ശ്രീ ശ്രീശൈല മല്ലികാര്ജുന സുപ്രഭാതമ്

ശ്രീ ശ്രീശൈല മല്ലികാര്ജുന സുപ്രഭാതമ്

ശ്ലോക 1

പ്രാതസ്സ്മരാമി ഗണനാഥമനാഥബന്ധും

സിന്ദൂരപൂരപരിശോഭിതഗണ്ഡയുഗ്മമ് ।

ഉദ്ദണ്ഡവിഘ്നപരിഖണ്ഡനചണ്ഡദണ്ഡ-

മാഖണ്ഡലാദിസുരനായകവൃന്ദവന്ദ്യമ്

ശ്ലോക 2

കലാഭ്യാം ചൂഡാലങ്കൃതശശികലാഭ്യാം നിജതപഃ

ഫലാഭ്യാം ഭക്തേഷു പ്രകടിതഫലാഭ്യാം ഭവതു മേ ।

ശിവാഭ്യാമാസ്തീകത്രിഭുവനശിവാഭ്യാം ഹൃദി പുന-

ര്ഭവാഭ്യാമാനന്ദസ്ഫുരദനുഭവാഭ്യാം നതിരിയമ്

॥ 1॥

ശ്ലോക 3

നമസ്തേ നമസ്തേ മഹാദേവ! ശമ്ഭോ!

നമസ്തേ നമസ്തേ ദയാപൂര്ണസിന്ധോ!

നമസ്തേ നമസ്തേ പ്രപന്നാത്മബന്ധോ!

നമസ്തേ നമസ്തേ നമസ്തേ മഹേശ

॥ 2॥

ശ്ലോക 4

ശശ്വച്ഛ്രീഗിരിമൂര്ധനി ത്രിജഗതാം രക്ഷാകൃതൌ ലക്ഷിതാം

സാക്ഷാദക്ഷതസത്കടാക്ഷസരണിശ്രീമത്സുധാവര്ഷിണീമ് ।

സോമാര്ധാങ്കിതമസ്തകാം പ്രണമതാം നിസ്സീമസമ്പത്പ്രദാം

സുശ്ലോകാം ഭ്രമരാമ്ബികാം സ്മിതമുഖീം ശമ്ഭോസ്സഖീം ത്വാം സ്തുമഃ

॥ 3॥

ശ്ലോക 5

മാതഃ! പ്രസീദ, സദയാ ഭവ, ഭവ്യശീലേ !

ലീലാലവാകുലിതദൈത്യകുലാപഹാരേ !

ശ്രീചക്രരാജനിലയേ ! ശ്രുതിഗീതകീര്തേ !

ശ്രീശൈലനാഥദയിതേ ! തവ സുപ്രഭാതമ്

॥ 4॥

ശ്ലോക 6

ശമ്ഭോ ! സുരേന്ദ്രനുത ! ശങ്കര ! ശൂലപാണേ !

ചന്ദ്രാവതംസ ! ശിവ ! ശര്വ ! പിനാകപാണേ !

ഗങ്ഗാധര ! ക്രതുപതേ ! ഗരുഡധ്വജാപ്ത !

ശ്രീമല്ലികാര്ജുന വിഭോ ! തവ സുപ്രഭാതമ്

॥ 5॥

ശ്ലോക 7

വിശ്വേശ ! വിശ്വജനസേവിത ! വിശ്വമൂര്തേ !

വിശ്വമ്ഭര ! ത്രിപുരഭേദന ! വിശ്വയോനേ !

ഫാലാക്ഷ ! ഭവ്യഗുണ ! ഭോഗിവിഭൂഷണേശ !

ശ്രീമല്ലികാര്ജുന വിഭോ ! തവ സുപ്രഭാതമ്

॥ 6॥

ശ്ലോക 8

കല്യാണരൂപ ! കരുണാകര ! കാലകണ്ഠ !

കല്പദ്രുമപ്രസവപൂജിത ! കാമദായിന് !

ദുര്നീതിദൈത്യദലനോദ്യത ! ദേവ ദേവ !

ശ്രീമല്ലികാര്ജുന വിഭോ ! തവ സുപ്രഭാതമ്

॥ 7॥

ശ്ലോക 9

ഗൌരീമനോഹര ! ഗണേശ്വരസേവിതാങ്ഘ്രേ !

ഗന്ധര്വയക്ഷസുരകിന്നരഗീതകീര്തേ !

ഗണ്ഡാവലമ്ബിഫണികുണ്ഡലമണ്ഡിതാസ്യ !

ശ്രീമല്ലികാര്ജുന വിഭോ ! തവ സുപ്രഭാതമ്

॥ 8॥

ശ്ലോക 10

നാഗേന്ദ്രഭൂഷണ ! നിരീഹിത ! നിര്വികാര !

നിര്മായ ! നിശ്ചല ! നിരര്ഗല ! നാഗഭേദിന് ।

നാരായണീപ്രിയ ! നതേഷ്ടദ ! നിര്മലാത്മന് !

ശ്രീപര്വതാധിപ ! വിഭോ ! തവ സുപ്രഭാതമ്

॥ 9॥

ശ്ലോക 11

സൃഷ്ടം ത്വയൈവ ജഗദേതദശേഷമീശ !

രക്ഷാവിധിശ്ച വിധിഗോചര ! താവകീനഃ ।

സംഹാരശക്തിരപി ശങ്കര ! കിങ്കരീ തേ

ശ്രീശൈലശേഖര വിഭോ ! തവ സുപ്രഭാതമ്

॥ 10॥

ശ്ലോക 12

ഏകസ്ത്വമേവ ബഹുധാ ഭവ ! ഭാസി ലോകേ

നിശ്ശങ്കധീര്വൃഷഭകേതന ! മല്ലിനാഥ !

ശ്രീഭ്രാമരീപ്രയ ! സുഖാശ്രയ ! ലോകനാഥ !

ശ്രീശൈലശേഖര വിഭോ ! തവ സുപ്രഭാതമ്

॥ 11॥

ശ്ലോക 13

പാതാലഗാങ്ഗജലമജ്ജനനിര്മലാങ്ഗാഃ

ഭസ്മത്രിപുണ്ഡ്രസമലങ്കൃതഫാലഭാഗാഃ ।

ഗായന്തി ദേവമുനിഭക്തജനാ ഭവന്തം

ശ്രീമല്ലികാര്ജുന വിഭോ ! തവ സുപ്രഭാതമ്

॥ 12॥

ശ്ലോക 14

സാരസ്വതാമ്ബുയുതഭോഗവതീശ്രിതായാഃ

ബ്രഹ്മേശവിഷ്ണുഗിരിചുമ്ബിതകൃഷ്ണവേണ്യാഃ ।

സോപാനമാര്ഗമധിരുഹ്യ ഭജന്തി ഭക്താഃ

ശ്രീമല്ലികാര്ജുന വിഭോ ! തവ സുപ്രഭാതമ്

॥ 13॥

ശ്ലോക 15

ശ്രീമല്ലികാര്ജുനമഹേശ്വരസുപ്രഭാത-

സ്തോത്രം പഠന്തി ഭുവി യേ മനുജാഃ പ്രഭാതേ ।

തേ സര്വ സൌഖ്യമനുഭൂയ പരാനവാപ്യം

ശ്രീശാമ്ഭവം പദമവാപ്യ മുദം ലഭന്തേ

॥ 14॥

ശ്ലോക 16

ഇതി ശ്രീമല്ലികാര്ജുനസുപ്രഭാതം സമ്പൂര്ണമ് ।