Sri Sita Rama Stotram

shrI sItArAma stotram

shloka 1

ayodhyApuranetAraM mithilApuranAyikAm |

rAghavANAmalaNkAraM vaidehAnAmalaNkriyAm || 1 ||

raghUNAM kuladIpaM cha nimInAM kuladIpikAm |

sUryavaMshasamudbhUtaM somavaMshasamudbhavAm || 2 ||

putraM dasharathasyAdyaM putrIM janakabhUpateH |

vashiShThAnumatAchAraM shatAnandamatAnugAm || 3 ||

kausalyAgarbhasambhUtaM vedigarbhoditAM svayam |

puNDarIkavishAlAkShaM sphuradindIvarekShaNAm || 4 ||

chandrakAntAnanAmbhojaM chandrabimbopamAnanAm |

mattamAta~NgagamanaM mattahaMsavadhUgatAm || 5 ||

chandanArdrabhujAmadhyaM ku~NkumArdrakuchasthalIm |

chApAlaNkRRitahastAbjaM padmAlaNkRRitapANikAm || 6 ||

sharaNAgatagoptAraM praNipAdaprasAdikAm |

kAlameghanibhaM rAmaM kArtasvarasamaprabhAm || 7 ||

divyasiMhAsanAsInaM divyasragvastrabhUShaNAm |

anukShaNaM kaTAkShAbhyAM anyonyekShaNakA~NkShiNau || 8 ||

anyonyasadRRishAkArau trailokyagRRihadampatI|

imau yuvAM praNamyAhaM bhajAmyadya kRRitArthatAm || 9 ||

anena stauti yaH stutyaM rAmaM sItAM cha bhaktitaH |

tasya tau tanutAM puNyAH sampadaH sakalArthadAH || 10 ||

evaM shrIrAmachandrasya jAnakyAshcha visheShataH |

kRRitaM hanUmatA puNyaM stotraM sadyo vimuktidam |

yaH paThetprAtarutthAya sarvAn kAmAnavApnuyAt || 11 ||

iti hanUmatkRRita-sItArAma stotraM sampUrNam ||