শ্রী শ্রীশৈল মল্লিকার্জুন সুপ্রভাতম্

শ্রী শ্রীশৈল মল্লিকার্জুন সুপ্রভাতম্

শ্লোক 1

প্রাতস্স্মরামি গণনাথমনাথবন্ধুং

সিন্দূরপূরপরিশোভিতগণ্ডযুগ্মম্ ।

উদ্দণ্ডবিঘ্নপরিখণ্ডনচণ্ডদণ্ড-

মাখণ্ডলাদিসুরনাযকবৃন্দবন্দ্যম্

শ্লোক 2

কলাভ্যাং চূডালঙ্কৃতশশিকলাভ্যাং নিজতপঃ

ফলাভ্যাং ভক্তেষু প্রকটিতফলাভ্যাং ভবতু মে ।

শিবাভ্যামাস্তীকত্রিভুবনশিবাভ্যাং হৃদি পুন-

র্ভবাভ্যামানন্দস্ফুরদনুভবাভ্যাং নতিরিযম্

॥ 1॥

শ্লোক 3

নমস্তে নমস্তে মহাদেব! শম্ভো!

নমস্তে নমস্তে দযাপূর্ণসিন্ধো!

নমস্তে নমস্তে প্রপন্নাত্মবন্ধো!

নমস্তে নমস্তে নমস্তে মহেশ

॥ 2॥

শ্লোক 4

শশ্বচ্ছ্রীগিরিমূর্ধনি ত্রিজগতাং রক্ষাকৃতৌ লক্ষিতাং

সাক্ষাদক্ষতসত্কটাক্ষসরণিশ্রীমত্সুধাবর্ষিণীম্ ।

সোমার্ধাঙ্কিতমস্তকাং প্রণমতাং নিস্সীমসম্পত্প্রদাং

সুশ্লোকাং ভ্রমরাম্বিকাং স্মিতমুখীং শম্ভোস্সখীং ত্বাং স্তুমঃ

॥ 3॥

শ্লোক 5

মাতঃ! প্রসীদ, সদযা ভব, ভব্যশীলে !

লীলালবাকুলিতদৈত্যকুলাপহারে !

শ্রীচক্ররাজনিলযে ! শ্রুতিগীতকীর্তে !

শ্রীশৈলনাথদযিতে ! তব সুপ্রভাতম্

॥ 4॥

শ্লোক 6

শম্ভো ! সুরেন্দ্রনুত ! শঙ্কর ! শূলপাণে !

চন্দ্রাবতংস ! শিব ! শর্ব ! পিনাকপাণে !

গঙ্গাধর ! ক্রতুপতে ! গরুডধ্বজাপ্ত !

শ্রীমল্লিকার্জুন বিভো ! তব সুপ্রভাতম্

॥ 5॥

শ্লোক 7

বিশ্বেশ ! বিশ্বজনসেবিত ! বিশ্বমূর্তে !

বিশ্বম্ভর ! ত্রিপুরভেদন ! বিশ্বযোনে !

ফালাক্ষ ! ভব্যগুণ ! ভোগিবিভূষণেশ !

শ্রীমল্লিকার্জুন বিভো ! তব সুপ্রভাতম্

॥ 6॥

শ্লোক 8

কল্যাণরূপ ! করুণাকর ! কালকণ্ঠ !

কল্পদ্রুমপ্রসবপূজিত ! কামদাযিন্ !

দুর্নীতিদৈত্যদলনোদ্যত ! দেব দেব !

শ্রীমল্লিকার্জুন বিভো ! তব সুপ্রভাতম্

॥ 7॥

শ্লোক 9

গৌরীমনোহর ! গণেশ্বরসেবিতাঙ্ঘ্রে !

গন্ধর্বযক্ষসুরকিন্নরগীতকীর্তে !

গণ্ডাবলম্বিফণিকুণ্ডলমণ্ডিতাস্য !

শ্রীমল্লিকার্জুন বিভো ! তব সুপ্রভাতম্

॥ 8॥

শ্লোক 10

নাগেন্দ্রভূষণ ! নিরীহিত ! নির্বিকার !

নির্মায ! নিশ্চল ! নিরর্গল ! নাগভেদিন্ ।

নারাযণীপ্রিয ! নতেষ্টদ ! নির্মলাত্মন্ !

শ্রীপর্বতাধিপ ! বিভো ! তব সুপ্রভাতম্

॥ 9॥

শ্লোক 11

সৃষ্টং ত্বযৈব জগদেতদশেষমীশ !

রক্ষাবিধিশ্চ বিধিগোচর ! তাবকীনঃ ।

সংহারশক্তিরপি শঙ্কর ! কিঙ্করী তে

শ্রীশৈলশেখর বিভো ! তব সুপ্রভাতম্

॥ 10॥

শ্লোক 12

একস্ত্বমেব বহুধা ভব ! ভাসি লোকে

নিশ্শঙ্কধীর্বৃষভকেতন ! মল্লিনাথ !

শ্রীভ্রামরীপ্রয ! সুখাশ্রয ! লোকনাথ !

শ্রীশৈলশেখর বিভো ! তব সুপ্রভাতম্

॥ 11॥

শ্লোক 13

পাতালগাঙ্গজলমজ্জননির্মলাঙ্গাঃ

ভস্মত্রিপুণ্ড্রসমলঙ্কৃতফালভাগাঃ ।

গাযন্তি দেবমুনিভক্তজনা ভবন্তং

শ্রীমল্লিকার্জুন বিভো ! তব সুপ্রভাতম্

॥ 12॥

শ্লোক 14

সারস্বতাম্বুযুতভোগবতীশ্রিতাযাঃ

ব্রহ্মেশবিষ্ণুগিরিচুম্বিতকৃষ্ণবেণ্যাঃ ।

সোপানমার্গমধিরুহ্য ভজন্তি ভক্তাঃ

শ্রীমল্লিকার্জুন বিভো ! তব সুপ্রভাতম্

॥ 13॥

শ্লোক 15

শ্রীমল্লিকার্জুনমহেশ্বরসুপ্রভাত-

স্তোত্রং পঠন্তি ভুবি যে মনুজাঃ প্রভাতে ।

তে সর্ব সৌখ্যমনুভূয পরানবাপ্যং

শ্রীশাম্ভবং পদমবাপ্য মুদং লভন্তে

॥ 14॥

শ্লোক 16

ইতি শ্রীমল্লিকার্জুনসুপ্রভাতং সম্পূর্ণম্ ।