ಶ್ರೀ ರುದ್ರ ಕವಚಮ್

ಶ್ರೀ ರುದ್ರ ಕವಚಮ್

ಶ್ಲೋಕ 1

ಓಂ ಅಸ್ಯ ಶ್ರೀ ರುದ್ರ ಕವಚಸ್ತೋತ್ರ ಮಹಾಮನ್ತ್ರಸ್ಯ ದೂರ್ವಾಸೃಷಿಃ ಅನುಷ್ಠುಪ್ ಛನ್ದಃ ತ್ರ್ಯಮ್ಬಕ ರುದ್ರೋ ದೇವತಾ ಹ್ರಾಂ ಬೀಜಂ ಶ್ರೀಂ ಶಕ್ತಿಃ ಹ್ರೀಂ ಕೀಲಕಂ ಮಮ ಮನಸೋಽಭೀಷ್ಟಸಿದ್ಧ್ಯರ್ಥೇ ಜಪೇ ವಿನಿಯೋಗಃ ।

ಹ್ರಾಮಿತ್ಯಾದಿ ಷಡ್ಬೀಜೈಃ ಷಡಙ್ಗನ್ಯಾಸಃ ॥

ಧ್ಯಾನಮ್ ।

ಶಾನ್ತಂ ಪದ್ಮಾಸನಸ್ಥಂ ಶಶಿಧರಮಕುಟಂ ಪಞ್ಚವಕ್ತ್ರಂ ತ್ರಿನೇತ್ರಂ

ಶೂಲಂ ವಜ್ರಂ ಚ ಖಡ್ಗಂ ಪರಶುಮಭಯದಂ ದಕ್ಷಭಾಗೇ ವಹನ್ತಮ್ ।

ನಾಗಂ ಪಾಶಂ ಚ ಘಣ್ಟಾಂ ಪ್ರಲಯ ಹುತವಹಂ ಸಾಙ್ಕುಶಂ ವಾಮಭಾಗೇ

ನಾನಾಲಙ್ಕಾರಯುಕ್ತಂ ಸ್ಫಟಿಕಮಣಿನಿಭಂ ಪಾರ್ವತೀಶಂ ನಮಾಮಿ ॥

ದೂರ್ವಾಸ ಉವಾಚ ।

ಪ್ರಣಮ್ಯ ಶಿರಸಾ ದೇವಂ ಸ್ವಯಮ್ಭುಂ ಪರಮೇಶ್ವರಮ್ ।

ಏಕಂ ಸರ್ವಗತಂ ದೇವಂ ಸರ್ವದೇವಮಯಂ ವಿಭುಮ್

ಶ್ಲೋಕ 2

ರುದ್ರ ವರ್ಮ ಪ್ರವಕ್ಷ್ಯಾಮಿ ಅಙ್ಗ ಪ್ರಾಣಸ್ಯ ರಕ್ಷಯೇ ।

ಅಹೋರಾತ್ರಮಯಂ ದೇವಂ ರಕ್ಷಾರ್ಥಂ ನಿರ್ಮಿತಂ ಪುರಾ

॥ 1 ॥

ಶ್ಲೋಕ 3

ರುದ್ರೋ ಮೇ ಚಾಗ್ರತಃ ಪಾತು ಪಾತು ಪಾರ್ಶ್ವೌ ಹರಸ್ತಥಾ ।

ಶಿರೋ ಮೇ ಈಶ್ವರಃ ಪಾತು ಲಲಾಟಂ ನೀಲಲೋಹಿತಃ

॥ 2 ॥

ಶ್ಲೋಕ 4

ನೇತ್ರಯೋಸ್ತ್ರ್ಯಮ್ಬಕಃ ಪಾತು ಮುಖಂ ಪಾತು ಮಹೇಶ್ವರಃ ।

ಕರ್ಣಯೋಃ ಪಾತು ಮೇ ಶಮ್ಭುಃ ನಾಸಿಕಾಯಾಂ ಸದಾಶಿವಃ

॥ 3 ॥

ಶ್ಲೋಕ 5

ವಾಗೀಶಃ ಪಾತು ಮೇ ಜಿಹ್ವಾಂ ಓಷ್ಠೌ ಪಾತ್ವಮ್ಬಿಕಾಪತಿಃ ।

ಶ್ರೀಕಣ್ಠಃ ಪಾತು ಮೇ ಗ್ರೀವಾಂ ಬಾಹೂಂಶ್ಚೈವ ಪಿನಾಕಧೃತ್

॥ 4 ॥

ಶ್ಲೋಕ 6

ಹೃದಯಂ ಮೇ ಮಹಾದೇವಃ ಈಶ್ವರೋವ್ಯಾತ್ ಸ್ತನಾನ್ತರಮ್ ।

ನಾಭಿಂ ಕಟಿಂ ಚ ವಕ್ಷಶ್ಚ ಪಾತು ಸರ್ವಂ ಉಮಾಪತಿಃ

॥ 5 ॥

ಶ್ಲೋಕ 7

ಬಾಹುಮಧ್ಯಾನ್ತರಂ ಚೈವ ಸೂಕ್ಷ್ಮರೂಪಃ ಸದಾಶಿವಃ ।

ಸ್ವರಂ ರಕ್ಷತು ಸರ್ವೇಶೋ ಗಾತ್ರಾಣಿ ಚ ಯಥಾ ಕ್ರಮಮ್

॥ 6 ॥

ಶ್ಲೋಕ 8

ವಜ್ರಶಕ್ತಿಧರಂ ಚೈವ ಪಾಶಾಙ್ಕುಶಧರಂ ತಥಾ ।

