಘೋರಾಯ ವಿಶ್ವಘೋರಾಯ ತೇ ನಮಃ

॥ 9 ॥

ಶ್ಲೋಕ 11

ನಮಃ ಉಗ್ರಾಯ ಶಾನ್ತಾಯ ಭಕ್ತೇಭ್ಯಃ ಶಾನ್ತಿದಾಯಿನೇ ।

ಗುರವೇ ಸರ್ವಲೋಕಾನಾಂ ನಮಃ ಪ್ರಣವ ರೂಪಿಣೇ

॥ 10 ॥

ಶ್ಲೋಕ 12

ನಮಸ್ತೇ ವಾಗ್ಭವಾಖ್ಯಾಯ ದೀರ್ಘಕಾಮಾಯ ತೇ ನಮಃ ।

ನಮಸ್ತೇ ಕಾಮರಾಜಾಯ ಯೋಷಿತ್ಕಾಮಾಯ ತೇ ನಮಃ

॥ 11 ॥

ಶ್ಲೋಕ 13

ದೀರ್ಘಮಾಯಾಸ್ವರೂಪಾಯ ಮಹಾಮಾಯಾಪತೇ ನಮಃ ।

ಸೃಷ್ಟಿಮಾಯಾಸ್ವರೂಪಾಯ ವಿಸರ್ಗಾಯ ಸಮ್ಯಾಯಿನೇ

॥ 12 ॥

ಶ್ಲೋಕ 14

ರುದ್ರಲೋಕೇಶಪೂಜ್ಯಾಯ ಹ್ಯಾಪದುದ್ಧಾರಣಾಯ ಚ ।

ನಮೋಽಜಾಮಲಬದ್ಧಾಯ ಸುವರ್ಣಾಕರ್ಷಣಾಯ ತೇ

॥ 13 ॥

ಶ್ಲೋಕ 15

ನಮೋ ನಮೋ ಭೈರವಾಯ ಮಹಾದಾರಿದ್ರ್ಯನಾಶಿನೇ ।

ಉನ್ಮೂಲನಕರ್ಮಠಾಯ ಹ್ಯಲಕ್ಷ್ಮ್ಯಾ ಸರ್ವದಾ ನಮಃ

॥ 14 ॥

ಶ್ಲೋಕ 16

ನಮೋ ಲೋಕತ್ರಯೇಶಾಯ ಸ್ವಾನನ್ದನಿಹಿತಾಯ ತೇ ।

ನಮಃ ಶ್ರೀಬೀಜರೂಪಾಯ ಸರ್ವಕಾಮಪ್ರದಾಯಿನೇ

॥ 15 ॥

ಶ್ಲೋಕ 17

ನಮೋ ಮಹಾಭೈರವಾಯ ಶ್ರೀರೂಪಾಯ ನಮೋ ನಮಃ ।

ಧನಾಧ್ಯಕ್ಷ ನಮಸ್ತುಭ್ಯಂ ಶರಣ್ಯಾಯ ನಮೋ ನಮಃ

॥ 16 ॥

ಶ್ಲೋಕ 18

ನಮಃ ಪ್ರಸನ್ನರೂಪಾಯ ಹ್ಯಾದಿದೇವಾಯ ತೇ ನಮಃ ।

ನಮಸ್ತೇ ಮನ್ತ್ರರೂಪಾಯ ನಮಸ್ತೇ ರತ್ನರೂಪಿಣೇ

॥ 17 ॥

ಶ್ಲೋಕ 19

ನಮಸ್ತೇ ಸ್ವರ್ಣರೂಪಾಯ ಸುವರ್ಣಾಯ ನಮೋ ನಮಃ ।

ನಮಃ ಸುವರ್ಣವರ್ಣಾಯ ಮಹಾಪುಣ್ಯಾಯ ತೇ ನಮಃ

॥ 18 ॥

ಶ್ಲೋಕ 20

ನಮಃ ಶುದ್ಧಾಯ ಬುದ್ಧಾಯ ನಮಃ ಸಂಸಾರತಾರಿಣೇ ।

ನಮೋ ದೇವಾಯ ಗುಹ್ಯಾಯ ಪ್ರಬಲಾಯ ನಮೋ ನಮಃ

॥ 19 ॥

ಶ್ಲೋಕ 21

ನಮಸ್ತೇ ಬಲರೂಪಾಯ ಪರೇಷಾಂ ಬಲನಾಶಿನೇ ।

