ശ്രീ രാമ ഭുജങ്ഗ പ്രയാത സ്തോത്രമ്

ശ്രീ രാമ ഭുജങ്ഗ പ്രയാത സ്തോത്രമ്

ശ്ലോക 1

വിശുദ്ധം പരം സച്ചിദാനന്ദരൂപം

ഗുണാധാരമാധാരഹീനം വരേണ്യമ് ।

മഹാന്തം വിഭാന്തം ഗുഹാന്തം ഗുണാന്തം

സുഖാന്തം സ്വയം ധാമ രാമം പ്രപദ്യേ

ശ്ലോക 2

ശിവം നിത്യമേകം വിഭും താരകാഖ്യം

സുഖാകാരമാകാരശൂന്യം സുമാന്യമ് ।

മഹേശം കലേശം സുരേശം പരേശം

നരേശം നിരീശം മഹീശം പ്രപദ്യേ

॥ 1 ॥

ശ്ലോക 3

യദാവര്ണയത്കര്ണമൂലേഽന്തകാലേ

ശിവോ രാമ രാമേതി രാമേതി കാശ്യാമ് ।

തദേകം പരം താരകബ്രഹ്മരൂപം

ഭജേഽഹം ഭജേഽഹം ഭജേഽഹം ഭജേഽഹമ്

॥ 2 ॥

ശ്ലോക 4

മഹാരത്നപീഠേ ശുഭേ കല്പമൂലേ

സുഖാസീനമാദിത്യകോടിപ്രകാശമ് ।

സദാ ജാനകീലക്ഷ്മണോപേതമേകം

സദാ രാമചന്ദ്രം ഭജേഽഹം ഭജേഽഹമ്

॥ 3 ॥

ശ്ലോക 5

ക്വണദ്രത്നമഞ്ജീരപാദാരവിന്ദം

ലസന്മേഖലാചാരുപീതാമ്ബരാഢ്യമ് ।

മഹാരത്നഹാരോല്ലസത്കൌസ്തുഭാങ്ഗം

നദച്ചഞ്ചരീമഞ്ജരീലോലമാലമ്

॥ 4 ॥

ശ്ലോക 6

ലസച്ചന്ദ്രികാസ്മേരശോണാധരാഭം

സമുദ്യത്പതങ്ഗേന്ദുകോടിപ്രകാശമ് ।

നമദ്ബ്രഹ്മരുദ്രാദികോടീരരത്ന

സ്ഫുരത്കാന്തിനീരാജനാരാധിതാങ്ഘ്രിമ്

॥ 5 ॥

ശ്ലോക 7

പുരഃ പ്രാഞ്ജലീനാഞ്ജനേയാദിഭക്താന്

സ്വചിന്മുദ്രയാ ഭദ്രയാ ബോധയന്തമ് ।

ഭജേഽഹം ഭജേഽഹം സദാ രാമചന്ദ്രം

ത്വദന്യം ന മന്യേ ന മന്യേ ന മന്യേ

॥ 6 ॥

ശ്ലോക 8

യദാ മത്സമീപം കൃതാന്തഃ സമേത്യ

പ്രചണ്ഡപ്രകോപൈര്ഭടൈര്ഭീഷയേന്മാമ് ।

തദാവിഷ്കരോഷി ത്വദീയം സ്വരൂപം

സദാപത്പ്രണാശം സകോദണ്ഡബാണമ്

॥ 7 ॥

ശ്ലോക 9

നിജേ മാനസേ മന്ദിരേ സന്നിധേഹി

പ്രസീദ പ്രസീദ പ്രഭോ രാമചന്ദ്ര ।

സസൌമിത്രിണാ കൈകയീനന്ദനേന

സ്വശക്ത്യാനുഭക്ത്യാ ച സംസേവ്യമാന

॥ 8 ॥

ശ്ലോക 10

സ്വഭക്താഗ്രഗണ്യൈഃ കപീശൈര്മഹീശൈ-

-രനീകൈരനേകൈശ്ച രാമ പ്രസീദ ।