ಗಣ್ಡಶೂಲಧರಂ ನಿತ್ಯಂ ರಕ್ಷತು ತ್ರಿದಶೇಶ್ವರಃ

॥ 7 ॥

ಶ್ಲೋಕ 9

ಪ್ರಸ್ಥಾನೇಷು ಪದೇ ಚೈವ ವೃಕ್ಷಮೂಲೇ ನದೀತಟೇ ।

ಸನ್ಧ್ಯಾಯಾಂ ರಾಜಭವನೇ ವಿರೂಪಾಕ್ಷಸ್ತು ಪಾತು ಮಾಮ್

॥ 8 ॥

ಶ್ಲೋಕ 10

ಶೀತೋಷ್ಣಾದಥ ಕಾಲೇಷು ತುಹಿ ನ ದ್ರುಮಕಣ್ಟಕೇ ।

ನಿರ್ಮನುಷ್ಯೇಽಸಮೇ ಮಾರ್ಗೇ ತ್ರಾಹಿ ಮಾಂ ವೃಷಭಧ್ವಜ

॥ 9 ॥

ಶ್ಲೋಕ 11

ಇತ್ಯೇತದ್ರುದ್ರಕವಚಂ ಪವಿತ್ರಂ ಪಾಪನಾಶನಮ್ ।

ಮಹಾದೇವಪ್ರಸಾದೇನ ದೂರ್ವಾಸೋ ಮುನಿಕಲ್ಪಿತಮ್

॥ 10 ॥

ಶ್ಲೋಕ 12

ಮಮಾಖ್ಯಾತಂ ಸಮಾಸೇನ ನ ಭಯಂ ವಿನ್ದತಿ ಕ್ವಚಿತ್ ।

ಪ್ರಾಪ್ನೋತಿ ಪರಮಾರೋಗ್ಯಂ ಪುಣ್ಯಮಾಯುಷ್ಯವರ್ಧನಮ್

॥ 11 ॥

ಶ್ಲೋಕ 13

ವಿದ್ಯಾರ್ಥೀ ಲಭತೇ ವಿದ್ಯಾಂ ಧನಾರ್ಥೀ ಲಭತೇ ಧನಮ್ ।

ಕನ್ಯಾರ್ಥೀ ಲಭತೇ ಕನ್ಯಾಂ ನ ಭಯಂ ವಿನ್ದತೇ ಕ್ವಚಿತ್

॥ 12 ॥

ಶ್ಲೋಕ 14

ಅಪುತ್ರೋ ಲಭತೇ ಪುತ್ರಂ ಮೋಕ್ಷಾರ್ಥೀ ಮೋಕ್ಷಮಾಪ್ನುಯಾತ್ ।

ತ್ರಾಹಿ ತ್ರಾಹಿ ಮಹಾದೇವ ತ್ರಾಹಿ ತ್ರಾಹಿ ತ್ರಯೀಮಯ

॥ 13 ॥

ಶ್ಲೋಕ 15

ತ್ರಾಹಿ ಮಾಂ ಪಾರ್ವತೀನಾಥ ತ್ರಾಹಿ ಮಾಂ ತ್ರಿಪುರನ್ತಕ ।

ಪಾಶಂ ಖಟ್ವಾಙ್ಗ ದಿವ್ಯಾಸ್ತ್ರಂ ತ್ರಿಶೂಲಂ ರುದ್ರಮೇವ ಚ

॥ 14 ॥

ಶ್ಲೋಕ 16

ನಮಸ್ಕರೋಮಿ ದೇವೇಶ ತ್ರಾಹಿ ಮಾಂ ಜಗದೀಶ್ವರ ।

ಶತ್ರುಮಧ್ಯೇ ಸಭಾಮಧ್ಯೇ ಗ್ರಾಮಮಧ್ಯೇ ಗೃಹಾನ್ತರೇ

॥ 15 ॥

ಶ್ಲೋಕ 17

ಗಮನಾಗಮನೇ ಚೈವ ತ್ರಾಹಿ ಮಾಂ ಭಕ್ತವತ್ಸಲ ।

ತ್ವಂ ಚಿತ್ತಂ ತ್ವಂ ಮಾನಸಂ ಚ ತ್ವಂ ಬುದ್ಧಿಸ್ತ್ವಂ ಪರಾಯಣಮ್

॥ 16 ॥

ಶ್ಲೋಕ 18

ಕರ್ಮಣಾ ಮನಸಾ ಚೈವ ತ್ವಂ ಬುದ್ಧಿಶ್ಚ ಯಥಾ ಸದಾ ।

ಜ್ವರಭಯಂ ಛಿನ್ದಿ ಸರ್ವಜ್ವರಭಯಂ ಛಿನ್ದಿ ಗ್ರಹಭಯಂ ಛಿನ್ದಿ

॥ 17 ॥

ಶ್ಲೋಕ 19

ಸರ್ವಶತ್ರೂನ್ನಿವರ್ತ್ಯಾಪಿ ಸರ್ವವ್ಯಾಧಿನಿವಾರಣಮ್ ।

ರುದ್ರಲೋಕಂ ಸ ಗಚ್ಛತಿ ರುದ್ರಲೋಕಂ ಸಗಚ್ಛತ್ಯೋನ್ನಮ ಇತಿ

॥ 18 ॥

ಶ್ಲೋಕ 20

ಇತಿ ಸ್ಕನ್ದಪುರಾಣೇ ದೂರ್ವಾಸ ಪ್ರೋಕ್ತಂ ಶ್ರೀ ರುದ್ರಕವಚಮ್ ॥