ನಮಸ್ತೇ ಸ್ವರ್ಗಸಂಸ್ಥಾಯ ನಮೋ ಭೂರ್ಲೋಕವಾಸಿನೇ

॥ 20 ॥

ಶ್ಲೋಕ 22

ನಮಃ ಪಾತಾಲವಾಸಾಯ ನಿರಾಧಾರಾಯ ತೇ ನಮಃ ।

ನಮೋ ನಮಃ ಸ್ವತನ್ತ್ರಾಯ ಹ್ಯನನ್ತಾಯ ನಮೋ ನಮಃ

॥ 21 ॥

ಶ್ಲೋಕ 23

ದ್ವಿಭುಜಾಯ ನಮಸ್ತುಭ್ಯಂ ಭುಜತ್ರಯಸುಶೋಭಿನೇ ।

ನಮೋಽಣಿಮಾದಿಸಿದ್ಧಾಯ ಸ್ವರ್ಣಹಸ್ತಾಯ ತೇ ನಮಃ

॥ 22 ॥

ಶ್ಲೋಕ 24

ಪೂರ್ಣಚನ್ದ್ರಪ್ರತೀಕಾಶವದನಾಮ್ಭೋಜಶೋಭಿನೇ ।

ನಮಸ್ತೇ ಸ್ವರ್ಣರೂಪಾಯ ಸ್ವರ್ಣಾಲಙ್ಕಾರಶೋಭಿನೇ

॥ 23 ॥

ಶ್ಲೋಕ 25

ನಮಃ ಸ್ವರ್ಣಾಕರ್ಷಣಾಯ ಸ್ವರ್ಣಾಭಾಯ ಚ ತೇ ನಮಃ ।

ನಮಸ್ತೇ ಸ್ವರ್ಣಕಣ್ಠಾಯ ಸ್ವರ್ಣಾಲಙ್ಕಾರಧಾರಿಣೇ

॥ 24 ॥

ಶ್ಲೋಕ 26

ಸ್ವರ್ಣಸಿಂಹಾಸನಸ್ಥಾಯ ಸ್ವರ್ಣಪಾದಾಯ ತೇ ನಮಃ ।

ನಮಃ ಸ್ವರ್ಣಾಭಪಾರಾಯ ಸ್ವರ್ಣಕಾಞ್ಚೀಸುಶೋಭಿನೇ

॥ 25 ॥

ಶ್ಲೋಕ 27

ನಮಸ್ತೇ ಸ್ವರ್ಣಜಙ್ಘಾಯ ಭಕ್ತಕಾಮದುಘಾತ್ಮನೇ ।

ನಮಸ್ತೇ ಸ್ವರ್ಣಭಕ್ತಾನಾಂ ಕಲ್ಪವೃಕ್ಷಸ್ವರೂಪಿಣೇ

॥ 26 ॥

ಶ್ಲೋಕ 28

ಚಿನ್ತಾಮಣಿಸ್ವರೂಪಾಯ ನಮೋ ಬ್ರಹ್ಮಾದಿಸೇವಿನೇ ।

ಕಲ್ಪದ್ರುಮಾಧಃಸಂಸ್ಥಾಯ ಬಹುಸ್ವರ್ಣಪ್ರದಾಯಿನೇ

॥ 27 ॥

ಶ್ಲೋಕ 29

ನಮೋ ಹೇಮಾದಿಕರ್ಷಾಯ ಭೈರವಾಯ ನಮೋ ನಮಃ ।

ಸ್ತವೇನಾನೇನ ಸನ್ತುಷ್ಟೋ ಭವ ಲೋಕೇಶಭೈರವ

॥ 28 ॥

ಶ್ಲೋಕ 30

ಪಶ್ಯ ಮಾಂ ಕರುಣಾವಿಷ್ಟ ಶರಣಾಗತವತ್ಸಲ ।

ಶ್ರೀಭೈರವ ಧನಾಧ್ಯಕ್ಷ ಶರಣಂ ತ್ವಾಂ ಭಜಾಮ್ಯಹಮ್ ।

ಪ್ರಸೀದ ಸಕಲಾನ್ ಕಾಮಾನ್ ಪ್ರಯಚ್ಛ ಮಮ ಸರ್ವದಾ

॥ 29 ॥

ಶ್ಲೋಕ 31

ಫಲಶ್ರುತಿಃ

