Sri Rama Bhujanga Prayaata Stotram

ශ්රී රාම භුජඞ්ග ප්රයාත ස්තෝත්රම්

ශ්ලොක 1

විශුද්ධං පරං සච්චිදානන්දරූපං

ගුණාධාරමාධාරහීනං වරේණ්යම් .

මහාන්තං විභාන්තං ගුහාන්තං ගුණාන්තං

සුඛාන්තං ස්වයං ධාම රාමං ප්රපද්යේ .. 1 ..

ශිවං නිත්යමේකං විභුං තාරකාඛ්යං

සුඛාකාරමාකාරශූන්යං සුමාන්යම් .

මහේශං කලේශං සුරේශං පරේශං

නරේශං නිරීශං මහීශං ප්රපද්යේ .. 2 ..

යදාවර්ණයත්කර්ණමූලේ(අ)න්තකාලේ

ශිවෝ රාම රාමේති රාමේති කාශ්යාම් .

තදේකං පරං තාරකබ්රහ්මරූපං

භජේ(අ)හං භජේ(අ)හං භජේ(අ)හං භජේ(අ)හම් .. 3 ..

මහාරත්නපීඨේ ශුභේ කල්පමූලේ

සුඛාසීනමාදිත්යකෝටිප්රකාශම් .

සදා ජානකීලක්ෂ්මණෝපේතමේකං

සදා රාමචන්ද්රං භජේ(අ)හං භජේ(අ)හම් .. 4 ..

ක්වණද්රත්නමඤ්ජීරපාදාරවින්දං

ලසන්මේඛලාචාරුපීතාම්බරාඪ්යම් .

මහාරත්නහාරෝල්ලසත්කෞස්තුභාඞ්ගං

නදච්චඤ්චරීමඤ්ජරීලෝලමාලම් .. 5 ..

ලසච්චන්ද්රිකාස්මේරශෝණාධරාභං

සමුද්යත්පතඞ්ගේන්දුකෝටිප්රකාශම් .

නමද්බ්රහ්මරුද්රාදිකෝටීරරත්න

ස්ඵුරත්කාන්තිනීරාජනාරාධිතාඞ්ඝ්රිම් .. 6 ..

පුරඃ ප්රාඤ්ජලීනාඤ්ජනේයාදිභක්තාන්

ස්වචින්මුද්රයා භද්රයා බෝධයන්තම් .

භජේ(අ)හං භජේ(අ)හං සදා රාමචන්ද්රං

ත්වදන්යං න මන්යේ න මන්යේ න මන්යේ .. 7 ..

යදා මත්සමීපං කෘතාන්තඃ සමේත්ය

ප්රචණ්ඩප්රකෝපෛර්භටෛර්භීෂයේන්මාම් .

තදාවිෂ්කරෝෂි ත්වදීයං ස්වරූපං

සදාපත්ප්රණාශං සකෝදණ්ඩබාණම් .. 8 ..

නිජේ මානසේ මන්දිරේ සන්නිධේහි

ප්රසීද ප්රසීද ප්රභෝ රාමචන්ද්ර .

සසෞමිත්රිණා කෛකයීනන්දනේන

ස්වශක්ත්යානුභක්ත්යා ච සංසේව්යමාන .. 9 ..

ස්වභක්තාග්රගණ්යෛඃ කපීශෛර්මහීශෛ-

-රනීකෛරනේකෛශ්ච රාම ප්රසීද .

නමස්තේ නමෝ(අ)ස්ත්වීශ රාම ප්රසීද

ප්රශාධි ප්රශාධි ප්රකාශං ප්රභෝ මාම් .. 10 ..

ත්වමේවාසි දෛවං පරං මේ යදේකං

සුචෛතන්යමේතත්ත්වදන්යං න මන්යේ .

යතෝ(අ)භූදමේයං වියද්වායුතේජෝ

ජලෝර්ව්යාදිකාර්යං චරං චාචරං ච .. 11 ..

නමඃ සච්චිදානන්දරූපාය තස්මෛ

නමෝ දේවදේවාය රාමාය තුභ්යම් .

නමෝ ජානකීජීවිතේශාය තුභ්යං

නමඃ පුණ්ඩරීකායතාක්ෂාය තුභ්යම් .. 12 ..

නමෝ භක්තියුක්තානුරක්තාය තුභ්යං

නමඃ පුණ්යපුඤ්ජෛකලභ්යාය තුභ්යම් .

නමෝ වේදවේද්යාය චාද්යාය පුංසේ

නමඃ සුන්දරායේන්දිරාවල්ලභාය .. 13 ..

නමෝ විශ්වකර්ත්රේ නමෝ විශ්වහර්ත්රේ

නමෝ විශ්වභෝක්ත්රේ නමෝ විශ්වමාත්රේ .

නමෝ විශ්වනේත්රේ නමෝ විශ්වජේත්රේ

නමෝ විශ්වපිත්රේ නමෝ විශ්වමාත්රේ .. 14 ..

නමස්තේ නමස්තේ සමස්තප්රපඤ්ච-

-ප්රභෝගප්රයෝගප්රමාණප්රවීණ .

