Sri Rama Apaduddharaka Stotram

ශ්රී රාම ආපදුද්ධාරක ස්තෝත්රම්

ශ්ලොක 1

ආපදාමපහර්තාරං දාතාරං සර්වසම්පදාම් .

ලෝකාභිරාමං ශ්රීරාමං භූයෝ භූයෝ නමාම්යහම් ..

නමඃ කෝදණ්ඩහස්තාය සන්ධීකෘතශරාය ච .

දණ්ඩිතාඛිලදෛත්යාය රාමායාපන්නිවාරිණේ .. 1 ..

ආපන්නජනරක්ෂෛකදීක්ෂායාමිතතේජසේ .

නමෝ(අ)ස්තු විෂ්ණවේ තුභ්යං රාමායාපන්නිවාරිණේ .. 2 ..

පදාම්භෝජරජස්ස්පර්ශපවිත්රමුනියෝෂිතේ .

නමෝ(අ)ස්තු සීතාපතයේ රාමායාපන්නිවාරිණේ .. 3 ..

දානවේන්ද්රමහාමත්තගජපඤ්චාස්යරූපිණේ .

නමෝ(අ)ස්තු රඝුනාථාය රාමායාපන්නිවාරිණේ .. 4 ..

මහිජාකුචසංලග්නකුඞ්කුමාරුණවක්ෂසේ .

නමඃ කල්යාණරූපාය රාමායාපන්නිවාරිණේ .. 5 ..

පද්මසම්භව භූතේශ මුනිසංස්තුතකීර්තයේ .

නමෝ මාර්තාණ්ඩවංශ්යාය රාමායාපන්නිවාරිණේ .. 6 ..

හරත්යාර්තිං ච ලෝකානාං යෝ වා මධුනිෂූදනඃ .

නමෝ(අ)ස්තු හරයේ තුභ්යං රාමායාපන්නිවාරිණේ .. 7 ..

තාපකාරණසංසාරගජසිංහස්වරූපිණේ .

නමෝ වේදාන්තවේද්යාය රාමායාපන්නිවාරිණේ .. 8 ..

රඞ්ගත්තරඞ්ගජලධිගර්වහෘච්ඡරධාරිණේ .

නමඃ ප්රතාපරූපාය රාමායාපන්නිවාරිණේ .. 9 ..

දාරෝපහිතචන්ද්රාවතංසධ්යාතස්වමූර්තයේ .

නමඃ සත්යස්වරූපාය රාමායාපන්නිවාරිණේ .. 10 ..

තාරානායකසඞ්කාශවදනාය මහෞජසේ .

නමෝ(අ)ස්තු තාටකාහන්ත්රේ රාමායාපන්නිවාරිණේ .. 11 ..

රම්යසානුලසච්චිත්රකූටාශ්රමවිහාරිණේ .

නමඃ සෞමිත්රිසේව්යාය රාමායාපන්නිවාරිණේ .. 12 ..

සර්වදේවහිතාසක්ත දශානනවිනාශිනේ .

නමෝ(අ)ස්තු දුඃඛධ්වංසාය රාමායාපන්නිවාරිණේ .. 13 ..

රත්නසානුනිවාසෛක වන්ද්යපාදාම්බුජාය ච .

නමස්ත්රෛලෝක්යනාථාය රාමායාපන්නිවාරිණේ .. 14 ..

සංසාරබන්ධමෝක්ෂෛකහේතුධාමප්රකාශිනේ .

නමඃ කලුෂසංහර්ත්රේ රාමායාපන්නිවාරිණේ .. 15 ..

පවනාශුග සඞ්ක්ෂිප්ත මාරීචාදි සුරාරයේ .

නමෝ මඛපරිත්රාත්රේ රාමායාපන්නිවාරිණේ .. 16 ..

දාම්භිකේතරභක්තෞඝමහදානන්දදායිනේ .

නමඃ කමලනේත්රාය රාමායාපන්නිවාරිණේ .. 17 ..

ලෝකත්රයෝද්වේගකර කුම්භකර්ණශිරශ්ඡිදේ .

නමෝ නීරදදේහාය රාමායාපන්නිවාරිණේ .. 18 ..

කාකාසුරෛකනයනහරල්ලීලාස්ත්රධාරිණේ .

නමෝ භක්තෛකවේද්යාය රාමායාපන්නිවාරිණේ .. 19 ..

භික්ෂුරූපසමාක්රාන්ත බලිසර්වෛකසම්පදේ .

නමෝ වාමනරූපාය රාමායාපන්නිවාරිණේ .. 20 ..

රාජීවනේත්රසුස්පන්ද රුචිරාඞ්ගසුරෝචිෂේ .

නමඃ කෛවල්යනිධයේ රාමායාපන්නිවාරිණේ .. 21 ..

මන්දමාරුතසංවීත මන්දාරද්රුමවාසිනේ .

නමඃ පල්ලවපාදාය රාමායාපන්නිවාරිණේ .. 22 ..

ශ්රීකණ්ඨචාපදලනධුරීණබලබාහවේ .