ಶ್ರೀಮಹಾಭೈರವಸ್ಯೇದಂ ಸ್ತೋತ್ರಸೂಕ್ತಂ ಸುದುರ್ಲಭಮ್ ।

ಮನ್ತ್ರಾತ್ಮಕಂ ಮಹಾಪುಣ್ಯಂ ಸರ್ವೈಶ್ವರ್ಯಪ್ರದಾಯಕಮ್

॥ 30 ॥

ಶ್ಲೋಕ 32

ಯಃ ಪಠೇನ್ನಿತ್ಯಮೇಕಾಗ್ರಂ ಪಾತಕೈಃ ಸ ವಿಮುಚ್ಯತೇ ।

ಲಭತೇ ಚಾಮಲಾಲಕ್ಷ್ಮೀಮಷ್ಟೈಶ್ವರ್ಯಮವಾಪ್ನುಯಾತ್

॥ 31 ॥

ಶ್ಲೋಕ 33

ಚಿನ್ತಾಮಣಿಮವಾಪ್ನೋತಿ ಧೇನು ಕಲ್ಪತರುಂ ಧೃವಮ್ ।

ಸ್ವರ್ಣರಾಶಿಮವಾಪ್ನೋತಿ ಸಿದ್ಧಿಮೇವ ಸ ಮಾನವಃ

॥ 32 ॥

ಶ್ಲೋಕ 34

ಸನ್ಧ್ಯಾಯಾಂ ಯಃ ಪಠೇತ್ ಸ್ತೋತ್ರಂ ದಶಾವೃತ್ಯಾ ನರೋತ್ತಮೈಃ ।

ಸ್ವಪ್ನೇ ಶ್ರೀಭೈರವಸ್ತಸ್ಯ ಸಾಕ್ಷಾದ್ಭೂತ್ವಾ ಜಗದ್ಗುರುಃ

॥ 33 ॥

ಶ್ಲೋಕ 35

ಸ್ವರ್ಣರಾಶಿ ದದಾತ್ಯೇವ ತತ್‍ಕ್ಷಣಾನ್ನಾಸ್ತಿ ಸಂಶಯಃ ।

ಸರ್ವದಾ ಯಃ ಪಠೇತ್ ಸ್ತೋತ್ರಂ ಭೈರವಸ್ಯ ಮಹಾತ್ಮನಃ

॥ 34 ॥

ಶ್ಲೋಕ 36

ಲೋಕತ್ರಯಂ ವಶೀಕುರ್ಯಾದಚಲಾಂ ಶ್ರಿಯಮವಾಪ್ನುಯಾತ್ ।

ನ ಭಯಂ ಲಭತೇ ಕ್ವಾಪಿ ವಿಘ್ನಭೂತಾದಿಸಮ್ಭವ

॥ 35 ॥

ಶ್ಲೋಕ 37

ಮ್ರಿಯನ್ತೇ ಶತ್ರವೋಽವಶ್ಯಮಲಕ್ಷ್ಮೀನಾಶಮಾಪ್ನುಯಾತ್ ।

ಅಕ್ಷಯಂ ಲಭತೇ ಸೌಖ್ಯಂ ಸರ್ವದಾ ಮಾನವೋತ್ತಮಃ

॥ 36 ॥

ಶ್ಲೋಕ 38

ಅಷ್ಟಪಞ್ಚಾಶತಾಣಢ್ಯೋ ಮನ್ತ್ರರಾಜಃ ಪ್ರಕೀರ್ತಿತಃ ।

ದಾರಿದ್ರ್ಯದುಃಖಶಮನಂ ಸ್ವರ್ಣಾಕರ್ಷಣಕಾರಕಃ

॥ 37 ॥

ಶ್ಲೋಕ 39

ಯ ಯೇನ ಸಞ್ಜಪೇತ್ ಧೀಮಾನ್ ಸ್ತೋತ್ರಂ ವಾ ಪ್ರಪಠೇತ್ ಸದಾ ।

ಮಹಾಭೈರವಸಾಯುಜ್ಯಂ ಸ್ವಾನ್ತಕಾಲೇ ಭವೇದ್ಧ್ರುವಮ್

॥ 38 ॥

ಶ್ಲೋಕ 40

ಇತಿ ರುದ್ರಯಾಮಲ ತನ್ತ್ರೇ ಸ್ವರ್ಣಾಕರ್ಷಣ ಭೈರವ ಸ್ತೋತ್ರಮ್ ॥