ശ്രീ സുബ്രഹ്മണ്യ മങ്ഗലാഷ്ടകമ്

ശ്രീ സുബ്രഹ്മണ്യ മങ്ഗലാഷ്ടകമ്

ശ്ലോക 1

ശിവയോസ്തനുജായാസ്തു ശ്രിതമന്ദാരശാഖിനേ ।

ശിഖിവര്യതുരങ്ഗായ സുബ്രഹ്മണ്യായ മങ്ഗലമ്

ശ്ലോക 2

ഭക്താഭീഷ്ടപ്രദായാസ്തു ഭവരോഗവിനാശിനേ ।

രാജരാജാദിവന്ദ്യായ രണധീരായ മങ്ഗലമ്

॥ 1 ॥

ശ്ലോക 3

ശൂരപദ്മാദിദൈതേയതമിസ്രകുലഭാനവേ ।

താരകാസുരകാലായ ബാലകായാസ്തു മങ്ഗലമ്

॥ 2 ॥

ശ്ലോക 4

വല്ലീവദനരാജീവ മധുപായ മഹാത്മനേ ।

ഉല്ലസന്മണികോടീരഭാസുരായാസ്തു മങ്ഗലമ്

॥ 3 ॥

ശ്ലോക 5

കന്ദര്പകോടിലാവണ്യനിധയേ കാമദായിനേ ।

കുലിശായുധഹസ്തായ കുമാരായാസ്തു മങ്ഗലമ്

॥ 4 ॥

ശ്ലോക 6

മുക്താഹാരലസത്കണ്ഠരാജയേ മുക്തിദായിനേ ।

ദേവസേനാസമേതായ ദൈവതായാസ്തു മങ്ഗലമ്

॥ 5 ॥

ശ്ലോക 7

കനകാമ്ബരസംശോഭികടയേ കലിഹാരിണേ ।

കമലാപതിവന്ദ്യായ കാര്തികേയായ മങ്ഗലമ്

॥ 6 ॥

ശ്ലോക 8

ശരകാനനജാതായ ശൂരായ ശുഭദായിനേ ।

ശീതഭാനുസമാസ്യായ ശരണ്യായാസ്തു മങ്ഗലമ്

॥ 7 ॥

ശ്ലോക 9

മങ്ഗലാഷ്ടകമേതദ്യേ മഹാസേനസ്യ മാനവാഃ ।

പഠന്തീ പ്രത്യഹം ഭക്ത്യാ പ്രാപ്നുയുസ്തേ പരാം ശ്രിയമ്

॥ 8 ॥

ശ്ലോക 10

ഇതി ശ്രീ സുബ്രഹ്മണ്യ മങ്ഗലാഷ്ടകമ് ।