ಶ್ರೀ ಶಙ್ಕರಾಚಾರ್ಯ ವರ್ಯಮ್

ಶ್ರೀ ಶಙ್ಕರಾಚಾರ್ಯ ವರ್ಯಮ್

ಶ್ಲೋಕ 1

॥ ಶ್ರೀಶಙ್ಕರಾಚಾರ್ಯಸ್ತವಃ ॥

ಶ್ರೀಶಙ್ಕರಾಚಾರ್ಯವರ್ಯಂ ಸರ್ವಲೋಕೈಕವನ್ದ್ಯಂ ಭಜೇ ದೇಶಿಕೇನ್ದ್ರಮ್

ಧರ್ಮಪ್ರಚಾರೇಽತಿದಕ್ಷಂ ಯೋಗಿಗೋವಿನ್ದಪಾದಾಪ್ತಸನ್ಯಾಸದೀಕ್ಷಮ್ ।

ದುರ್ವಾದಿಗರ್ವಾಪನೋದಂ ಪದ್ಮಪಾದಾದಿಶಿಷ್ಯಾಲಿಸಂಸೇವ್ಯಪಾದಮ್

ಶ್ಲೋಕ 2

(ಶ್ರೀಶಙ್ಕರಾಚಾರ್ಯವರ್ಯಂ)

ಶಙ್ಕಾದ್ರಿದಮ್ಭೋಲಿಲೀಲಂ ಕಿಙ್ಕರಾಶೇಷಶಿಷ್ಯಾಲಿ ಸನ್ತ್ರಾಣಶೀಲಮ್ ।

ಬಾಲಾರ್ಕನೀಕಾಶಚೇಲಂ ಬೋಧಿತಾಶೇಷವೇದಾನ್ತ ಗೂಢಾರ್ಥಜಾಲಮ್

॥1॥

ಶ್ಲೋಕ 3

(ಶ್ರೀಶಙ್ಕರಾಚಾರ್ಯವರ್ಯಂ)

ರುದ್ರಾಕ್ಷಮಾಲಾವಿಭೂಷಂ ಚನ್ದ್ರಮೌಲೀಶ್ವರಾರಾಧನಾವಾಪ್ತತೋಷಮ್ ।

ವಿದ್ರಾವಿತಾಶೇಷದೋಷಂ ಭದ್ರಪೂಗಪ್ರದಂ ಭಕ್ತಲೋಕಸ್ಯ ನಿತ್ಯಮ್

॥2॥

ಶ್ಲೋಕ 4

(ಶ್ರೀಶಙ್ಕರಾಚಾರ್ಯವರ್ಯಂ)

ಪಾಪಾಟವೀಚಿತ್ರಭಾನುಂ ಜ್ಞಾನದೀಪೇನ ಹಾರ್ದಂ ತಮೋ ವಾರಯನ್ತಮ್ ।

ದ್ವೈಪಾಯನಪ್ರೀತಿಭಾಜಂ ಸರ್ವತಾಪಾಪಹಾಮೋಘಬೋಧಪ್ರದಂ ತಮ್

॥3॥

ಶ್ಲೋಕ 5

(ಶ್ರೀಶಙ್ಕರಾಚಾರ್ಯವರ್ಯಂ)

ರಾಜಾಧಿರಾಜಾಭಿಪೂಜ್ಯಂ ರಮ್ಯಶೃಙ್ಗಾದ್ರಿವಾಸೈಕಲೋಲಂ ಯತೀಡ್ಯಮ್ ।

ರಾಕೇನ್ದುಸಙ್ಕಾಶವಕ್ತ್ರಂ ರತ್ನಗರ್ಭೇಭವಕ್ತ್ರಾಙ್ಘ್ರಿಪೂಜಾನುರಕ್ತಮ್

॥4॥

ಶ್ಲೋಕ 6

(ಶ್ರೀಶಙ್ಕರಾಚಾರ್ಯವರ್ಯಂ)

ಶ್ರೀಭಾರತೀತೀರ್ಥಗೀತಂ ಶಙ್ಕರಾರ್ಯಸ್ತವಂ ಯಃ ಪಠೇದ್ಭಕ್ತಿಯುಕ್ತಃ ।

ಸೋಽವಾಪ್ನುಯಾತ್ಸರ್ವಮಿಷ್ಟಂ ಶಙ್ಕರಾಚಾರ್ಯವರ್ಯಪ್ರಸಾದೇನ ತೂರ್ಣಮ್

॥5॥

ಶ್ಲೋಕ 7

(ಶ್ರೀಶಙ್ಕರಾಚಾರ್ಯವರ್ಯಂ)