നമസ്തേ നമോഽസ്ത്വീശ രാമ പ്രസീദ

പ്രശാധി പ്രശാധി പ്രകാശം പ്രഭോ മാമ്

॥ 9 ॥

ശ്ലോക 11

ത്വമേവാസി ദൈവം പരം മേ യദേകം

സുചൈതന്യമേതത്ത്വദന്യം ന മന്യേ ।

യതോഽഭൂദമേയം വിയദ്വായുതേജോ

ജലോര്വ്യാദികാര്യം ചരം ചാചരം ച

॥ 10 ॥

ശ്ലോക 12

നമഃ സച്ചിദാനന്ദരൂപായ തസ്മൈ

നമോ ദേവദേവായ രാമായ തുഭ്യമ് ।

നമോ ജാനകീജീവിതേശായ തുഭ്യം

നമഃ പുണ്ഡരീകായതാക്ഷായ തുഭ്യമ്

॥ 11 ॥

ശ്ലോക 13

നമോ ഭക്തിയുക്താനുരക്തായ തുഭ്യം

നമഃ പുണ്യപുഞ്ജൈകലഭ്യായ തുഭ്യമ് ।

നമോ വേദവേദ്യായ ചാദ്യായ പുംസേ

നമഃ സുന്ദരായേന്ദിരാവല്ലഭായ

॥ 12 ॥

ശ്ലോക 14

നമോ വിശ്വകര്ത്രേ നമോ വിശ്വഹര്ത്രേ

നമോ വിശ്വഭോക്ത്രേ നമോ വിശ്വമാത്രേ ।

നമോ വിശ്വനേത്രേ നമോ വിശ്വജേത്രേ

നമോ വിശ്വപിത്രേ നമോ വിശ്വമാത്രേ

॥ 13 ॥

ശ്ലോക 15

നമസ്തേ നമസ്തേ സമസ്തപ്രപഞ്ച-

-പ്രഭോഗപ്രയോഗപ്രമാണപ്രവീണ ।

മദീയം മനസ്ത്വത്പദദ്വന്ദ്വസേവാം

വിധാതും പ്രവൃത്തം സുചൈതന്യസിദ്ധ്യൈ

॥ 14 ॥

ശ്ലോക 16

ശിലാപി ത്വദങ്ഘ്രിക്ഷമാസങ്ഗിരേണു

പ്രസാദാദ്ധി ചൈതന്യമാധത്ത രാമ ।

നരസ്ത്വത്പദദ്വന്ദ്വസേവാവിധാനാ-

-ത്സുചൈതന്യമേതീതി കിം ചിത്രമത്ര

॥ 15 ॥

ശ്ലോക 17

പവിത്രം ചരിത്രം വിചിത്രം ത്വദീയം

നരാ യേ സ്മരന്ത്യന്വഹം രാമചന്ദ്ര ।

ഭവന്തം ഭവാന്തം ഭരന്തം ഭജന്തോ

ലഭന്തേ കൃതാന്തം ന പശ്യന്ത്യതോഽന്തേ

॥ 16 ॥

ശ്ലോക 18

സ പുണ്യഃ സ ഗണ്യഃ ശരണ്യോ മമായം

നരോ വേദ യോ ദേവചൂഡാമണിം ത്വാമ് ।

സദാകാരമേകം ചിദാനന്ദരൂപം

മനോവാഗഗമ്യം പരം ധാമ രാമ

॥ 17 ॥

ശ്ലോക 19

പ്രചണ്ഡപ്രതാപപ്രഭാവാഭിഭൂത-

-പ്രഭൂതാരിവീര പ്രഭോ രാമചന്ദ്ര ।

ബലം തേ കഥം വര്ണ്യതേഽതീവ ബാല്യേ

യതോഽഖണ്ഡി ചണ്ഡീശകോദണ്ഡദണ്ഡമ്

॥ 18 ॥

ശ്ലോക 20

ദശഗ്രീവമുഗ്രം സപുത്രം സമിത്രം

