శ్రీ శఙ్కరాచార్య వర్యమ్

శ్రీ శఙ్కరాచార్య వర్యమ్

శ్లోక 1

॥ శ్రీశఙ్కరాచార్యస్తవః ॥

శ్రీశఙ్కరాచార్యవర్యం సర్వలోకైకవన్ద్యం భజే దేశికేన్ద్రమ్

ధర్మప్రచారేఽతిదక్షం యోగిగోవిన్దపాదాప్తసన్యాసదీక్షమ్ ।

దుర్వాదిగర్వాపనోదం పద్మపాదాదిశిష్యాలిసంసేవ్యపాదమ్

శ్లోక 2

(శ్రీశఙ్కరాచార్యవర్యం)

శఙ్కాద్రిదమ్భోలిలీలం కిఙ్కరాశేషశిష్యాలి సన్త్రాణశీలమ్ ।

బాలార్కనీకాశచేలం బోధితాశేషవేదాన్త గూఢార్థజాలమ్

॥1॥

శ్లోక 3

(శ్రీశఙ్కరాచార్యవర్యం)

రుద్రాక్షమాలావిభూషం చన్ద్రమౌలీశ్వరారాధనావాప్తతోషమ్ ।

విద్రావితాశేషదోషం భద్రపూగప్రదం భక్తలోకస్య నిత్యమ్

॥2॥

శ్లోక 4

(శ్రీశఙ్కరాచార్యవర్యం)

పాపాటవీచిత్రభానుం జ్ఞానదీపేన హార్దం తమో వారయన్తమ్ ।

ద్వైపాయనప్రీతిభాజం సర్వతాపాపహామోఘబోధప్రదం తమ్

॥3॥

శ్లోక 5

(శ్రీశఙ్కరాచార్యవర్యం)

రాజాధిరాజాభిపూజ్యం రమ్యశృఙ్గాద్రివాసైకలోలం యతీడ్యమ్ ।

రాకేన్దుసఙ్కాశవక్త్రం రత్నగర్భేభవక్త్రాఙ్ఘ్రిపూజానురక్తమ్

॥4॥

శ్లోక 6

(శ్రీశఙ్కరాచార్యవర్యం)

శ్రీభారతీతీర్థగీతం శఙ్కరార్యస్తవం యః పఠేద్భక్తియుక్తః ।

సోఽవాప్నుయాత్సర్వమిష్టం శఙ్కరాచార్యవర్యప్రసాదేన తూర్ణమ్

॥5॥

శ్లోక 7

(శ్రీశఙ్కరాచార్యవర్యం)