શ્રી રામ ભુજઙ્ગ પ્રયાત સ્તોત્રમ્

શ્રી રામ ભુજઙ્ગ પ્રયાત સ્તોત્રમ્

શ્લોક 1

વિશુદ્ધં પરં સચ્ચિદાનન્દરૂપં

ગુણાધારમાધારહીનં વરેણ્યમ્ ।

મહાન્તં વિભાન્તં ગુહાન્તં ગુણાન્તં

સુખાન્તં સ્વયં ધામ રામં પ્રપદ્યે

શ્લોક 2

શિવં નિત્યમેકં વિભું તારકાખ્યં

સુખાકારમાકારશૂન્યં સુમાન્યમ્ ।

મહેશં કલેશં સુરેશં પરેશં

નરેશં નિરીશં મહીશં પ્રપદ્યે

॥ 1 ॥

શ્લોક 3

યદાવર્ણયત્કર્ણમૂલેઽન્તકાલે

શિવો રામ રામેતિ રામેતિ કાશ્યામ્ ।

તદેકં પરં તારકબ્રહ્મરૂપં

ભજેઽહં ભજેઽહં ભજેઽહં ભજેઽહમ્

॥ 2 ॥

શ્લોક 4

મહારત્નપીઠે શુભે કલ્પમૂલે

સુખાસીનમાદિત્યકોટિપ્રકાશમ્ ।

સદા જાનકીલક્ષ્મણોપેતમેકં

સદા રામચન્દ્રં ભજેઽહં ભજેઽહમ્

॥ 3 ॥

શ્લોક 5

ક્વણદ્રત્નમઞ્જીરપાદારવિન્દં

લસન્મેખલાચારુપીતામ્બરાઢ્યમ્ ।

મહારત્નહારોલ્લસત્કૌસ્તુભાઙ્ગં

નદચ્ચઞ્ચરીમઞ્જરીલોલમાલમ્

॥ 4 ॥

શ્લોક 6

લસચ્ચન્દ્રિકાસ્મેરશોણાધરાભં

સમુદ્યત્પતઙ્ગેન્દુકોટિપ્રકાશમ્ ।

નમદ્બ્રહ્મરુદ્રાદિકોટીરરત્ન

સ્ફુરત્કાન્તિનીરાજનારાધિતાઙ્ઘ્રિમ્

॥ 5 ॥

શ્લોક 7

પુરઃ પ્રાઞ્જલીનાઞ્જનેયાદિભક્તાન્

સ્વચિન્મુદ્રયા ભદ્રયા બોધયન્તમ્ ।

ભજેઽહં ભજેઽહં સદા રામચન્દ્રં

ત્વદન્યં ન મન્યે ન મન્યે ન મન્યે

॥ 6 ॥

શ્લોક 8

યદા મત્સમીપં કૃતાન્તઃ સમેત્ય

પ્રચણ્ડપ્રકોપૈર્ભટૈર્ભીષયેન્મામ્ ।

તદાવિષ્કરોષિ ત્વદીયં સ્વરૂપં

સદાપત્પ્રણાશં સકોદણ્ડબાણમ્

॥ 7 ॥

શ્લોક 9

નિજે માનસે મન્દિરે સન્નિધેહિ

પ્રસીદ પ્રસીદ પ્રભો રામચન્દ્ર ।

સસૌમિત્રિણા કૈકયીનન્દનેન

સ્વશક્ત્યાનુભક્ત્યા ચ સંસેવ્યમાન

॥ 8 ॥

શ્લોક 10

સ્વભક્તાગ્રગણ્યૈઃ કપીશૈર્મહીશૈ-

-રનીકૈરનેકૈશ્ચ રામ પ્રસીદ ।

નમસ્તે નમોઽસ્ત્વીશ રામ પ્રસીદ

પ્રશાધિ પ્રશાધિ પ્રકાશં પ્રભો મામ્

॥ 9 ॥

શ્લોક 11

ત્વમેવાસિ દૈવં પરં મે યદેકં

સુચૈતન્યમેતત્ત્વદન્યં ન મન્યે ।

યતોઽભૂદમેયં વિયદ્વાયુતેજો

જલોર્વ્યાદિકાર્યં ચરં ચાચરં ચ

॥ 10 ॥

શ્લોક 12

નમઃ સચ્ચિદાનન્દરૂપાય તસ્મૈ

નમો દેવદેવાય રામાય તુભ્યમ્ ।

નમો જાનકીજીવિતેશાય તુભ્યં

નમઃ પુણ્ડરીકાયતાક્ષાય તુભ્યમ્

॥ 11 ॥

શ્લોક 13

નમો ભક્તિયુક્તાનુરક્તાય તુભ્યં

નમઃ પુણ્યપુઞ્જૈકલભ્યાય તુભ્યમ્ ।

નમો વેદવેદ્યાય ચાદ્યાય પુંસે

નમઃ સુન્દરાયેન્દિરાવલ્લભાય

॥ 12 ॥

શ્લોક 14

નમો વિશ્વકર્ત્રે નમો વિશ્વહર્ત્રે

નમો વિશ્વભોક્ત્રે નમો વિશ્વમાત્રે ।

નમો વિશ્વનેત્રે નમો વિશ્વજેત્રે

નમો વિશ્વપિત્રે નમો વિશ્વમાત્રે

॥ 13 ॥

શ્લોક 15

નમસ્તે નમસ્તે સમસ્તપ્રપઞ્ચ-

-પ્રભોગપ્રયોગપ્રમાણપ્રવીણ ।