സരിദ്ദുര്ഗമധ്യസ്ഥരക്ഷോഗണേശമ് ।

ഭവന്തം വിനാ രാമ വീരോ നരോ വാ

സുരോ വാഽമരോ വാ ജയേത്കസ്ത്രിലോക്യാമ്

॥ 19 ॥

ശ്ലോക 21

സദാ രാമ രാമേതി രാമാമൃതം തേ

സദാരാമമാനന്ദനിഷ്യന്ദകന്ദമ് ।

പിബന്തം നമന്തം സുദന്തം ഹസന്തം

ഹനൂമന്തമന്തര്ഭജേ തം നിതാന്തമ്

॥ 20 ॥

ശ്ലോക 22

സദാ രാമ രാമേതി രാമാമൃതം തേ

സദാരാമമാനന്ദനിഷ്യന്ദകന്ദമ് ।

പിബന്നന്വഹം നന്വഹം നൈവ മൃത്യോ-

-ര്ബിഭേമി പ്രസാദാദസാദാത്തവൈവ

॥ 21 ॥

ശ്ലോക 23

അസീതാസമേതൈരകോദണ്ഡഭൂഷൈ-

-രസൌമിത്രിവന്ദ്യൈരചണ്ഡപ്രതാപൈഃ ।

അലങ്കേശകാലൈരസുഗ്രീവമിത്രൈ-

-രരാമാഭിധേയൈരലം ദൈവതൈര്നഃ

॥ 22 ॥

ശ്ലോക 24

അവീരാസനസ്ഥൈരചിന്മുദ്രികാഢ്യൈ-

-രഭക്താഞ്ജനേയാദിതത്ത്വപ്രകാശൈഃ ।

അമന്ദാരമൂലൈരമന്ദാരമാലൈ-

-രരാമാഭിധേയൈരലം ദൈവതൈര്നഃ

॥ 23 ॥

ശ്ലോക 25

അസിന്ധുപ്രകോപൈരവന്ദ്യപ്രതാപൈ-

-രബന്ധുപ്രയാണൈരമന്ദസ്മിതാഢ്യൈഃ ।

അദണ്ഡപ്രവാസൈരഖണ്ഡപ്രബോധൈ-

-രരാമാഭിധേയൈരലം ദൈവതൈര്നഃ

॥ 24 ॥

ശ്ലോക 26

ഹരേ രാമ സീതാപതേ രാവണാരേ

ഖരാരേ മുരാരേഽസുരാരേ പരേതി ।

ലപന്തം നയന്തം സദാകാലമേവം

സമാലോകയാലോകയാശേഷബന്ധോ

॥ 25 ॥

ശ്ലോക 27

നമസ്തേ സുമിത്രാസുപുത്രാഭിവന്ദ്യ

നമസ്തേ സദാ കൈകയീനന്ദനേഡ്യ ।

നമസ്തേ സദാ വാനരാധീശവന്ദ്യ

നമസ്തേ നമസ്തേ സദാ രാമചന്ദ്ര

॥ 26 ॥

ശ്ലോക 28

പ്രസീദ പ്രസീദ പ്രചണ്ഡപ്രതാപ

പ്രസീദ പ്രസീദ പ്രചണ്ഡാരികാല ।

പ്രസീദ പ്രസീദ പ്രപന്നാനുകമ്പിന്

പ്രസീദ പ്രസീദ പ്രഭോ രാമചന്ദ്ര

॥ 27 ॥

ശ്ലോക 29

ഭുജങ്ഗപ്രയാതം പരം വേദസാരം

മുദാ രാമചന്ദ്രസ്യ ഭക്ത്യാ ച നിത്യമ് ।

പഠന്സന്തതം ചിന്തയന്സ്വാന്തരങ്ഗേ

സ ഏവ സ്വയം രാമചന്ദ്രഃ സ ധന്യഃ

॥ 28 ॥

ശ്ലോക 30

ഇതി ശ്രീമച്ഛങ്കരാചാര്യ കൃതം ശ്രീ രാമ ഭുജങ്ഗപ്രയാത സ്തോത്രമ് ।