මදීයං මනස්ත්වත්පදද්වන්ද්වසේවාං

විධාතුං ප්රවෘත්තං සුචෛතන්යසිද්ධ්යෛ .. 15 ..

ශිලාපි ත්වදඞ්ඝ්රික්ෂමාසඞ්ගිරේණු

ප්රසාදාද්ධි චෛතන්යමාධත්ත රාම .

නරස්ත්වත්පදද්වන්ද්වසේවාවිධානා-

-ත්සුචෛතන්යමේතීති කිං චිත්රමත්ර .. 16 ..

පවිත්රං චරිත්රං විචිත්රං ත්වදීයං

නරා යේ ස්මරන්ත්යන්වහං රාමචන්ද්ර .

භවන්තං භවාන්තං භරන්තං භජන්තෝ

ලභන්තේ කෘතාන්තං න පශ්යන්ත්යතෝ(අ)න්තේ .. 17 ..

ස පුණ්යඃ ස ගණ්යඃ ශරණ්යෝ මමායං

නරෝ වේද යෝ දේවචූඩාමණිං ත්වාම් .

සදාකාරමේකං චිදානන්දරූපං

මනෝවාගගම්යං පරං ධාම රාම .. 18 ..

ප්රචණ්ඩප්රතාපප්රභාවාභිභූත-

-ප්රභූතාරිවීර ප්රභෝ රාමචන්ද්ර .

බලං තේ කථං වර්ණ්යතේ(අ)තීව බාල්යේ

යතෝ(අ)ඛණ්ඩි චණ්ඩීශකෝදණ්ඩදණ්ඩම් .. 19 ..

දශග්රීවමුග්රං සපුත්රං සමිත්රං

සරිද්දුර්ගමධ්යස්ථරක්ෂෝගණේශම් .

භවන්තං විනා රාම වීරෝ නරෝ වා

සුරෝ වා(අ)මරෝ වා ජයේත්කස්ත්රිලෝක්යාම් .. 20 ..

සදා රාම රාමේති රාමාමෘතං තේ

සදාරාමමානන්දනිෂ්යන්දකන්දම් .

පිබන්තං නමන්තං සුදන්තං හසන්තං

හනූමන්තමන්තර්භජේ තං නිතාන්තම් .. 21 ..

සදා රාම රාමේති රාමාමෘතං තේ

සදාරාමමානන්දනිෂ්යන්දකන්දම් .

පිබන්නන්වහං නන්වහං නෛව මෘත්යෝ-

-ර්බිභේමි ප්රසාදාදසාදාත්තවෛව .. 22 ..

අසීතාසමේතෛරකෝදණ්ඩභූෂෛ-

-රසෞමිත්රිවන්ද්යෛරචණ්ඩප්රතාපෛඃ .

අලඞ්කේශකාලෛරසුග්රීවමිත්රෛ-

-රරාමාභිධේයෛරලං දෛවතෛර්නඃ .. 23 ..

අවීරාසනස්ථෛරචින්මුද්රිකාඪ්යෛ-

-රභක්තාඤ්ජනේයාදිතත්ත්වප්රකාශෛඃ .

අමන්දාරමූලෛරමන්දාරමාලෛ-

-රරාමාභිධේයෛරලං දෛවතෛර්නඃ .. 24 ..

අසින්ධුප්රකෝපෛරවන්ද්යප්රතාපෛ-

-රබන්ධුප්රයාණෛරමන්දස්මිතාඪ්යෛඃ .

අදණ්ඩප්රවාසෛරඛණ්ඩප්රබෝධෛ-

-රරාමාභිධේයෛරලං දෛවතෛර්නඃ .. 25 ..

හරේ රාම සීතාපතේ රාවණාරේ

ඛරාරේ මුරාරේ(අ)සුරාරේ පරේති .

ලපන්තං නයන්තං සදාකාලමේවං

සමාලෝකයාලෝකයාශේෂබන්ධෝ .. 26 ..

නමස්තේ සුමිත්රාසුපුත්රාභිවන්ද්ය

නමස්තේ සදා කෛකයීනන්දනේඩ්ය .

නමස්තේ සදා වානරාධීශවන්ද්ය

නමස්තේ නමස්තේ සදා රාමචන්ද්ර .. 27 ..

ප්රසීද ප්රසීද ප්රචණ්ඩප්රතාප

ප්රසීද ප්රසීද ප්රචණ්ඩාරිකාල .

ප්රසීද ප්රසීද ප්රපන්නානුකම්පින්

ප්රසීද ප්රසීද ප්රභෝ රාමචන්ද්ර .. 28 ..

භුජඞ්ගප්රයාතං පරං වේදසාරං

මුදා රාමචන්ද්රස්ය භක්ත්යා ච නිත්යම් .

පඨන්සන්තතං චින්තයන්ස්වාන්තරඞ්ගේ

ස ඒව ස්වයං රාමචන්ද්රඃ ස ධන්යඃ .. 29 ..

ඉති ශ්රීමච්ඡඞ්කරාචාර්ය කෘතං ශ්රී රාම භුජඞ්ගප්රයාත ස්තෝත්රම් .