મદીયં મનસ્ત્વત્પદદ્વન્દ્વસેવાં

વિધાતું પ્રવૃત્તં સુચૈતન્યસિદ્ધ્યૈ

॥ 14 ॥

શ્લોક 16

શિલાપિ ત્વદઙ્ઘ્રિક્ષમાસઙ્ગિરેણુ

પ્રસાદાદ્ધિ ચૈતન્યમાધત્ત રામ ।

નરસ્ત્વત્પદદ્વન્દ્વસેવાવિધાના-

-ત્સુચૈતન્યમેતીતિ કિં ચિત્રમત્ર

॥ 15 ॥

શ્લોક 17

પવિત્રં ચરિત્રં વિચિત્રં ત્વદીયં

નરા યે સ્મરન્ત્યન્વહં રામચન્દ્ર ।

ભવન્તં ભવાન્તં ભરન્તં ભજન્તો

લભન્તે કૃતાન્તં ન પશ્યન્ત્યતોઽન્તે

॥ 16 ॥

શ્લોક 18

સ પુણ્યઃ સ ગણ્યઃ શરણ્યો મમાયં

નરો વેદ યો દેવચૂડામણિં ત્વામ્ ।

સદાકારમેકં ચિદાનન્દરૂપં

મનોવાગગમ્યં પરં ધામ રામ

॥ 17 ॥

શ્લોક 19

પ્રચણ્ડપ્રતાપપ્રભાવાભિભૂત-

-પ્રભૂતારિવીર પ્રભો રામચન્દ્ર ।

બલં તે કથં વર્ણ્યતેઽતીવ બાલ્યે

યતોઽખણ્ડિ ચણ્ડીશકોદણ્ડદણ્ડમ્

॥ 18 ॥

શ્લોક 20

દશગ્રીવમુગ્રં સપુત્રં સમિત્રં

સરિદ્દુર્ગમધ્યસ્થરક્ષોગણેશમ્ ।

ભવન્તં વિના રામ વીરો નરો વા

સુરો વાઽમરો વા જયેત્કસ્ત્રિલોક્યામ્

॥ 19 ॥

શ્લોક 21

સદા રામ રામેતિ રામામૃતં તે

સદારામમાનન્દનિષ્યન્દકન્દમ્ ।

પિબન્તં નમન્તં સુદન્તં હસન્તં

હનૂમન્તમન્તર્ભજે તં નિતાન્તમ્

॥ 20 ॥

શ્લોક 22

સદા રામ રામેતિ રામામૃતં તે

સદારામમાનન્દનિષ્યન્દકન્દમ્ ।

પિબન્નન્વહં નન્વહં નૈવ મૃત્યો-

-ર્બિભેમિ પ્રસાદાદસાદાત્તવૈવ

॥ 21 ॥

શ્લોક 23

અસીતાસમેતૈરકોદણ્ડભૂષૈ-

-રસૌમિત્રિવન્દ્યૈરચણ્ડપ્રતાપૈઃ ।

અલઙ્કેશકાલૈરસુગ્રીવમિત્રૈ-

-રરામાભિધેયૈરલં દૈવતૈર્નઃ

॥ 22 ॥

શ્લોક 24

અવીરાસનસ્થૈરચિન્મુદ્રિકાઢ્યૈ-

-રભક્તાઞ્જનેયાદિતત્ત્વપ્રકાશૈઃ ।

અમન્દારમૂલૈરમન્દારમાલૈ-

-રરામાભિધેયૈરલં દૈવતૈર્નઃ

॥ 23 ॥

શ્લોક 25

અસિન્ધુપ્રકોપૈરવન્દ્યપ્રતાપૈ-

-રબન્ધુપ્રયાણૈરમન્દસ્મિતાઢ્યૈઃ ।

અદણ્ડપ્રવાસૈરખણ્ડપ્રબોધૈ-

-રરામાભિધેયૈરલં દૈવતૈર્નઃ

॥ 24 ॥

શ્લોક 26

હરે રામ સીતાપતે રાવણારે

ખરારે મુરારેઽસુરારે પરેતિ ।

લપન્તં નયન્તં સદાકાલમેવં

સમાલોકયાલોકયાશેષબન્ધો

॥ 25 ॥

શ્લોક 27

નમસ્તે સુમિત્રાસુપુત્રાભિવન્દ્ય

નમસ્તે સદા કૈકયીનન્દનેડ્ય ।

નમસ્તે સદા વાનરાધીશવન્દ્ય

નમસ્તે નમસ્તે સદા રામચન્દ્ર

॥ 26 ॥

શ્લોક 28

પ્રસીદ પ્રસીદ પ્રચણ્ડપ્રતાપ

પ્રસીદ પ્રસીદ પ્રચણ્ડારિકાલ ।

પ્રસીદ પ્રસીદ પ્રપન્નાનુકમ્પિન્

પ્રસીદ પ્રસીદ પ્રભો રામચન્દ્ર

॥ 27 ॥

શ્લોક 29

ભુજઙ્ગપ્રયાતં પરં વેદસારં

મુદા રામચન્દ્રસ્ય ભક્ત્યા ચ નિત્યમ્ ।

પઠન્સન્તતં ચિન્તયન્સ્વાન્તરઙ્ગે

સ એવ સ્વયં રામચન્દ્રઃ સ ધન્યઃ

॥ 28 ॥

શ્લોક 30

ઇતિ શ્રીમચ્છઙ્કરાચાર્ય કૃતં શ્રી રામ ભુજઙ્ગપ્રયાત સ્તોત્રમ્ ।