නමඃ සීතානුෂක්තාය රාමායාපන්නිවාරිණේ .. 23 ..

රාජරාජසුහෘද්යෝෂාර්චිත මඞ්ගලමූර්තයේ .

නම ඉක්ෂ්වාකුවංශ්යාය රාමායාපන්නිවාරිණේ .. 24 ..

මඤ්ජුලාදර්ශවිප්රේක්ෂණෝත්සුකෛකවිලාසිනේ .

නමඃ පාලිතභක්තාය රාමායාපන්නිවාරිණේ .. 25 ..

භූරිභූධර කෝදණ්ඩමූර්ති ධ්යේයස්වරූපිණේ .

නමෝ(අ)ස්තු තේජෝනිධයේ රාමායාපන්නිවාරිණේ .. 26 ..

යෝගීන්ද්රහෘත්සරෝජාතමධුපාය මහාත්මනේ .

නමෝ රාජාධිරාජාය රාමායාපන්නිවාරිණේ .. 27 ..

භූවරාහස්වරූපාය නමෝ භූරිප්රදායිනේ .

නමෝ හිරණ්යගර්භාය රාමායාපන්නිවාරිණේ .. 28 ..

යෝෂාඤ්ජලිවිනිර්මුක්ත ලාජාඤ්චිතවපුෂ්මතේ .

නමඃ සෞන්දර්යනිධයේ රාමායාපන්නිවාරිණේ .. 29 ..

නඛකෝටිවිනිර්භින්නදෛත්යාධිපතිවක්ෂසේ .

නමෝ නෘසිංහරූපාය රාමායාපන්නිවාරිණේ .. 30 ..

මායාමානුෂදේහාය වේදෝද්ධරණහේතවේ .

නමෝ(අ)ස්තු මත්ස්යරූපාය රාමායාපන්නිවාරිණේ .. 31 ..

මිතිශූන්ය මහාදිව්යමහිම්නේ මානිතාත්මනේ .

නමෝ බ්රහ්මස්වරූපාය රාමායාපන්නිවාරිණේ .. 32 ..

අහඞ්කාරේතරජන ස්වාන්තසෞධවිහාරිණේ .

නමෝ(අ)ස්තු චිත්ස්වරූපාය රාමායාපන්නිවාරිණේ .. 33 ..

සීතාලක්ෂ්මණසංශෝභිපාර්ශ්වාය පරමාත්මනේ .

නමඃ පට්ටාභිෂික්තාය රාමායාපන්නිවාරිණේ .. 34 ..

අග්රතඃ පෘෂ්ඨතශ්චෛව පාර්ශ්වතශ්ච මහාබලෞ .

ආකර්ණපූර්ණධන්වානෞ රක්ෂේතාං රාමලක්ෂ්මණෞ .. 35 ..

සන්නද්ධඃ කවචී ඛඩ්ගී චාපබාණධරෝ යුවා .

තිෂ්ඨන්මමාග්රතෝ නිත්යං රාමඃ පාතු සලක්ෂ්මණඃ .. 36 ..

ආපදාමපහර්තාරං දාතාරං සර්වසම්පදාම් .

ලෝකාභිරාමං ශ්රීරාමං භූයෝ භූයෝ නමාම්යහම් ..

ඵලශ්රුති

ඉමං ස්තවං භගවතඃ පඨේද්යඃ ප්රීතමානසඃ .

ප්රභාතේ වා ප්රදෝෂේ වා රාමස්ය පරමාත්මනඃ .. 1 ..

ස තු තීර්ත්වා භවාම්බෝධිමාපදස්සකලානපි .

රාමසායුජ්යමාප්නෝති දේවදේවප්රසාදතඃ .. 2 ..

කාරාගෘහාදිබාධාසු සම්ප්රාප්තේ බහුසඞ්කටේ .

ආපන්නිවාරකස්තෝත්රං පඨේද්යස්තු යථාවිධිඃ .. 3 ..

සංයෝජ්යානුෂ්ටුභං මන්ත්රමනුශ්ලෝකං ස්මරන්විභුම් .

සප්තාහාත්සර්වබාධාභ්යෝ මුච්යතේ නාත්ර සංශයඃ .. 4 ..

ද්වාත්රිංශද්වාරජපතඃ ප්රත්යහං තු දෘඪව්රතඃ .

වෛශාඛේ භානුමාලෝක්ය ප්රත්යහං ශතසඞ්ඛ්යයා .. 5 ..

ධනවාන් ධනදප්රඛ්යස්ස භවේන්නාත්ර සංශයඃ .

බහුනාත්ර කිමුක්තේන යං යං කාමයතේ නරඃ .. 6 ..

තං තං කාමමවාප්නෝති ස්තෝත්රේණානේන මානවඃ .

යන්ත්රපූජාවිධානේන ජපහෝමාදිතර්පණෛඃ .. 7 ..

යස්තු කුර්වීත සහසා සර්වාන්කාමානවාප්නුයාත් .

ඉහ ලෝකේ සුඛී භූත්වා පරේ මුක්තෝ භවිෂ්යති .. 8 ..